صفحة 1 من 2 12 الأخيرةالأخيرة
النتائج 1 إلى 10 من 12

الموضوع: ناوي على فورد

  1. #1
    الصورة الرمزية تمنيتك
    تمنيتك غير متصل عضو نشيط
    تاريخ التسجيل
    Feb 2013
    الدولة
    Dammam
    المشاركات
    93

    افتراضي ناوي على فورد

    السلام عليكم ورحمةة الله وبركاتهة

    كيفكم ي بشوات

    ان شاء الله الكل بخير وبنعمةة

    انا واعوذ بالله من كلمة انا نويت على فورد فكتوريا او ماركيز

    بدا حبي وعشقي واعجابي فالفورد بالاجازه الي راحت شهر 3 واحد من اخوياي اشترا ماركيز 2000

    المهم سقت الموتر وعجبني مريح فالخط وبالحواري وكل شيء عكس السياره الي معي كامري 2007

    المهم انا ناوي اشتري بس مالي خبره فيها يعني لاعجبني موتر من نصبته وهو واقف وبجرب اسوقه كيف اعرف خرابته ووش فيه والقير وقربعة السياره

    لان بصراحه خبرتي تايوتا ومامعري شريت سياره توماتيك كل الي سقتها عادي

    فمالي خبره فالقير التوماتيك وبالفورد عموما

    ادري عطيتكم قصه حياتي وهذريت بزياده بس ماعليه ماعليه

  2. #2
    الصورة الرمزية تمنيتك
    تمنيتك غير متصل عضو نشيط
    تاريخ التسجيل
    Feb 2013
    الدولة
    Dammam
    المشاركات
    93

    افتراضي رد: ناوي على فورد

    ي شباب اليوم لقيت فكتوريا 2004 نظيف نظيف جدا

    من بدي و بطن السياره اضلعه ومساعدات وكل شيء صراحه وكل

    لكن عيبه ممشاه 450 الف يعني ماحط وبقوة

    قال لك بال28 الف وش تقولون غالي رخيص

    افيدوني تكفون

  3. #3
    ابو تركي11 غير متصل عضو مميز
    تاريخ التسجيل
    Oct 2010
    المشاركات
    361

    افتراضي رد: ناوي على فورد

    والله يالغالي مالي خبره بالبيع والشراء لكن اللي اشوفه انك تدور غيره لأن ممشاه كثير وانت تبغى موتر لك وللزمن

  4. #4
    تاريخ التسجيل
    Dec 2012
    المشاركات
    63

    افتراضي رد: ناوي على فورد

    لا لا ممشاه كثير ويمكن يكون موظب المكينه

    مالك بالطويلة اذا تبي فورد نظيف وممشاه قليل شوف هذا الاعلان

    جراند ماركيز 1998( ماشي قليل ) | حراج السيارات

  5. #5
    عامر الدوسري غير متصل عضو مميز
    تاريخ التسجيل
    Mar 2012
    المشاركات
    420

    افتراضي رد: ناوي على فورد

    شوف اخوي
    اذا تبي لك موتر نظيف ولك وللزمن
    نصيحة لاتاخذ الا امريكي مستعمل
    يعني جاي من برى
    لان اللي تجي من برى اغلبها نظيفة بالحيل وممشاها قليل اقل من 100 الف واسعارها حلوة
    نصيحة لوجه الله ابتعد عن الاستخدام السعودي نهائيا
    لاتفكر تاخذ استعمال سعودي حتى لو موديله حديث وممشاه قليل
    لاتصير مثل خويي اخذ لك موتر استعمال سعودي وموديله حديث وحتى ممشاه قليل وربي الى الآن دافع فيه فوق 10000 من خراباته
    عشان كذا انحش عن الاستعمال السعودي وحط رجولك
    شوف الصالات اللي تجيب فوردات من برى وشوف لك موتر طيب واهم شي قبل لاتشتري شيك على الميكنة والقير والدفرنس والبدي تكون نظيفة
    واذا لقيت موتر طيب قبل لاتشتريه خذ رقم الشاص وشوف هالمواقع تفحص لك السيارة المستورة بحيث يعطيك اخر ممشى سجل لها والصيانه وهل صار عليها حوادث ولا لا ووين كانت فيه ومعلومات حلوة واسعار حلوة حوالي 20 او ثلاثين ريال تحولها على حسابهم بالراجحي ويجيك الفحص على الايميل وعاد اذا تاكدت من كل شي والموقع اعطاك المعلومات المطلوبة وطلع نظيف توكل على الله واشتر وربي يوفقك
    وهذي هي المواقع

    تقارير فحص السيارات


    Arab Vin قبل شراء سيارتك الأمريكية

    ونصيحة لاتستعجل عشان تاخذ لك واحد نظيف ومضمون ولك وللزمن
    وهذا اللي عندي

  6. #6
    الصورة الرمزية متميز 1
    متميز 1 غير متصل عضو ملَكي
    تاريخ التسجيل
    Aug 2012
    المشاركات
    898

    افتراضي رد: ناوي على فورد

    لاختيار سيارة نظيفة
    ١- صوت السيارة هادي المكينة والممشي قليل
    ٢- عدم وجود تهريبات زيت من فوق السيارة ومن تحت وافحص الصوف والوجيه خصوصا السيارات المخزنة
    ٣- تغييرات القير مريحة بدون نتعه ولاطقة
    ٤- افحص الزيوت زيت المكينة والقير وشف لونه وكذلك رائحة الزيت
    ٥- بدي السيارة خالي من الصدوم اذا رشوش بسيطة وبتستخدم لايمنع
    ٦- داخلية السيارة نظيفة خاصة مقعد السايق ماهو هابط ولامايل
    بالتوفيق

  7. #7
    الصورة الرمزية تمنيتك
    تمنيتك غير متصل عضو نشيط
    تاريخ التسجيل
    Feb 2013
    الدولة
    Dammam
    المشاركات
    93

    افتراضي رد: ناوي على فورد

    الله يعطيكم العافيةة

    مقصصرتوا جميعا ولاهنتوا

    انا والله ماني مستعجل وعلى اقل من مهلي ادور الشيء الي يقنعني

    وبالنسبةة لاخوي عامر والله ياخوك ماعندي المبلغ الي اخذ فيه موديل 2008 او اكثر مستورد

    ودي وتقديري لكمم

  8. #8
    الصورة الرمزية Eng.Asim
    Eng.Asim غير متصل مشرف عام قسم ورشة فورد
    تاريخ التسجيل
    Nov 2010
    الدولة
    السعوديه
    المشاركات
    5,423

    افتراضي رد: ناوي على فورد

    اقتباس المشاركة الأصلية كتبت بواسطة تمنيتك مشاهدة المشاركة
    الله يعطيكم العافيةة

    مقصصرتوا جميعا ولاهنتوا

    انا والله ماني مستعجل وعلى اقل من مهلي ادور الشيء الي يقنعني

    وبالنسبةة لاخوي عامر والله ياخوك ماعندي المبلغ الي اخذ فيه موديل 2008 او اكثر مستورد

    ودي وتقديري لكمم
    ترا في سيارات ممشاها كثير بس قمه في النظافه
    لكن ما توصل للـ نص مليون ولا 450 الف
    انا عندي فكتوريا موديل 95 توه وصل 460 الف
    "تجنباً لإغلاق موضوعك ألتزم بقوانين قسم ورشة فورد"


    سبحان الله ..الحمد لله ...لا إله إلا الله ..الله اكبر
    سبحــــــــــــــان الــــله و بحمــــده ..سبحــــان الــله العظيــــم
    ~..~..~..~..~..~..~..~..~..~
    أروع و أفضل و أجمل و أخشع التلاوات و الادعية
    من رمضان 1436هـ بصوت الشيــخ نــاصر القطــامي,,,

    مـــــن هنـــــــــــــــــــــا


    .................................................. .............
    من مواضيعي:
    #تجربتي للتحويل من قير علاقي إلى قير ارضي#
    برنامج اي قو للشاشات الصينية محدث بأستمرار
    معلومات عن حساس FRP للأكسبلورر....
    تجربتي لتغير زيت الدركسون
    موضوع شامل عن هيدروليك الفورد
    الاذرعه و المقصات,, (فائدتها - صيانتها -وزنها ) بالصور
    اهم حساسات المكينه للفورد ( iac - tps - maf ) موضوع شامل عنها
    تجربتي في تركيب دينمو بوليسي (200 امبير) وتوليف الفيش بالصور للماركيز 2002
    تعلم كيف تفحص الكمبروسر المستخدم وبعض المعلومات لاجزاء التكيف بالصور
    حصرياً: تركيب قيجات ( عداد الفولتج - عداد حرارة زيت القير - عداد حرارة ماء الرديتور )
    تجربتي في تغير جلد عصا التعشيق (لحل مشكلة فضاوة عصا التعشيق) بالصور
    (حصرياً)كيف تفرق بين منظم كهرباء السياره Mega Raizin الاصلي و المقلد
    افضل طريقة لتوصل وتركيب منظم كهرباء السياره Mega Raizin بالصور
    تقرير مفصل عن شاشة الرودماستر المخصصه للفورد V700 الماسيه
    تجربتي في تركيب كنسول علوي على ماركيز 2002
    تقريري الخاص بتغير الاشياء الاستهلاكيه بالصور
    لو ما دخلت وسمعت المقطع قلبك ميت

  9. #9
    الصورة الرمزية فورد ماركيز 97
    فورد ماركيز 97 غير متصل عضو ملَكي
    تاريخ التسجيل
    Jan 2013
    المشاركات
    549

    افتراضي رد: ناوي على فورد

    صدق اخوي غالي الفورد اذا تبي نصحيتي دور في الحفر الباطن والشرقية رخصية ونظيفة اهم شيء القير والدفرنس والمكينة والديكور الداخلي اذا مرشوش عادي بس اهم شيء مايجيك فيها صدمة قوية والله يوفقك يالغالي ....
    وبخصوص اللي يقول سعودي بيتعب معك اعذرني انا معي الموتر لو تشوفه تحن عليه ماغير الا اشياء استهلاكية حسب تحمل السيارة خويي معه نفس موديل بس امريكي كل يوم في ورشة مره علبة فرامل ومره الباكم ومره علبة دركسون وفيها خرباتكثير الحين بس ينتظر مكافأة عشان يضبطها ....
    الله يوفقك ...
    نافق تعيش..و جامل الناس تنحب..
    وبيع الضمير.. و تشوف كل يجيلك..


    هذا,, هو الدستور في و قتنا الصعب,,
    اما تزيل الصدق ولا هو يزيلك..


    صار الصدوق منبوذ..في عالم الكذب..
    و صار الكذوب.. ياللأسف هو خليلك..

    BB:296F16E1
    أبوهزه

  10. #10
    الصورة الرمزية town car 97
    town car 97 غير متصل عضو مميز
    تاريخ التسجيل
    Jul 2011
    المشاركات
    346

    افتراضي رد: ناوي على فورد

    بصراحة ومن تجربتي ولا داخل جيبي ريال من اللي بتشتري منه
    انا اقول ان الامريكي ما يعيبه ممشاه ولو كان مليون اللي يعيبه هو اللي يسوق واللي يتعلم كيف يصلحها
    فقط فقط فقط
    الفورد حق مشاوير وخطوط وكرف وتحميل اعمل فيه اللي تبغا بس حافظ عليه
    اما مقاومات وتكتيم مكينة وتزحيف وحرق كفرات انصحك لا تشتريه ما هو حق كذا وبتدام كل يوم بورشة
    قطع استهلاكية رخيصة جدا واغلبها تقدر تغيرها بنفسك
    اتحداك تجيب لي موتر مكينة الزجاج حقه ب 35 ريال او 75 ريال من الوكالة ؟؟؟؟ السعر خاص بموتري والماركيز والفكتوريا تقريبا نفس السعر
    ومثل ما تطلب الفورد يطلبك
    يعني كل السيارات تخرب حتى لو كانت مزراتي ولا مايباخ اهتم بسيارتك سيارتك تهتم فيك
    والله يرزقك بابن الحلال اللي يبيعك موتر نظيف
    ومبروك مقدما
    .THE Dr

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر