صفحة 1 من 2 12 الأخيرةالأخيرة
النتائج 1 إلى 10 من 15

الموضوع: نصيحه اخويه منكم تكفيني

  1. #1
    الصورة الرمزية CHOCOLET
    CHOCOLET غير متصل عضو جديد
    تاريخ التسجيل
    Mar 2013
    المشاركات
    8

    افتراضي نصيحه اخويه منكم تكفيني

    السلام عليكم ورحمة الله وبركاته

    اعضاء فورد العربيه احيكم بتحية الاسلام السلام عليكم ورحمة الله وبركاته

    مابي اطيل عليكم لاكن انا الصراحه من معجبين بالايدج خصوصا" السبورت وكثير جالس اسآل واستفسر لاكن مااحد عطاني الجواب الكافي عموما" انا معاي اف جي كروزر وقررت اغيره واشتري الايدج سبورت وبصراحه معروض علي واحد مستعمل موديل 2012 نظيف مشاءالله للغايه لاكن ترددت في الايام الاخيره لاني اشوف اكثر المواضيع تتكلم عن مشاكل ونفيقيشن وغيره عموما" استفساراتي بااختصرها بنقاط واتمنى القى الجواب الكافي عندكم اهل الخبره

    1- السياره فيها عيوب مصنعيه او مشاكل كثيره تتحتم عليك تتواجد في الوكاله بااستمرار وهل قطع غيارها متوفره خصوصا" الاستهلاكيه

    2- مدري اذا السبورت موجود فيها خاصية الاوتو بارك والنقطه العمياء

    3- تنصحون بالسياره للمستخدم اقل شي 4 سنوات - 5 سنوات

    4- السياره اقدر ادخل فيها البر يعني توصلني مكان معين موب افجر ولا اطلع طعوس وكذا

    اسف على الاطاله ولكم مني جزيل الشكر

  2. #2
    الصورة الرمزية محمدحمد
    محمدحمد غير متصل عضو مبدع
    تاريخ التسجيل
    Feb 2010
    المشاركات
    288

    افتراضي رد: نصيحه اخويه منكم تكفيني

    وعليكم السلام ورحمة الله وبركاته

    طبعا الأدج مايجي زي الأف جي ولايقارن فيه .

    الأدج رفاهيه وفخامه .

    الأف جي حقت كرف وطعوس ومغامرات .

    في نظري خلك على الأف جي . والقرار لك .

  3. #3
    الصورة الرمزية CHOCOLET
    CHOCOLET غير متصل عضو جديد
    تاريخ التسجيل
    Mar 2013
    المشاركات
    8

    افتراضي رد: نصيحه اخويه منكم تكفيني

    اقتباس المشاركة الأصلية كتبت بواسطة محمدحمد مشاهدة المشاركة
    وعليكم السلام ورحمة الله وبركاته

    طبعا الأدج مايجي زي الأف جي ولايقارن فيه .

    الأدج رفاهيه وفخامه .

    الأف جي حقت كرف وطعوس ومغامرات .

    في نظري خلك على الأف جي . والقرار لك .
    يعطيك الف عافيه وانا اخوك لاكن خلاص طاح الي بالراس من الهبال لاكن تعرف يجيك يوم بالسنه تشتاق تكشة كشته خفافي وانا الجيب معي له تقريبا" اربع سنوات والمدام تعبة منه تقول ماودك تغيره وبصراحه اعجبنا الايدج السبورت بس قلت بسآل عنه اول

  4. #4
    الصورة الرمزية محمدحمد
    محمدحمد غير متصل عضو مبدع
    تاريخ التسجيل
    Feb 2010
    المشاركات
    288

    افتراضي رد: نصيحه اخويه منكم تكفيني

    اقتباس المشاركة الأصلية كتبت بواسطة chocolet مشاهدة المشاركة
    يعطيك الف عافيه وانا اخوك لاكن خلاص طاح الي بالراس من الهبال لاكن تعرف يجيك يوم بالسنه تشتاق تكشة كشته خفافي وانا الجيب معي له تقريبا" اربع سنوات والمدام تعبة منه تقول ماودك تغيره وبصراحه اعجبنا الايدج السبورت بس قلت بسآل عنه اول
    الأمر راجع لك وأنا أخوك

    لكن الأدج مايمسك سعره عند البيع !!!

    بالنسبه لقطع الغيار أنا كنت عند التوكيلات يوم الخميس وسألت عن قطع الغيار ولاحظته معقول لبعض القطع .

    أما من ناحية الكرف والخدمه الله أعلم .

    بالنسبة للأدج سبورت سمعت والله أعلم أن لفته ثقيله بسبب الكفرات .

    انا ودي آخذ لي أدج ولكن مادري عن خدمته لأني ماني راعي بيع .

    وأن شاء الله الشباب يفيدونك .

  5. #5
    الصورة الرمزية Fire
    Fire غير متصل مشرف قسم الايدج و mkx
    تاريخ التسجيل
    Feb 2011
    المشاركات
    1,086

    افتراضي رد: نصيحه اخويه منكم تكفيني

    هلا بك يالغالي ...

    بالنسبه للاف جي فهي من فئه الــ SUV و الايدج من فئه الكروس اوفر يعني الفئه تختلف نهائيا و القدرات

    الميكانيكية للافي جي افضل و اكثر تحمل و هي مهيئه لاستخدام في البر و التطعيس بعكس الايدج في

    مهيئه للمدن بشكل كبير ....

    و هذا ما يستنقص من حق الايدج في القدره في التطعيس الخفافي بحكم انه دفع رباعي و انا ما جربته

    شخصيا و لكن اعرف ناس كثير و منهم من هو مجود بالمنتدى جربوه و امدحو استخدامه بالبر للتطعيس

    الخفافي و لتنويه ترا ما تقدر تتحكم بالدبل هو الي يتحكم بنفسه على حسب التضاريس ...

    و اذا على الراحه ما اتوقع انك بتحصل الي تبيه في السبورت لن الجنط كبير و المساعدات فيه رياضيه

    يعني بيكون قاسي شوي + ما يساعد في التطعيس ...

    فاذا كنت تبي تطعس خفافي خذ الليمتد او الــ SEL دفع رباعي و ان شاء الله بتجد الي تبي فيها ...

    و اذا على العيوب ما في سياره الا ما تجد فيها عيوب تصنيعيه و الايدج عيوبها او مشاكلها التصنيعيه

    محلوله و موجوده بالوكاله و لكن تاخد وقت قد تصل الى 45 يوم من الانتظار لبعض قطع الغيار و هاذي

    مشكله الوكيل و ليست السياره !!

    و بالنسبه للاتو بارك موجوده في الاكسبلورر اللميتد و ليست موجوده بالايدج و النقطه العميا نعم موجوده

    في الاسبورت السعودي و عشان تتاكد اذا رحت الوكاله بتجد نقطه صغيره في المرايه الجانبيه زي بالصوره ..



    و اذا عن الاستخدام السياره صار لها معاي 3 سنوات و فيه ناس اكثر و ما اشتكو من شي كبير و لله الحمد ...

    و اذا على مسكه السعر زي ما ذكرو الاخوان فا اغلب السيارات في الوقت الحالي صارت تمسك سعرها بسبب الطلب الكبير على السيارات

    و الكوري ليست بافضل حال من الامريكي و الايدج تمسك سعرها بالشي المعقول و اذا بتاخذه مستخدم ما اتوقع انك بتخسر فيه كثير ....

    و بالتوفيق يالغالي ،،،،،
    التعديل الأخير تم بواسطة Fire ; 03-17-2013 الساعة 04:47 AM


  6. #6
    Murdhi_2013 غير متصل عضو جديد
    تاريخ التسجيل
    Mar 2013
    المشاركات
    3

    افتراضي رد: نصيحه اخويه منكم تكفيني

    السلام عليكم ورحمة الله وبركاتة

    أخوي أنا تقريبا من شهرين ونص اشتريت أيدج سبورت اللون أبيض طبعا تحس من برا شكل خطير ومكينة قوية وكل المواصفات الجيدة فيه بس بدون نفقيشن للأسف . المهم أنا عن نفسي وما أدري عن أراء الشباب السيارة لا يعلى عليها مشكلتها الجنوط الكبيرة طبعا تخااااااف من المطبات انها تجيب العيد بالجنط أو الكفر الجنط الواحد قيمتة خمسة الاف والكفر الواحد أبو طقة كوري ارخص شي بألف وخمسمية ريال . تجربتي فيه بالبر صراحة أك****ب لو أقول لك ما طعست فيه بل طعست من يوم مشيتة ثلاثة الاف كيلو وبصراحة الموتر روعة بس لا تضغط عليه ماعليك الا انك تفصل مانع الأنزلاق وتنطلق 0 طبعا طعست فيه بدون لا أنسم الكفرات وطلع 0 حق القومات جدا قوي ماعليك الا انك تضعة على وضعية الأسبورت وتبدل للسرعة من عند الدراكسون وأي شي ثاني أنا حاضر .

  7. #7
    الصورة الرمزية CHOCOLET
    CHOCOLET غير متصل عضو جديد
    تاريخ التسجيل
    Mar 2013
    المشاركات
    8

    افتراضي رد: نصيحه اخويه منكم تكفيني

    يعطيكم الف عافيه وماقصرتو عموما" انا من النوع الي ماافكر بالسعر بعد البيع اهم شي عندي موتر مايشتكي من شي بالعربي ابي اغير قطع استهلاكيه واغير الزيت واعبي وامشي لاني تعقدت من السيارات الالمانيه لاني كنت امشي لها مصروف علشان كذا توجهت للياباني بس لاكن الصراحه الايدج جدا" عاجبني

  8. #8
    الصورة الرمزية محمدحمد
    محمدحمد غير متصل عضو مبدع
    تاريخ التسجيل
    Feb 2010
    المشاركات
    288

    افتراضي رد: نصيحه اخويه منكم تكفيني

    اقتباس المشاركة الأصلية كتبت بواسطة chocolet مشاهدة المشاركة
    يعطيكم الف عافيه وماقصرتو عموما" انا من النوع الي ماافكر بالسعر بعد البيع اهم شي عندي موتر مايشتكي من شي بالعربي ابي اغير قطع استهلاكيه واغير الزيت واعبي وامشي لاني تعقدت من السيارات الالمانيه لاني كنت امشي لها مصروف علشان كذا توجهت للياباني بس لاكن الصراحه الايدج جدا" عاجبني
    الله يكتب لك اللي فيه الخير ،،،

  9. #9
    Edge-Sport غير متصل عضو جديد
    تاريخ التسجيل
    Apr 2012
    المشاركات
    10

    افتراضي رد: نصيحه اخويه منكم تكفيني

    انا معي سبورت 2012
    واجهتني مشكله في الفرامل وغيرولي الباكم
    ومشكلة في الشاشه وغيروها اليوم
    التطعيس والبر ماينفع ابداً ولا تفكر ابداً انك تنزل فيه للبر

  10. #10
    Edge-Sport غير متصل عضو جديد
    تاريخ التسجيل
    Apr 2012
    المشاركات
    10

    افتراضي رد: نصيحه اخويه منكم تكفيني

    وبخصوص الاوتو بارك والنقطة العمياء ماااااافيه
    وسلامتك

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر