صفحة 1 من 3 123 الأخيرةالأخيرة
النتائج 1 إلى 10 من 24

الموضوع: اي خبر عن الجي بي اس

  1. #1
    عبدالرحمن101 غير متصل عضو جديد
    تاريخ التسجيل
    Dec 2012
    المشاركات
    7

    افتراضي اي خبر عن الجي بي اس

    السلام عليكم ورحمة الله وبركاته

    اخواني الافاضل

    شريت ابشركم إيدج 2013 اللون ابيض ليمتد 2 والحمد لله بقيمة 155225 ( مائة وخمسة وخمسون الف ومئتين وخمسة وعشرين ريال) وكتبت سعره لان فيه ناس احتارت بالاسعار والتبس عليهم الامر وعطيتهم 500 ريال زود علشان يظللونها مع ضمان 10 سنوات المهم ...

    تفاجاءت بعد دفعي المبلغ ان السيارة ما فيها gps كل هالدراهم وها الشاشة الكبيرة ولا فيها غريبة صراحة
    المشكلة يا اخوان اني تعوت عليها والي جربها راح يعرف قصدي ويعلم الله اني بايع لكزس 2008 سعودي 460 لارج ابيض ( بالعربي افضل اللكازس )

    واحس اني توهقت بشريت الايدج .....

    السوال/ هل فيه كلام جديد حول ال gps او اي خبر ؟؟

    لاني افكر اشري قارمن واحطه على الطبلون ((( قويه يا فورد )))
    والسؤال الثاني / هل صحيح ما يقال انه مو كل اللمتد 2 يجي تسخين للمراتب ؟؟
    يعني معقولة مع عجلة التصنيع ينسون يحطونه والا الدعوه ارزاق شي غريب جدا ومضحك

    علما باني لم استلم سيارتي ومواعديني بعد 4 ايام

    يعني لو ما جا تسخين للمراتب ارفض استلامها لاني حسيت بمهمتها في هاليومين الباررررده

    وشكرا لكم

  2. #2
    AL-F9 غير متصل عضو نشيط
    تاريخ التسجيل
    Sep 2012
    المشاركات
    31

    افتراضي رد: اي خبر عن الجي بي اس

    رأيي الشخصي/
    غلطان يا صاحبي تبيع ls460 عشان تاخذ ايدج
    لانك حتلاقي فررررق بالمواصفات من ناحيه العزل و الامان و الفخامه و الصيانه
    انا اخذته 2011 ليمتد1 كلفني 138 الف
    الان له تقريبا سنه و اربع شهور معاي
    احس حرام ذا المبلغ فيييه مع اني تعلقت بالسياره
    لكن حبيعها لان حسيت حرام اني اخدتها
    تنصدم بالصيانه سيئه
    تنصدم بالعزل مش ولا بد خصوصا انك قبلها راكب ls
    انا حاليا جالس ادور البديل عشان ادف اللي عندي
    و اخيرا الله يكتبلك اللي فيه الخير و اكرر هذا رأيي الشخصي

  3. #3
    6 edge sport غير متصل عضو مجتهد
    تاريخ التسجيل
    May 2012
    المشاركات
    158

    افتراضي

    مابي احطمك.

    سيارتي 2013.
    قيادته عاديه والعزل سيء ولا فيه رساوه , واصوات على كيفك من الديكور, والبانوراما انواع الاصوات.
    والحي بي اس ردد ياليل ماطولك . الجي بي اس ركبوه في الاكسبلورر توليف من الشركه. وشكل السياره احتمال كبير جدا بيتغير 2014.

  4. #4
    6 edge sport غير متصل عضو مجتهد
    تاريخ التسجيل
    May 2012
    المشاركات
    158

    افتراضي

    زياده حبتين على الموضوع.

    الشاشه استجابتها بطيئه مش مثل المامول واحيان تظطر تسوي هاارد ريست حتى تزبط.

    المكيف دفعه ضعيف. واطلع منه ريحه شي يحترق اذا دعست شوي.
    المبوت لازم ترفعه فوووق وتفكه حتى يقفل.
    ادري كرهتك في السياره. بس مااحب احد ياخذ مقلب في السياره

  5. #5
    Dawoud10 غير متصل عضو مميز
    تاريخ التسجيل
    Jul 2011
    المشاركات
    450

    افتراضي رد: اي خبر عن الجي بي اس

    السلام عليكم
    اخوي عبدالرحمن للاسف اقلك غلطان تبيع ls 2008 (راي شخصي) عشان الادج مع اني من ملاك الفورد من عمر وزمن طويل (اللنكن) ما اقصد اني احطمك لكن تتكلم عن موتر من افضل السيارات اللي على الطريق لكن الدنيا فرص وارزاق، من ناحية الادج دامك باقي ما استلمته تقدر تغير الى الاكسبلورر ليمتد 2 راح تلاقي الخرائط وتسخيم المراتب وكمان الدركسون ولو ما بغيت تغير، الادج يعتبر ممتاز اجمالا وتقريبا افضل موتر في فئته ولا يعيبه عدم وجود ال gps وتسخين المراتب سهل ولا راح تحتاجه مع الجلد الاصلي كثير.
    موفق ومبروك مقدما واسال الله لك البركه

  6. #6
    الصورة الرمزية Fire
    Fire غير متصل مشرف قسم الايدج و mkx
    تاريخ التسجيل
    Feb 2011
    المشاركات
    1,086

    افتراضي رد: اي خبر عن الجي بي اس

    هلابك يالغالي ....

    و مبرووووك السياره و يعطيك خيرها و يكفيك شرها ....

    على العموم يالغالي الايدج ما تتقارن باللكزس لا من ناحيه العزل او الراحه او العلامه التجاريه

    و لكن هذا لا يعني انك شاري لك اكسنت او انها بتكون اقل من المتوقع بكثير !!

    و بالنسبه للسعر اشوف انه سعر العرض و هذا سعرها قبل سنتين ! و لكن ما قلت هل هي دفع رباعي ؟؟

    و بالنسبه للنافيقيشن فعلا قهر انه مو موجود و اقل السيارات موجوده فيها و المشكله من الشركه الام

    بحجه لايوجد خرائط للشرق الاوسط !! و اشتر لك قارمن بــ 1500 ريال اوفر و اريح !!

    مع ان فيه اعضاء من المنتدى يقولون ان الايدج و الاكسبلورر و التورس الجديده نزلت بالنافيقيشن الي

    هي حرائط igo ...

    و بالنسبه للتسخين كانت موجوده في موديلات 2011 و لكن موديل 2012 و 2013 اتوقع انها ماهي موجوده

    و اذا كنت شارط عليهم انها تكون بتسخين المقاعد تقدر ترفضها ...

    و بالتوفيق ...


  7. #7
    عبدالرحمن101 غير متصل عضو جديد
    تاريخ التسجيل
    Dec 2012
    المشاركات
    7

    افتراضي رد: اي خبر عن الجي بي اس

    شكراً لكل من شارك وتجاوب معي


    احس اني في حالة عزاء
    الحمد لله على كل حال
    ويعلم الله اني بحثت في جميع منتديات السعوديه عن سياره رباعي وبسعر ١٥٠٠٠٠ مالقيت الا ايدج مناسب وان شاء الله اني ابرتاح لها وانا بطبعي قليل الاستخدام للسياره وهادئ في السواقه وهذا الي خلاني احرص على الفورد بديل اللكزس لانها مريحه على كلام الشباب ويعلم الله يا شباب اني رحت الوكاله ودفعت فلوسها وفي حياتي ما ركبتها بس مدح الناس خلاني اجرب
    والدنيا تجارب ....
    واخوي الي يسألني هي رباعي .... اي نعم رباعي الدفع ويسمونها ليمتد ٢

  8. #8
    ايدج ليمتد1 2013 غير متصل عضو جديد
    تاريخ التسجيل
    Nov 2012
    المشاركات
    20

    افتراضي رد: اي خبر عن الجي بي اس

    الله يعطيك خيرها ويكفيك شرها
    والف مبروك
    الخرايط طبعا غير متوفره حاليا
    التسخين والتبريد غير متوفر
    وباقي المميزات راااااائعه وتستاهل الاقتناء
    سياره ووكيل يعتبر افضل وكيل فالسعوديه
    أنا كنت افكر فالقراند شروكي مواصفات وقوه وووو ولكن الوكيل سيء سيء وقطع نار
    وبالتوفيق ان شاء الله

  9. #9
    الصورة الرمزية مجافي
    مجافي غير متصل متخصص ايدج
    تاريخ التسجيل
    Mar 2011
    المشاركات
    540

    افتراضي رد: اي خبر عن الجي بي اس

    احسنت الأختيار ومبروك عليك والله يطعمك خيرها ويكفيك شرها ياغالي

    بالنسبة للسياره حلوه وصحيح فيها اصوات ديكور وبانوراما لاكن كل السيارات يجي فيها اصوات طبيعي يعني وبالنسبه للعزل 8 / 10 اعطيه والرساوه بالعكس راسي وقيادته حلوه ومريحة والمفروض جربته عندهم قبل تاخذه عشان تقتنع اكثر فيه وفيه مميزات تقنية اتحداك تجيب لي سياره بنفس المواصفات وبنفس السعر مع نظام سنك ونظام سوني الصوتي سياره دلع صراحه والشاشه حدثها اخر تحديث وانسى التعليق خذها مني والله يبارك لك فيه وان شاء الله ماتندم انك شريته موفق ...

  10. #10
    حسام الفهد غير متصل عضو نشيط
    تاريخ التسجيل
    Nov 2012
    المشاركات
    33

    افتراضي رد: اي خبر عن الجي بي اس

    الف مبروك اخوي والله يطعمك من خيره ويكفيك شره

    شوف حبيبي

    انا اول مرة اغير سيارتي واشتريت ايدج 2013 ليمتد 2 والحمدلله جداً مرتاح فيه ومبسوط ..

    لكن انت غيرت من لكزس الى ايدج ومادري عن انطباعك .. لكن تذكر وانا اخوك انك ماشتريت سيارة عادية مثل ماقال الاخ Fire

    يعني معليش ركز معي شوي ..

    انت تسأل عن تسخين المراتب .. اصلا شتاء السعودية كله شهرين !! تبي تستخدم هالخاصية طول السنة بس خلال شهرين ؟؟ غير كذا انا اشوف ان تشغيل المكيف تلقائي عكس درجة الحرارة الخارجية ميزة افضل من تسخين المراتب !! ( اذا شغلت السيارة بالريموت )

    اما الجي بي اس نقول ان شاء الله انه جاي بالطريق


    وبالتوفيق اخوي

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر