صفحة 1 من 2 12 الأخيرةالأخيرة
النتائج 1 إلى 10 من 18

الموضوع: مشكلة خطيرة بالقير ارجو الافادة بأسرع وقت

  1. #1
    صـدى الآهـآت غير متصل عضو جديد
    تاريخ التسجيل
    Dec 2012
    المشاركات
    8

    افتراضي مشكلة خطيرة بالقير ارجو الافادة بأسرع وقت

    السلام عليكم ورحمة الله وبركاته
    يشرفني الانضمام الي اسرة فورد العربية وللاسف ماكان ودي يكون اول موضوع لي عن مشكلة بس وش نسوي مالنا الا الله ثم انتم واتمنى الفايده منكم عشان مااتنصب من الورش الي كل همهم كيف يطلع الي بجيبك المهم يااخواني الاعزاء انا عندي كراون فكتوريا 2005 سعودي ماشي 185 كم عندي مشكلة قوية بالقير ومرات تسببلي احراجات والمشكله هي القير لمن اكون واقف عند اشاره واعشق الدي مرره القير يتأخر النمره ماتشبك بسرعه مثل السيارات الثانيه كامري وغيره تقريبا تاخذلها 4 ثواني بعدين يشبك وبرضه مرات القير يفضي من حاله وانا ماشي بسرعه 50 الي 70 لمن اشيل رجلي وانتم بكرامه عن دعسة البنزين وارجع ادعس اسمع صوت حنة المكينه كاني حاطه بالفاضي وبعدين اسمع طق ويشبك القير ومرات لمن اوقف عند اشاره اسمع طقه من القير وانا بيني وبينكم رجلي حارة على السياره ومرات اشغلها بدون تحمية وزيت القير والفلتر مره وحده غيرته من يوم ماطلعته وكالة غيرته كان ماشي 120 الف وكانت فيه مشكلة التفضيه بس بشكل نادر جدا وكان يتاخر القير بس مو مثل الحين الحين كل شي زاد صار القير يتاخر مره وكل شوية يفلت مرره المشاكل هذي مسببتلي احراجات انا بوديه الصناعيه الاسبوع الجاي ليت الي عنده خبره يفيدنا وش اسوي اول شي اكشف كمبيوتر برا ولا اوديه الوكالة اكشف عليه واصلحه برا انتظر ردودكم واسف على الاطالة

  2. #2
    الصورة الرمزية أبـو زهـرهـ
    أبـو زهـرهـ غير متصل متخصص ميكانيكي
    تاريخ التسجيل
    Oct 2010
    الدولة
    الظهران AND الجبيل
    المشاركات
    13,218

    افتراضي رد: مشكلة خطيرة بالقير ارجو الافادة بأسرع وقت

    ياطويل العمر روح غير الزيت والفلتر وفيه حساسات

    وإذا تبي النصيحه غير الاشياء اللي تحت وبيرجع وكاله بإذن الله
    1-حساس التغييرات شفت لوك shifyt lockب 185 ريال داخل القير أقصد فوق الفلتر أول ماينزل الفلتر تلقاه فوق يعني لايتفلسف عليك هو يقولك داخل القير مره


    2- حساس الكف اللي هو حساس التعشيق اللي براا القير 150 رياال

    التعديل الأخير تم بواسطة أبـو زهـرهـ ; 01-04-2013 الساعة 02:48 AM
    أسـتـغـفـر الله الـعـظـيـم وأتـوب إلـيـه

  3. #3
    الصورة الرمزية Black King
    Black King غير متصل مراقب عام / رئيس التغطيات
    تاريخ التسجيل
    May 2009
    الدولة
    K.S.A AND FORD
    المشاركات
    13,064

    افتراضي رد: مشكلة خطيرة بالقير ارجو الافادة بأسرع وقت

    ماشاء الله افادك الذيب وان شاء الله

    تنحل المشكله عندك
    اخوكم عبدالعزيز بن محمد

    KING OF THE ROAD



  4. #4
    صـدى الآهـآت غير متصل عضو جديد
    تاريخ التسجيل
    Dec 2012
    المشاركات
    8

    افتراضي رد: مشكلة خطيرة بالقير ارجو الافادة بأسرع وقت

    الله يجزاكم خير ياابو زهره الله يوفقك ويرضى عليك يغيرون الحساسات بترومين ؟؟ وايش الزيت المناسب للقير ميكرون v ? وسامحنا تعبناك معنا

  5. #5
    الصورة الرمزية أبـو زهـرهـ
    أبـو زهـرهـ غير متصل متخصص ميكانيكي
    تاريخ التسجيل
    Oct 2010
    الدولة
    الظهران AND الجبيل
    المشاركات
    13,218

    افتراضي رد: مشكلة خطيرة بالقير ارجو الافادة بأسرع وقت

    اقتباس المشاركة الأصلية كتبت بواسطة صـدى الآهـآت مشاهدة المشاركة
    الله يجزاكم خير ياابو زهره الله يوفقك ويرضى عليك يغيرون الحساسات بترومين ؟؟ وايش الزيت المناسب للقير ميكرون v ? وسامحنا تعبناك معنا
    الله يوفقك
    لا بالعكس والله
    شوف ياطويل العمر بترومين مايغيرون إلا زيت خاص فيهم إعتقد روحبها عند الورش وشوف
    والزيت أنصحك تروح الوكاله وتاخذ برقم الشاصي أفظلك أو تلقى نوعيه الزيت بالعيار حقت الزيت
    أسـتـغـفـر الله الـعـظـيـم وأتـوب إلـيـه

  6. #6
    العميل07 غير متصل عضو جديد
    تاريخ التسجيل
    Sep 2010
    المشاركات
    7

    افتراضي رد: مشكلة خطيرة بالقير ارجو الافادة بأسرع وقت

    والله ياخوك مادري وش اقولك ،،،، انا معي كراون فكتوريا وبالضبط صار معي نفس اللي قاعد تقولة
    ونفس الموديل بعد 2008 وتوكيلات وصار نفس الكلام بس انا رحت غيرت الفلتر مع الزيت


    وثاني يوم االقير جاوب والحمدلله صلحتها
    الكلام هذا قبل اسبوع تقريبا

  7. #7
    الصورة الرمزية رايق
    رايق غير متصل عضو ملَكي
    تاريخ التسجيل
    Jun 2009
    الدولة
    مكة المكرمة
    المشاركات
    1,439

    افتراضي رد: مشكلة خطيرة بالقير ارجو الافادة بأسرع وقت

    كنت اعاني من نفس مشكلتك زمان كان معي فورد 99 امريكي بس اول ماغيرت الزيت والفلتر انحلت المشكلة
    [IMG][/IMG]



    سبحانك اللهم وبحمدك أشهد أن لا إله إلا أنت أستغفرك وأتوب إليك

  8. #8
    الصورة الرمزية عبادي الشمراني
    عبادي الشمراني غير متصل عضو ملَكي
    تاريخ التسجيل
    Oct 2011
    الدولة
    ksa _ jeddah
    المشاركات
    1,046

    افتراضي رد: مشكلة خطيرة بالقير ارجو الافادة بأسرع وقت

    حياك الله اخووي


    اسحب عيار الزيت وشوف وش لون الزيت ؟؟ وهل فيه ريحه بلاستيك محروق ؟؟

    اتوقع من الكلتشات = توضيب قير

    طبعاً كانت معي نفس مشكلتك ومانحلت الا بالتوضيب


    بالتوفيق اخوووي


    تم تغيير اسم العضويه من ford s الى عبادي الشمراني



  9. #9
    الطافق غير متصل عضو مبدع
    تاريخ التسجيل
    Jul 2009
    المشاركات
    269

    افتراضي رد: مشكلة خطيرة بالقير ارجو الافادة بأسرع وقت

    اخوي انا من رأيي قبل لا تبدأ بأي عملية تغيير او تصليح انك تفصل كابل البطاريه وتسوي برمجه للكمبوتر
    يمكن يضبط باذن الله
    وهذا لنك لموضوع يشرح طريقة البرمجة بعد فصل الكيبل
    انتبه..! إذا فصلت البطارية لازم تبرمج السيارة....

  10. #10
    صـدى الآهـآت غير متصل عضو جديد
    تاريخ التسجيل
    Dec 2012
    المشاركات
    8

    افتراضي رد: مشكلة خطيرة بالقير ارجو الافادة بأسرع وقت

    الله يعطيكم العافيه ياشباب رحت امس سعرت قيمة الحساسين الي قال عنها ابو زهره الله يجزاه خير حساس الكف ب160 وحساس الشفت لوك ب200 بس قلي حساس الكف يجي داخلي وخارجي اي واحد فيهم وانا ان شاء الله خلال اليومين هذي بغير الحساسين وزيت وفلتر القير واعلمكم اش صار

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر