هلابك راعي الزد وبشر بالمشوره
اول شي الفرامل الخلفيه لحالها والجلنط او البريك لحالها
الفرامل الخلفيه نظام اقمشه يعني نفس الأماميه
اما البريك هلالي مثل السيارات القديمه
ويجي داخل الهوب وهذا ما تغيره الا بعد خمسه سنوات او ست
وأنا سياراتي حق وكالته
إلا لو مشيت عليه بالغلط ونت ماسك البريك بس بالفورد البريك ينفك لحاله مع التعشيقه للدي
وبالنسبه ان السياره تدحدر معاك مو شرط تكون فرامل البريك تعبانه
الشغله وزنيه
الطريقه الأولى شف الواير حق الجلنط الي تحت السياره نص الفردات تشوفه طايح او واضح تحتها هههههه هذا ينشد وأنت شده اول مره
راح تمسك معاك السياره
اما لو شفته مو على الوجه المطلوب تجي للوزنيه الثانيه وهي فك الكفرات الخلفيه وتكون الوزنيه من نفس الترس الي بالفرامل الخلفيه
اكرر وأقول عندك نظامين الفرامل لحال والبريك لحال
بالنسبه للتصفير انا طلع عندي تصفير ورحت غيرت الأقمشه ومعى الأسف والله باقي فيها الربع ويمكن اكثر
تصفير الأقمشه مو شرط انها انتهت
اتمنى اكون قدرت اوصلك المعلومه

وربي انت عسل اتعب وانا اقول انك عسسسسسسل ياعسل
يعني اسوي شده اول للبريك
وبعدين اكشف ع الفحمات
يالغالي بس سوال ( الفرد قحمات مو قماشات اتذكره اول ) الجديد اختلف حطو قماشات بدل الفحمات
ومعلومه جديده توي ادري ان البريك لحال والفرامل لحال للكفر الخلفي !!

خخخخخخخ نسيت الزيت الله يرجك ماعملتني ههههههههههه وش احط هههههههههه

الا انت الي الله يرجك رجاً جيدا خخخخ
شوف ياراعي الزد
انا اتكلم عن نفسي
بالسوق انا اشوف انو افضل انواع الزيوت هما فوكس سوبر جي تي او جي تي اكس
إذا انت راعي خطوط انصحك تحط فوكس سوبر جي تي لأنه 20/50 ولا تنسى الحر جاي بالطريق
اما جي تي اكس إذا انت انسان حق مدينه ومالك بالسرعه الزايده والسفر
جربت جي تي اكس ونقص معايه وناس كثير قالوه وأولهم حقين البناشر بأنفسهم يقولون الزيت خفيف لأنه 10/30
وحسب نظرتي ان سوبر جي تي افضل لأن فيه شركات كثيره حاولت تقلده
بعكس جي تي اكس مافيه ولا شركه قلدته
وأحب احذرك وأحذر الأخوه بالمنتدى فيه زيوت مغشوشه شفتها بعيوني بالبناشر وبصراحه بعض اصحاب البناشر مايخافون الله غش عيني عينك
يقلك تبغا سوبر جيتي مطور ولا عادي
المطور بعلبه حديد وهو مقلد لو تدقق بالكتابه مكتوب بالختم فوق سوبر تحت وتحت(جيه) وفيه علب بلاستك تشبه الأصلي
اما الأصلي يجي مكتوب بالختم فوق ( فوكس ) وتحت ( سوبر جي تي )
وللمعلوميه التقليد الي صاحب البنشر يقول مطور هذا اماراتي ومن عند بحلس يعني زيوت رجيع الي تنسحب من البناشر وتكلفتها على صاحب البنشر خمسه ريال للعلبه ويبيعها بقيمة الأصلي 15 ريال
وسلامتكم يا طوال الشوارب والأعمار

والله يا الغالي ما ادري عن موديل 2004
انا موديل 2000 احط اربعه ونص بدون سيفون وخمسه بالسيفون
اما 2003 والله ما ادري لأن المكينه مختلفه اسأل الوكاله لما تروح تاخذ من عندهم السيفون وفلتر الهوا

الله يعطيك العافيه يالغالي وبسال الييوم وارد لك وان شاء الاخوان يفيدونا

أخوي راعي الزد من 2003 الفرت تشرب 6 علب زيت بالسيفون

بالنسبه للزيت ليه ما تجرب زيت كاسترول ماجناتيك أبحث عنه بقوقل وشوف الناس كيف تمدحه

هو صحيح سعره غالي لكن أنت يهمك أهم جزء بالسياره اللي هو المحرك فما تستخسر فيه شيء

وبإذن الله إذا الله راد التغييره الثانيه للزيت بجربه وببدل فلتر جديد

وإن شاء الله يختفي صوت اللقلقه اللي بالمكينه

وبالتوفيق لك أخي ,,,