النتائج 1 إلى 4 من 4

الموضوع: نصايحكم في ايدج 2007 واهم اعطاله ومشاكله لو سمحتو

  1. #1
    الصورة الرمزية شكلين مابحكي
    شكلين مابحكي غير متصل عضو مميز
    تاريخ التسجيل
    Jun 2009
    الدولة
    الـ خٍ ـبـر
    المشاركات
    459

    افتراضي نصايحكم في ايدج 2007 واهم اعطاله ومشاكله لو سمحتو

    السلام عليكم ورحمة الله وبركاته

    كيف حالكم ياغالين


    قررنا نبيع الفورد اللي تحملني سنيييين من الكرف وازود عليه التحويشه واشتري ايدج

    لكن متردد مابي اخذ سياره تخسرني اعطال ومشاكل


    فياليت تذكرون لي اهم المشاكل والاعطال اللي واجهتوها في الايدج 2007 ،، 2008


    فمثلاً على حسب ماقرأت ثلاجة المكيف تقريبا ؟

    همتكم ياشباب تكفون ابي كافة الاعطال ولككمم جززيل الشكر

  2. #2
    ابو فيصــل غير متصل عضو مميز
    تاريخ التسجيل
    Jul 2009
    المشاركات
    446

    افتراضي رد: نصايحكم في ايدج 2007 واهم اعطاله ومشاكله لو سمحتو

    والله ياخوي اذا تبي النصيحه الصادقه من اخ لاخوه
    ابتعد عنها ولا تشتريها ولا تفكر فيها
    انا كان عندي قراند ماركيز 2006 وتهورت وبعته وشريت الايدج 2007 وتحسفت على قد شعر راسي
    الايدج حلو وهيبه ورزه وعزمه ماشاء الله وخاصه اذا كان دفع رباعي زي اللي عندي
    لكن قطع غياره غير متوفر غير فقط في الوكاله ونص القطع في الوكاله اذا ماهي 80% طلبيه وبعد 45 يوم تستلمها وسعرها خيال تروح للورشه يقلك روح للوكاله اذا متوفره القطعه ابشر اركبها لك و90 % من الورش يقلك مانصلحه مانعرف لها...
    خراباتها المشهوره مروحة التبريد هذه عاد حدث ولا حرج قيمتها بالوكاله تقريبا 1800 ريال وطلبيه انتظر عاد الين تجي والسياره حرارتها مرتفعه ماتقدر تشغلها حتى...
    الخراب الثاني ثلاجة المكيف يقلك في الوكاله ماتبيعها لوحدها لازم اغراضها كلها وتقريبا 3000 ريال وبعد اجلس وانتظر الطلبيه...
    ثالث خراب والحمدالله مامر علي وان شاء الله مايمر لكن اللي سمعته باكم الفرامل وايضا غير متوفر بالوكاله...
    رابع خراب وهي نتعه او دقه في غيارات التعشيق السياره كأنها بتنقز وهذه الحمدالله مامرت علي وان شاء الله ماتمر وكثير ورش يقولون لك توضيب قير او تغيره وهو بالاساس فقط برمجه بالوكاله او عند ورشه وحيده تبرمج وفي الرياض فقط...

    نصيحتي للمره الثانيه ابعد وخلك على قردك لايجيك اقرد منه واذا معزم مره جدد موترك بقراند او كراون موديل حديث من 2006 وفوق
    يازين سيارتي القراند ماركيز 2006 اللي بعتها اقرب ورشه يفتح الكبوت ويصلحها على طول قطعها متوفره في المحلات العاديه
    دمت بحفظ الله

  3. #3
    الصورة الرمزية محمد السالمي
    محمد السالمي غير متصل عضو نشيط
    تاريخ التسجيل
    Jul 2012
    المشاركات
    67

    افتراضي رد: نصايحكم في ايدج 2007 واهم اعطاله ومشاكله لو سمحتو

    ابو فيصل ليش النطره التشاؤمية !!
    ابو فيصل هل سيارتك استخدام امريكي ؟ لأن أغلب اللي اعرفهم من اهل الاستخدام ذي الخرابات عندهم .

    بالنسبه لي عندي 2009 سعودي دفع رباعي اخذته وكاله وألحين ممشيه فوق الـ200 ألف عزم ورساوه تعجبك , كارفه خطوط طويله اخذت سنه يوميا 300 كيلو رايح جاي , وكارفه في البر وفي الشعاب وما دخلته صيانة الوكاله إلا مرتين بس !! وماغيرت فيه إلا الفحمات مرتين كل 100 ألف , وغيرت له قبل شهر مساعدات كامله بحدود 1000 ريال مع العلم اللي قدام ماتحتاج تغيير , وغيرت له مراوح أصليه قبل سنه من عند التقوى بحدود 800 ريال فقط !!
    اذا بتاخذ لا تاخذ إلا سعودي نظييف وممشاه قليل

  4. #4
    ابو فيصــل غير متصل عضو مميز
    تاريخ التسجيل
    Jul 2009
    المشاركات
    446

    افتراضي رد: نصايحكم في ايدج 2007 واهم اعطاله ومشاكله لو سمحتو

    اخوي محمد السالمي عندك القسم كامل حتى 2012 وا 2013 طالعه من الوكاله وفيها مشاكل عد و اغلط
    السياره انا قلت انها ممتازه من ناحية العزم والراحه والمنظر والقوه لكن قطعها غير متوفره حتى في الوكاله
    انا مالي صلاح ولا فائده في عدم شراء الاخ شكلين مابحكي لكن من باب النصيحه وهو يقدر يروح الورش ويروح محلات قطع غيار الفورد ويسأل عن قطعها موجوده او لاء ويروح بعدها لقطع غيار الوكاله ويسأل عن مثلا المراوح والباكم وثلاجة المكيف وغيرها ويتأكد بنفسه
    دمتم بحفظ الله

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر