النتائج 1 إلى 8 من 8

الموضوع: وش العمل مع الزينون حق التاون كار

  1. #1
    الطليعة غير متصل عضو مجتهد
    تاريخ التسجيل
    Dec 2012
    المشاركات
    125

    افتراضي وش العمل مع الزينون حق التاون كار

    السلام عليكم

    ياجماعة اشتريت تاون كار 2007 امريكي من الدمام وسافرت على طول للرياض طبعاً بالليل واكتشفت بأن النور لايستحمل بكل معنى الكلمة من شدة قوته اوذيت خلق الله حتى التريلات بالطريق اللي بالعاده عاقلين ويستحملون صاروا اذا تعديتهم كبسوا العالي وراي (انتقام) :d

    والله ياجماعة إلى درجة ان واحد راعي fj تعداني ودق اشارات يحسبه العالي طبعاً أنا ماأقدر أطفيه لأن هذا الواطي فوش سوا اخينا بالله ضرب بريك وخلاني اتعداه وصار وراي وحط الصدام بالصدام وكبس العالي علي :d

    بزعمه يبي يعميني مايدري ان عندي مرايه تعتيم تلقائي وماطقيت لنوره خبر وبعدها بدقيقة ظن بأنه انتقم وكبس من عندي يبي عشان يبعد بسرعة وما ينعمي من نوري وأنا ماني مسرع كنت مثبت السرعة على 120

    وش العمل ياجماعة مع النور الزنون الواطي حق التاون كار وليش هو كذا مرتفع ؟

    هل له زر ينزله او عن طريق كمبيوتر السيارة او هو عادي مثل الطريقة التقليدية فتح كبوت وتحريك مسامير وزن النور ؟

  2. #2
    Eng.Abdullah غير متصل عضو نشيط
    تاريخ التسجيل
    Dec 2012
    المشاركات
    78

    افتراضي رد: وش العمل مع الزينون حق التاون كار

    والله يالغلا انا مالي خلفية في التاون كار

    لكن الارجح ان يبيله وزن

    والوزن في اي سيارة اما يكون في زر بكرة للوزن بحيث تتحكم بارتفاع وانخفاض النور الياً

    او يكون عن طريق مسمار في الكبوت

    بالنسبة لسيارتي جراند ماركيز 2010 فهو عن طريق مسمار في الكبوت

    وننتظر من لهم خبرة في التان كار يفيدوك

    وموفق خير

  3. #3
    الصورة الرمزية رايق
    رايق غير متصل عضو ملَكي
    تاريخ التسجيل
    Jun 2009
    الدولة
    مكة المكرمة
    المشاركات
    1,439

    افتراضي رد: وش العمل مع الزينون حق التاون كار

    عليك السلام

    اخوي نور الزنون حق التاون كار ممتاز جدا ولا يعمي اذا كان من بلدها

    اما اذا كان تركيب من المحلات يكون قوي ويعمي
    [IMG][/IMG]



    سبحانك اللهم وبحمدك أشهد أن لا إله إلا أنت أستغفرك وأتوب إليك

  4. #4
    الطليعة غير متصل عضو مجتهد
    تاريخ التسجيل
    Dec 2012
    المشاركات
    125

    افتراضي رد: وش العمل مع الزينون حق التاون كار

    والله مدري هو وكالة أو تركيب

    أنا شريتها قبل كم يوم وسألت صاحب السيارة يقول هي جت كذا أنا ماركبته .. والله أعلم

    لكن السيارة فل كامل سقنتشر لميتيد وفيها فتحة سقف وتسخين مراتب فأعتقد تجي زينون شد بلد

  5. #5
    الصورة الرمزية M.S.K-1990
    M.S.K-1990 غير متصل عضو ملَكي
    تاريخ التسجيل
    Sep 2010
    المشاركات
    803

    افتراضي رد: وش العمل مع الزينون حق التاون كار

    يبيلك وزن نور

    عندك وحده من الشمعات مرتفعه او ممكن تكون كلها عشان كذا تعمي العالم

    انا كان عندي فكتوريا قبل نوره عادي مو زنون

    بس الشمعه الي على اليمين مرتفعه وكل ما قابلت واحد ازعجتني بالتكبيس

    بعدها رحت ووزنت النور بنفسي رحت لكان مظلم ووقفت الموتر وجبت سكروب ووزنته

    انا ما اعرف للتون كار لكن ممكن يكون مثل الفكتوريا

    اول ما تفتح الكبوت فك الغطا البلاستيك الي فوق الشمعات من خلف

    وبتحصل خلف الشمعه زي الحديده بارزه لفها يمين او يسار راح تحصل النور بدا ينزل ويطلع معك

    وعشان تفك نفسك من الحوسه رح لاي ورشه وقله يوزن لك النور
    والشغله ما تاخذ 10 دقايق

    بس انتبه لا تنزل النور كثير مره لانه ممكن ما تشوف زين

    حاول توزنه بحيث انه ما يوصل لمراية السياره الي قدامك وفي نفس الوقت ما يكون نازل كثير عشان تشوف زين

  6. #6
    الطليعة غير متصل عضو مجتهد
    تاريخ التسجيل
    Dec 2012
    المشاركات
    125

    افتراضي رد: وش العمل مع الزينون حق التاون كار

    مشكورين وما قصرتوا

    أبشركم وزنت النور والأمور الآن طيبة

  7. #7
    الصورة الرمزية سيد الطريق$BUICK$
    سيد الطريق$BUICK$ غير متصل مشرف قسم السيارات الاخرى
    تاريخ التسجيل
    Aug 2011
    الدولة
    الاحساء سيتى
    المشاركات
    2,916

    افتراضي رد: وش العمل مع الزينون حق التاون كار

    العمل انك توزنه عند محل يعرف يوزن لانه اذا تغيرت وزنيه الوكاله يعمي...عندي مثلك(تاون كار) زنون وكاله موزون من الوكاله ولا يعمي لانه موزون صح...!
    Instgram+snap : tbutrika


    http://instagram.com/p/o5qvsaJCpT/

    سبحان الله وبحمده عدد خلقه ورضا نفسه وزنه عرشه ومداد كلماته

    http://www.ford4arab.com/vb/t75947.html
    كيفيه تفعيل خاصية كاميرات ساهر خرائط (ايقو)
    http://www.ford4arab.com/vb/t75669.html
    كيفيه تنزيل خرائط (igo)^..
    http://ww
    w.ford4arab.com/vb/t75028.html

    تركيب بروجكتر للنكن^
    http://www.ford4arab.com/vb/t82805.html#post797334
    طريقه تنظيف فتحه التهويه^
    http://www.ford4arab.com/vb/t77019.html
    تفصيل غطاء شفاف للواجهيه^
    http://www.ford4arab.com/vb/t94766.html
    لأول مرة تركيب عدسات عاللنكن^

  8. #8
    الصورة الرمزية رفاهية فانتوم
    رفاهية فانتوم غير متصل عضو ملَكي
    تاريخ التسجيل
    Oct 2009
    المشاركات
    2,708

    افتراضي رد: وش العمل مع الزينون حق التاون كار

    نزل النور عند اي كهربائي
    انا كان عندي نفس المشكلة وانا نزلته بنفسي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر