النتائج 1 إلى 5 من 5

الموضوع: استفسآر عن لينكون تآون كآر ,, للمجربيهآ

  1. #1
    BSH
    BSH غير متصل عضو جديد
    تاريخ التسجيل
    Feb 2013
    المشاركات
    2

    Lightbulb استفسآر عن لينكون تآون كآر ,, للمجربيهآ

    السلآم عليكم ورحمة الله وبركآته

    أدخل بالموضوع على طول

    أخوآني انا قبل يومين انعرض علي سيآره لينكولن تآون كآر / سيقنتشر 2007

    فل كآمل , استخدام امريكي

    السيآره مفحوصه وفيهآ مشكلتين

    الأولى: هي المقصآت تحتآج إلى تغيير

    الثآنيه : المسآعدات الأماميه تحتآج إلى تغيير

    بصرآحه انا حآب آستفسر عن اسعار هالقطع ,, هل هي مرتفعة السعر او سعرهآ معقول وفي متنآول المستهلك

    ( القطع الميكانيكيه )

    بصرآحه انا جربت السيآره ماشاء الله تبآرك الله ,, سيآره في غاية الفخامه
    مريحه وجميله خارجيا وداخليا , فيها اشيآء جديده علي

    عجبتني السيآره واستخرت ولله الحمد احسست برآحه تجآه هذه السيآره

    ولكن انا مريت بتجربه مع الكرآيسلر ,, 6 سلندر 2006
    وتعبت معهآ شديد التعب ودفعت عليهآ ما يقآرب نصف قيمة شرآئهآ تصليحآت
    من سعر مكينه وقطع غيار متعلقه بالحراره واجهزة ثبآت على الطرق و و و و .. الخ


    وبعد هذه التجربه , قررت اني ما استعجل واسأل اصحآب الخبره في هذي السيآره

    اخواني كمآ ذكرت لكم نوع السيآره

    لينكولن تآون كآر , سيقنتشر ليميتيد , فل كامل
    موديل 2007 , واستخدام امريكي

    وش رأيكم بالسيآره كـ سيآرة استخدام يومي
    من نآحية
    عمل السيآره ميكانيكيا
    حرآرة السيآره
    تبريد التكييف
    جودة السيآره من حيث الصنآعه كـ عموم , داخل او خآرج

    هل ترون ان السيآره افضل بكثير من الكرآيسلر ام لآ

    انا جربت قيآدة السيآره من نآحية الرآحه ,, اعطيهآ علآمة 1000 من 100
    قمه في الرآحه ,,

    ثبآت عللى الطريق ممتآز جدا ويفوق الممتآز

    تنآغم السيآره مع الطرق حيث كآنت , ناعمه او خشنه او متوعره ( مكسره )

    وذكر لي تشآبه اللينكون تآون كآر مع جرآند مآركيز + كرآون فيكتوريآ
    من نآحية القطع الميكآنيكيه ,,

    ومعروف هذة السيآرتين انهآ سيآرتين مقآومه لجميع الظروف ويسآره قمه في الروعه للأستخدام اليومي في دوله مثل السعوديه تشكو من مشكله في الطرق ( مكسره )

    وكل ذلك عكس مآ وجدته في كرآيسلر


    ولكن قيآدة السيآره لمره وآحده ليست إثبآت أن السيآره عمليه ك سيآرة استخدآم يومي


    أرجوا منكم اخوآني افآدتي ,, أعتبروني آخوكم ومقدم على شرآء سيآره لا يعرفهآ جيدآ ,,

    أفيدوني جزآكم الله خير

    تحيآتي لكم

  2. #2
    الصورة الرمزية M.S.K-1990
    M.S.K-1990 غير متصل عضو ملَكي
    تاريخ التسجيل
    Sep 2010
    المشاركات
    803

    افتراضي رد: استفسآر عن لينكون تآون كآر ,, للمجربيهآ

    وعليكم السلام

    بالنسبه للينكون
    انا عندي تاون كار مديل 2004
    وايضا الوالد كان عنده تاون كار مديل 2000 وباعه قبل سنتين وشرا ماركيز جديد
    قبل ما يبيعه كان ماشي 420 الف كيلو
    قير ومكينه ما قد وظبت ابد كل الي غيرناه اشياء استهلاكيه فقط

    بالنسبه للقطع الغيار الميكانيكيه للتاون كار من 2003 وطالع

    هاذي لا تشيل هم لان التاون كار نفس الفكتوريا والماركيز
    من ناحية القير والمكينه والدفرنس
    والقطع المكيانيكيه رخيصه مقارنه بالسيارت الاخرى

    وتقدر تاخذ ورقه وتروح بنفسك للمحلات قطع الغيار وتسعر وتشوف
    بس ابعد عن توكيلات الجزيره قدر الامكان لانهم حراميه

    بالنسبه للقطع البدي

    انا قبل ما اشتري اللينكون رحت وسعرت القطع عند التوكيلات

    شبك + صدام امامي + ربلة صدام الي خلف الشبك + شمعات اماميه يمين + يسار

    تدري قالولي 4900 ريال

    بعدها طلعت لمحل اعرفه ومتعامل معه

    وعنده نفس القطع بس صناعة تايوان ما تفرق بينها وبين الاصلي وانا مجربها بنفسي

    طلعت الحسبه :
    الشبك = 90 ريال < شف الفرق
    الربلة حقة الصدام = 190 ريال
    الصدام المامي = 125 ريال
    الشمعات الاماميه = الحبه 330 ريال

    اذا جمعتها تطلع 1000 ريال تقريبا

    شف الفرق التوكيلات يقولون 5000 الاف وبرا تحصلها بـ 1000 ريال فقط
    والمشكله انها تقريبا نفس الجوده وما تفرق ابد

    اجل صدام امامي فيبر يقول 1700 ريال وين احنا فيه بسعره اشتري 15 صدام تجاري ههههه
    والصدام فيبر ما يفرق والله لو هو ذهب

    الموتر افضل ما فيه عملي + كلاسيكي فخم + قطعه رخيصه + قليل الخرابات + مريح ويجيب النوم هههه

    فيه عيوب بسيطه جدا اشوفها من راي الشخصي

    مثل الديكور الكلابسات فيه تتكسر مثل الدرج الي في الباب تخرب بسرعه وتطلع اصوات مع الوقت
    وايضا التكييف ممتاز وجيد ويلبي الغرض لكن كنت اتمنى يكون افضل شوي

    هاذا تقريبا كل الي اعرفه عن التاون كار
    واتمنى اكون افدتك ولو بشي بسيط
    التعديل الأخير تم بواسطة M.S.K-1990 ; 02-24-2013 الساعة 04:10 AM

  3. #3
    BSH
    BSH غير متصل عضو جديد
    تاريخ التسجيل
    Feb 2013
    المشاركات
    2

    افتراضي رد: استفسآر عن لينكون تآون كآر ,, للمجربيهآ

    يعطيف الف عآفيه اخوي ,, بصرآحه كلآمك عن السيآره وقطع غيآرهآ

    معقول جدا جدا ,, ورخيص بالنسبه لسيآره بفخامتها ,, ترآ الكآمري اغلى منهآ خخخخ

    بالنسبه للعيوب ,, هل مشكلة الكلبسآت لهآ حل ! ولا اذا طلع الصوت انسى انه يروح ؟؟؟؟؟؟؟؟؟؟؟؟؟؟؟؟؟

    والمكيف

    صرآحه انا شفت دفع المكيف حقه ,, اضعف من الماركيز والفكتوريآ

    ولكن صبرت شوي وصآر بآرد جدآ ماشآء الله , بس اتوقع سالفة الدفع هذي ممكن من الثلآجه او فلتر المكيف

    ؟

  4. #4
    الصورة الرمزية M.S.K-1990
    M.S.K-1990 غير متصل عضو ملَكي
    تاريخ التسجيل
    Sep 2010
    المشاركات
    803

    افتراضي رد: استفسآر عن لينكون تآون كآر ,, للمجربيهآ

    ^
    ^

    الكلبسات الي دايم تخرب الي هي تمسك الدرج الصغير الي موجوده في باب السائق والراكب
    واغلب التاون كار الي جربتها وركبتها حصلت فيها هاذي المشكله

    خصوصا اذا كان الي يركبون معك بثرين بعض الاحيان تنكسر البلاستيك الي تمسك الدرج
    فا يبقى الدرج مفتوح وما يتسكر الا اذا ثبته بشيء

    عموما هاذي مشكله بسيطه جدا واصلا هاذا الدرج الي في الباب ما اشوف له لازمه
    كنت اتمنى من الشركه انها ما حطت ها الدرج وخلت الباب بدون درج احسن
    لاني من يوم شريت السياره الى الان ما فتحت الدرج ولا استفدت منه

    عندي الدرج الي في التكايه كبير و يكفي ويوفي بزياده هاذا غير الدرج الي امام الراكب

    بالنسبه للتكييف

    ما شاء الله التكييف بارد جدا يمكن اول ما تشغل المكيف ياخذ نص دقيقه تقريباً على ما ياخذ برودته الكامله

    لكن دفع الهواء كنت اتمنى يكون اقوى شوي

    طبعا انا توني شاري السياره من شهر ونص وما بعد جاء الحر الصح عشان احكم

    لكن الى الان التتكيف جيد
    واذا جاء عز الصيف اطق لي تضليله وارتاح

    دفع الهواء له 6 او 7 درجات على ما اعتقد

    حاليا في الليل احطه على اول درجه وبعض الاحيان اطفيه اذا حسيت بالبرد

    في الظهر ها اليومين توصل درجة الحراره 30 اكون حاطه على الدرجه الرابعه او الثالثه

    بالنسبه للقطع الغيار والصيانه

    انا قبل اللينكون كان معي كابرس رويال 2007 وقعد معي سنتين تقريبا

    الكابرس ممتاز ومكينته قويه جدا ومريح

    لكن الجوده فيه مو ذيك الزود وبعض قطع الغيار مبالغ فيها بشكل خيالي

    وقيره سيئ مع مرتبة الشرف الاولى ومشاكله واجد يمكن 2009 وطالع ابو 6 نمر احسن من اول ما ادري
    لكن ابو اربع نمر يجيب الهم

    افضل ما في اللينكون انه حتى لولا قدر الله خرب قير او مكينه وما راح يكلفك مبالغ كبيره مثل بعض السيارات

    توضيب قير اللينكون تقريبا كائنك مغير طقم كفرات هههه اعتقد حدود 2500 الى 3500 كحد اقصى
    هاذا غير انه سهل الصيانه واي ميكانيكي يعرف لها

    عموما انت لا تشتري الا بعد ما تبحث وتجرب وتشوف بنفسك

    اذا السياره عاجبتك من كل النواحي توكل على الله واشترها
    التعديل الأخير تم بواسطة M.S.K-1990 ; 02-24-2013 الساعة 11:04 PM

  5. #5
    charjr غير متصل عضو جديد
    تاريخ التسجيل
    Mar 2013
    المشاركات
    29

    افتراضي رد: استفسآر عن لينكون تآون كآر ,, للمجربيهآ

    توكل على الله انا معي ٢٠٠٧ وربيزي الحلاوه معاي
    والسلام

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر