النتائج 1 إلى 6 من 6

الموضوع: بداية النهاية

  1. #1
    الصورة الرمزية Grand Marquis95
    Grand Marquis95 غير متصل التصميم والجرافكس و التغطيات الرسميه
    تاريخ التسجيل
    Feb 2009
    الدولة
    الرياض
    المشاركات
    922

    افتراضي بداية النهاية

    السلام عليكم ورحمة الله وبركاته

    ابتكلم اليوم عن موقفين صارت لي قد تكون بداية النهاية لمجالي في التصوير

    الموقف الاول صار لي مع شركة هوندا للسيارات رحت لهم يوم الجمعة اول مانزلت الاكورد الجديدة
    وماكنت جايب الكام معي وقلت للموضف التصوير ممنوع والا مسموح قالي ابد خذ راحتك قلتله بجي خلال هذا الاسبوع ومعي كام وابسوي تغطية للاكورد الجديدة من مواصفات اضافية واداء واسعار قال ابد حياك الله باي وقت وجيتهم يوم الاثنين وبديت التقط بالصور من خارج السيارة ومن الداخل والمكينة والاضافات الجديدة والخ... وطلعت برا اصور السيارة المعروضة خارج المبنى واتفاجئ بشخص بصوت عالي يامحمد ياصاحب الكاميرا وقلتله هلا ورد علي بصوت عالي قالي من اذن لك تصور جيت استاذنت مني طبعا قلتله جيت يوم الجمعه واساذنت من موظف وقالي حياك باي وقت ووريته صور كنت مصورها بجوالي. طبعا فيه ناس يصورون بجولاتهم قلت له شف هذولا يصورون بجولاتهم قال اللي بالجوال غير وووالخ ...(يعني بالله عليك اللي يصور بجواله بتطلع اسود وابيض والا بتصير مقلوبة والا الاكورد بتصير اكسنت بالجوال) على العموم بعدها اتفق اني انزل الصور بحيث انه ماتبان الصاله او الفرع طبعا انا سلكت له (خف علينا ياصالة درة العروس على غفلة ) وتكيسلت انزل الصور لاني مالي خلق بعد الموقف وهي موجودة عندي للحين بالجهاز. انا هنا جاي بانفعهم وافيدهم يمكن اطلع لهم بصورة يحلمون فيها ومع ذلك جاي يقول وشوله ومدري وش ويخربط علي
    بهالحالة ضاع وقتي بدون فايدة وماقلت له ادفع او اجبرته على شي .


    الموقف الثاني صار لي الجمعه قبل الماضية رحت للمهدية وجلست انا وواحد من الشباب نشوف اللي يتقاومون وكالعادة الكام معي قلت خلني اخذ كم صورة طبعا على اساس اني بنزل تغطية بالمنتدى وزبطنا لنا كم صورة واذن المغرب وقلنا يالله نمشي الا وحنا طالعين نشوف الشبكة والسطحات وعالم ودوريات وقلت لخويي محنب طالعين منها سالمين وقف موترك خلنا نصلي المغرب ويصير خير وجلسنا ننتظر مانشوف الا كل شوي تجي شبكات زيادة ونركب انا وخويي موتره ونسكت ولا حركة الى الساعه 9 وشوي ومافي فايدة ونجلس الى 12 بالليل ونتصل على واحد من الشباب يوقف على الدايري ونطلع له على رجولنا جاك مشي موب صاااحي طبعا اي واحد هناك يروح للتفتيش موتره بسطحة وهو التوقيف انا معي كام مالها داعي حدود 10 الاف تتصادر وتروح هباءا منثورة بيجيك واحد يقول احسن محد قالك تروح هناك اقوله حطلي حلبة بكل حي او مثلا بشرق الرياض وحلبة بشمال وحلبة بجنوب وحلبة بغرب الرياض وابشر اما حاطين لي وحده بديراب عشان اجي لها يبي لي 3 او ا4 ساعات كاني باروح للقصيم وغير كذا مافي مردود مالي لي عشان اضرب مشوار عليه بنزين وتضييع وقت بالطريق عطني بدل بنزين وبدل وقت وعطني حق التصوير وابشر بتشوفني 24 ساعه هناك .

    وفيه مواقف كثيرة منها بالمطار فيه بنت جالسة تصور الطيارات من الصالة محد قالها شي ولو ولد طلع عدسة بس بدون كام جوه الامن ونشبوا لام امه !!
    واذا جلست تصور مبنى او مسجد وجتك الدورية ياويلك سواد ليلك مامعك تصريح ولا استأذنت من صاحب المبنى

    الى متى وحنا يالمصورين مالنا قوانين ولا حقوق ولادعم مادي ولادعم معنوي مقبل الموسسات والشركات ولا شي صرااحة بديت ما اهتم بالتصوير ابد

    وهذي صورة من المهدية ماحبيت انزل موضوع بدون صورة

    Instagram @bandar_Z71

  2. #2
    الصورة الرمزية Eng.Asim
    Eng.Asim غير متصل مشرف عام قسم ورشة فورد
    تاريخ التسجيل
    Nov 2010
    الدولة
    السعوديه
    المشاركات
    5,423

    افتراضي رد: بداية النهاية

    الله يكون بعونك
    و مع نفسهم هذولا حقين هواند
    اما قصة الدويات والسطحه هههه
    ترا هم شغالين مضبوط هذي الايام اي واحد له علاقه بتفحيط ولا مقاومات ولا بس مشاهده بيروح فيها
    واهنيك على الصورة الابداعيه
    واصل ابداعك
    و الله يوفقك يارب
    "تجنباً لإغلاق موضوعك ألتزم بقوانين قسم ورشة فورد"


    سبحان الله ..الحمد لله ...لا إله إلا الله ..الله اكبر
    سبحــــــــــــــان الــــله و بحمــــده ..سبحــــان الــله العظيــــم
    ~..~..~..~..~..~..~..~..~..~
    أروع و أفضل و أجمل و أخشع التلاوات و الادعية
    من رمضان 1436هـ بصوت الشيــخ نــاصر القطــامي,,,

    مـــــن هنـــــــــــــــــــــا


    .................................................. .............
    من مواضيعي:
    #تجربتي للتحويل من قير علاقي إلى قير ارضي#
    برنامج اي قو للشاشات الصينية محدث بأستمرار
    معلومات عن حساس FRP للأكسبلورر....
    تجربتي لتغير زيت الدركسون
    موضوع شامل عن هيدروليك الفورد
    الاذرعه و المقصات,, (فائدتها - صيانتها -وزنها ) بالصور
    اهم حساسات المكينه للفورد ( iac - tps - maf ) موضوع شامل عنها
    تجربتي في تركيب دينمو بوليسي (200 امبير) وتوليف الفيش بالصور للماركيز 2002
    تعلم كيف تفحص الكمبروسر المستخدم وبعض المعلومات لاجزاء التكيف بالصور
    حصرياً: تركيب قيجات ( عداد الفولتج - عداد حرارة زيت القير - عداد حرارة ماء الرديتور )
    تجربتي في تغير جلد عصا التعشيق (لحل مشكلة فضاوة عصا التعشيق) بالصور
    (حصرياً)كيف تفرق بين منظم كهرباء السياره Mega Raizin الاصلي و المقلد
    افضل طريقة لتوصل وتركيب منظم كهرباء السياره Mega Raizin بالصور
    تقرير مفصل عن شاشة الرودماستر المخصصه للفورد V700 الماسيه
    تجربتي في تركيب كنسول علوي على ماركيز 2002
    تقريري الخاص بتغير الاشياء الاستهلاكيه بالصور
    لو ما دخلت وسمعت المقطع قلبك ميت

  3. #3
    الصورة الرمزية black-bullet
    black-bullet غير متصل متخصص تعديل واكسسوارات
    تاريخ التسجيل
    Mar 2012
    الدولة
    & Riyadh ..
    المشاركات
    1,778

    افتراضي رد: بداية النهاية

    والله هم مشددين هذي الأيام والجمعه اللي قبل الماضية كنت موجود في المهدية ,,, بس طلعنا منه العصر بعد مافحط فيه هايلكس هههههههه ووصلت البيت واقرا خبر عن انهم مسوين شبكة الحمدلله ماطحنا فيها هههههههههه كنا نتمشى وقتها اذكر كان فيه تجمع لقروب بور اوف كنترول على ما أظن

  4. #4
    الصورة الرمزية Black King
    Black King غير متصل مراقب عام / رئيس التغطيات
    تاريخ التسجيل
    May 2009
    الدولة
    K.S.A AND FORD
    المشاركات
    13,064

    افتراضي رد: بداية النهاية

    يعطيك العافيه

    واصل ابداعك بتصوير ولا يهمك احد

    واللي مايشتري يتفرج ههههههههههههه

    بخصوص حقين هواند ليتني كنت معك كان طقطقت عليه ويا السياكل حقتهم

    وثاني الشي المرور والشرطه مشدده مره على اماكن المقاومات

    ومعهم تصريح اطلاق نار حتى لو مات صاحب الموتر ماعندهم مشكله

    لاحول ولا قوة الا بالله

    مادري وش فيهم على الشباب طيب حطو حلبات كثرو منها

    يعني المفروض المهديه يكون فيها مكان للمقاومات مثل حلبة ديراب

    كذلك في شمال وشرق مدينة الرياض وجنوبها بعد تكون تحت راعي الشباب ويكون الدخول لها رمزي

    لكن ماعندك احد يفكر في هذي الاشياء

    الشاب السعودي مقهور في بلاده حتى صار كل شي عندنا عوائل في عوائل

    الظاهر بيكون في مستقبل القريب ممنوع دخول المدينة من العزاب هههههههههههه

    واااااااااااصل ابداعك
    اخوكم عبدالعزيز بن محمد

    KING OF THE ROAD



  5. #5
    الصورة الرمزية مجنون موردر
    مجنون موردر غير متصل عضو ملَكي
    تاريخ التسجيل
    Jul 2010
    الدولة
    جدة
    المشاركات
    1,978

    افتراضي رد: بداية النهاية

    هلا فيك اخوي .. لاتفكر بالاشكال هذي ولا الي يقولوه اذا انت بتبطل تصوير من كم كلمه قالها واحد مايسوى وماله حق يقولك انه ممنوع اصلن ممكن تتعب كثير لايهمك كلامه وارمي ورا ضهرك انا اعرف ناس كثير معاهم تصريح تصوير ويواجهو نفس المشكله حقتك بس ماقررو انهم يبطلو بالعكس .. ممكن عنندنا بجده مايدققو مثلكم بالرياض انا الحمدلله ماقد واجهتني المشكله هذي مع ان كل خرجاتي الكام على كتفي بالعكس يقولو صورنا هع .. وانا امس مريت على فرعين هونداي مع واحد من الشباب يبا يطلع موتر وصورت ومافي اي مشكله بالعكس موضف الاستقبال قعد يحمسني ..بس صراحه عندنا ناس ماعرف كيف تفكر .. ع العموم كثرت كلام .وكمل طريقك ولايهمك احد ..والصورة اكثر من رائعه ماشاء الله عليك حرام توقف والله .وبانتضار تغطيتك لهوندا يالغلى ولاتحرمنا من صورك الرائعه ..<3

    ....
    سبحان الله وبحمده. سبحان الله العضيم .
    اللهم اني استغفرك واتوب اليك.
    http://www.quran4iphone.com/MenuPhotosAR.html

    ________________________________

  6. #6
    الصورة الرمزية E.Z.A
    E.Z.A غير متصل عضو مجتهد
    تاريخ التسجيل
    Aug 2012
    المشاركات
    127

    افتراضي رد: بداية النهاية

    و الله يا اخوي انا مثلك صارت لي اكثر من 3 مرات مره كنت بسوي تغطية ل فورد رابتر المهم دخلت الوكالة طبعا التوكيلات فرع خريص المهم كان فيه شلبي برا اخذت لها كم صورة شوي و انا امشي داخل للوكالة الا في واحد اسمراني اسمعه يقول وش عنده مع الكاميرا طبعا ما عطيته اي وجه المهم دخلت الوكالة و اخذت كم صور للموستنق و شوي رحت للرابتر و يجي مسرع يقول يا راعي الكاميرا يا راعي الكاميرا قلت له هلا قال من قالك تصور و من سمح لك طبعا انا داري انه مو ممنوع المهم قالي اخذت اذن قلت لا قالي اجل امش معي عند الموظف رحت معه و قال هذا يصور السيارات بدون اذن رد علية الموظف و الله عجبني و الموظف قااله خله يصور وياخذ راحته المهم طااح وجهه و كرهت امم التغطية ولا كملت على طوول طلعت


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر