صفحة 1 من 4 123 ... الأخيرةالأخيرة
النتائج 1 إلى 10 من 31

الموضوع: FJ vs Edge

  1. #1
    A-M-Z غير متصل عضو جديد
    تاريخ التسجيل
    Nov 2012
    المشاركات
    23

    افتراضي FJ vs Edge

    بسم الله الرحمن الرحيم
    والصلاة والسلام على اشرف الانبياء والمرسلين سيدنا محمد وعلى آله وصحبه أجمعين صلو عالحبيب يا جماعة الخير

    السلام عليكم ورحمة الله وبركاته
    هذا اول موضوع لي في المنتدى

    ندخل في الموضوع على طول
    انا ناوي اشتري سيارة دفع رباعي وحاب استشيركم بين ( الايدج ) و ( الاف جي كروزر ) في كل واحد منهم ميزة عاجبتني
    • عاجبني في الاف جي القوة وعلو السيارة ( علما انه موديل 2012 استاندر لانه قير عادي ) واللي مو عاجبني فيها انها غير مريحة خاصة المقاعد الخلفة حسب كلام الناس
    • اما الايدج فخامة وروقان بس ما اقدر اطعس به اذا هبقت معاي ( علما انه موديل 2013 نص فل )

    وحبيت اسألكم اذا ممكن يكون في دبل على الايدج النص فل وكم فرق السعر بين اللي بدبل واللي بدون ؟
    وابغى اتأكد من راحة المقاعد في الاف جي زي ما يقولو الناس ولا انها مريحة ؟

    صراحة انا عاجبني الاف جي اكثر من الايدج بس عشان ابغى راحة الوالدة كشيء اساسي عشان كذا متردد


    سامحونا اذا طولنا عليكم والسلام عليكم ورحة الله وبركاته

  2. #2
    يووسف غير متصل عضو نشيط
    تاريخ التسجيل
    Aug 2012
    المشاركات
    73

    افتراضي رد: fj vs edge

    اذا انت راعي بر وطلعات كثيره خذ لك اف جي ،، تراك راح تنبسط ،، ومقبول جدا بالديره ،،

    اذا انت راعي روقان بالبر بس تفل العزبة والشاهي واللقهوه وتتقهوى وتطبخ من دون تطعيس ولخبطة خذ لك ايدج شكل افخم ويمشي بالبر ،، موتر ديره وموتر بر ،،

    بس من وجهة نظري موتر تدفع فيه حوالي ١٣٠ او ١٤٠ وتكسره بالبر تطعيس وكذا ماشوف انها زينه ،،

    الخلاصه :

    اذا انت راعي من النوع اللي يمييل للبر كثير= اف جي
    اذا انت تجمع بين البر والديره وتميل للديره اكثر = ايدج

  3. #3
    kei
    kei غير متصل عضو مجتهد
    تاريخ التسجيل
    Feb 2011
    الدولة
    ford
    المشاركات
    131

    افتراضي رد: fj vs edge

    ^^^^^^^^^
    نفس كلام يوسف بالضبط
    وأزيد إذا تبغي راحة الوالدة أقول لك إيدج
    لأنها أوسع وأسهل في الركوب والنزول الاف جي شبابي
    الايدج عائلي شبابي

    ونصيحة خذ الموتر اللي داخل مزاجك أكثر لا تالي تتندم وتقول ياليت اللي كان ماصار !!

    تحياتي
    FORD
    &
    LINCOLN

  4. #4
    A-M-Z غير متصل عضو جديد
    تاريخ التسجيل
    Nov 2012
    المشاركات
    23

    افتراضي رد: fj vs edge

    شاكر لكم مروركم الكريم

    والله يا اخوي انا داخل دماغي الاف جي جدا بس زي ما قلت سابقا اني ابغى راحة الوالدة في نفس الوقت مع انو الوالدة عجبها "شكليا" الاف جي

    انا مو حق طلعات كثيرة للبر يعني حتكون هبقات بس كمان ابغى احس اني راكب "جيب" بمعنى الكلمة . الايدج احس انو كروس اوفر

  5. #5
    الصورة الرمزية Grand Marquis95
    Grand Marquis95 غير متصل التصميم والجرافكس و التغطيات الرسميه
    تاريخ التسجيل
    Feb 2009
    الدولة
    الرياض
    المشاركات
    922

    افتراضي رد: fj vs edge

    طبعا الاف جي بلا منازع للبر والراحة في المراتب الخلفية 0% اللي يركب ورا ومعه احد ورا بياكلها <اسال مجرب
    اما قدام عادي مثل اي سيارة وبعدين تحس ان معك جيب

    الايدج من فورد يعني راحة وبالنسبة للبر طلعات على خفيف ماعندك مشكلة والفخامة والمواصفات اكيد للايدج
    Instagram @bandar_Z71

  6. #6
    سلطان الخير غير متصل عضو مجتهد
    تاريخ التسجيل
    Jul 2012
    المشاركات
    103

    افتراضي رد: FJ vs Edge

    ابتكلم عن الادج بخصوص البر.. قبل فترة دخلت به لطعوس الثمامه بعد المخيمات يسار المهم نسمت الكفرات الى ٢٠ تقريبا ودخلت والله انبهرت ماكنت متوقع قاعد اتمشى ولا دعست عليه بالعكس ماشاء الله ورقيت كم طعس بس من الجنب وممتاز ماشاء الله.. ومعنا اكسبلورر ٢٠١٣ عز ماشاء الله هذا اللي من جد حق بر.. وشوفه صراحه انصحك فيه اقصد الاكسبلورر لانه يجمع بين الفخامه والراحه والعائلية والبر..

  7. #7
    التسجيل غير متصل عضو مبدع
    تاريخ التسجيل
    Feb 2010
    المشاركات
    355

    افتراضي رد: FJ vs Edge

    اقتباس المشاركة الأصلية كتبت بواسطة سلطان الخير مشاهدة المشاركة
    ابتكلم عن الادج بخصوص البر.. قبل فترة دخلت به لطعوس الثمامه بعد المخيمات يسار المهم نسمت الكفرات الى ٢٠ تقريبا ودخلت والله انبهرت ماكنت متوقع قاعد اتمشى ولا دعست عليه بالعكس ماشاء الله ورقيت كم طعس بس من الجنب وممتاز ماشاء الله.. ومعنا اكسبلورر ٢٠١٣ عز ماشاء الله هذا اللي من جد حق بر.. وشوفه صراحه انصحك فيه اقصد الاكسبلورر لانه يجمع بين الفخامه والراحه والعائلية والبر..
    بعد المطر والا قبله .. ؟ :d

  8. #8
    الصورة الرمزية TaG
    TaG
    TaG غير متصل عضو مميز
    تاريخ التسجيل
    Feb 2012
    المشاركات
    479

    افتراضي رد: FJ vs Edge

    لا ذا ولا ذا !!
    باثفايندر الجديد 2013

    تـــقـــــــــــــريــــــــــر

    6.0 Owner

  9. #9
    سلطان الخير غير متصل عضو مجتهد
    تاريخ التسجيل
    Jul 2012
    المشاركات
    103

    افتراضي رد: FJ vs Edge

    اقتباس المشاركة الأصلية كتبت بواسطة التسجيل مشاهدة المشاركة
    بعد المطر والا قبله .. ؟ :d
    لا ماكان فيه مطر .. انا رحت الخميس اللي راح ومااذكر الاربعاء جاء مطر.. والارض ماكانت رطبه.. الموتر بجد يعطيك في البر وخصوصا انه صغير ومكينته قوية.. بغيت اجرب ارقى طعوس بتهور بس خفت على الموتر

  10. #10
    ليلك غير متصل عضو نشيط
    تاريخ التسجيل
    Sep 2012
    المشاركات
    38

    افتراضي رد: FJ vs Edge

    المقارنه بين الإثنين وانا أخووك بحد ذاتها ظالمة لـ الإيدج !! وش جاب لجاب !!

    ترى الإف جي عبارة عن مقفص بـ اسلوب مريح شوي !! لا ديكور لا راحه لا تجهيزات !!

    الإيدج يتفوق من جميع النواحي وحتى على مستوى الماكينة ماكينة الإيدج أفخم واقوى وفيها تجهيزات وحساسات وأنظمة عجيبة وغريبة ... وخذ العلم لو ان الإيدج صنااعة شركة تويوتا ماراح تطقه بأقل من 180 ألف !!
    وعلى فكرة فرق السعر بينهم مو كبير ... اذا الفل كامل بـ الإف جي بـ 143 ألف موديل 2012 !! وشووف عاد أبو جميل كم يبي ينزلك سعر 2013 !! وكلمة فل كامل والله انها بس اسم عشان تكع زياده !! الإدج على الأقل في اختلافات جوهرية بين الفل كامل والنص فل تخلي الواحد يقتنع بالسعر

    خذ الهرج وقاصره ... سواء كنت حق بر أو حق فخامه او حق تمشيات او حق سفريات طقلك إيدج ... انا أقولك طق ايدج لأن خياراتك مجرد سيارتين اللي هم الإيدج والإف جي ... اما اذا عندك خيارات غير الإف جي هاك الحين في باب وجواب ....

    بالنسبة للبر وانا أخوك خلنا نكون صادقين ... الواحد مو طالع للبر كل شوي ,, بـ الإسبوعين مرة أو بالشهر مرة يعني 80% من مشاويرك بالبلد .... لذلك لا تستعجل وفكر بكلامي زين مازين



    فديت عمرك خيووووو *__^
    التعديل الأخير تم بواسطة ليلك ; 11-26-2012 الساعة 06:13 PM

صفحة 1 من 4 123 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر