صفحة 1 من 2 12 الأخيرةالأخيرة
النتائج 1 إلى 10 من 19

الموضوع: Mkx 2013 فل أوبشن ب 177 ألف ، هل يستحق ؟

  1. #1
    MGhamdi غير متصل عضو جديد
    تاريخ التسجيل
    Mar 2012
    المشاركات
    8

    افتراضي Mkx 2013 فل أوبشن ب 177 ألف ، هل يستحق ؟

    أسعد الله مسائكم


    لي فتره وأنا الف الوكالات أدور علي سياره ، ميزانيتي لحد ال 200 الف كحد اقصى ، مبلغ مو بسهل وأبغى أحطه في سياره تملي عيني وتريحني .

    كنت افكر جديا باللكزس ES 350 ولكن حين مقارنة السعر بالمواصفات أتردد كثير فكرت بالار اكس بس كل مااشوف القير حقه اقول لا حول ولا قوة الا بالله ماباقي الا يحطوه في السقف ، وسعر مبالغ فيه بدون حتى نقطة عمياء

    رحت لنيسان أبغي اشوف الانفينيتي ، شركه كامله مافيها الا موضفين وماعندهم الا صني ، يقول اربعه شهور و توصل الدفعات الجديده

    مريت توكيلات الجزيره اليوم لقيت عرض علي اللينكولن ، مااخفيكم انا معجب بالايدج وفئتها من اللينكولن من فتره ، مواصفات وسعر معقول مقارنه بمنافسيهم ،

    السياره معجب بمواصفاتها الكامله، رادار ، نقطه عمياء ، دفع رباعي ، انوار زينون ، سقف بانوراما ، مع ضمان خمسه سنوات وصيانه مجانيه لثلاث سنوات . بس للاسف مافيه نافيقيشن ولكن مو مهم عندي قارمن وجالكسي نوت 2 بنافيقيشن محترم ، الموظف يقول الدفعه الجايه فيها نفيقشن بزياده 15 الف عالسعر الحالي ، 15 الف عشان نافيقشن

    انا من طبعي هادي في السواقه وماني راعي مشاوير ، سيارتي الحاليه لها سته سنوات ومامشيتها 130 الف ولله الحمد مااشتكت من شي الي الأن .

    اللي مخوفني في اللينكولن أولا شاشة اللمس ونظام مايكروسفت ملك التعليق والتهنيق ، هل الشاشه عمليه ، مابتغثني وكل يومين رايح للوكاله .؟


    والشي الثاني بعد خمسه سنوات لو مليت من السياره بيعها سهل والا تنشب بحلقي ، وهل تمسك سعرها والا يخلف الله ؟

    نصايحكم إخواني ، عيوب السياره اللي واجهتوها ، عملية السياره واعتماديتها لمده خمسه سنوات ، وهل هناك خيارات أفضل بالنسبه لكم في حدود ميزانيتي ؟


    شاكر ومقدر لكم إهتمامكم وتعاونكم

  2. #2
    othman.almalki غير متصل عضو جديد
    تاريخ التسجيل
    Feb 2013
    المشاركات
    20

    افتراضي رد: Mkx 2013 فل أوبشن ب 177 ألف ، هل يستحق ؟

    هل شفت الرنج روفر ايفوك؟؟
    مواصفات وفخامه لكن السعر اغلى لان الوكيل ما يجيب الا برستيج وداينامك
    انا مثلك محتار وماعندي مانع ازيد في سعر السياره شوي بشرط تكون السياره اعتماديه والوكيل ممتاز واسعار صيانته معقوله لكن عند المقارنه بالمواصفات والسعر الايدج رقم واحد على الجميع

    انا متابع المنتدى من فتره وشايف تفاعل الشباب واحد الاسباب اللي تخليني افضل الايدج هو المنتدى هذا والاعضاء اللي فيه
    يخدمونك ويعطونك نصائح ومعلومات عن السياره والاكسسوارات بحيث انك تكون عارف عن السياره افضل من الموظف اللي في صالة البيع

    اذا قررت خبرنا وخلنا نستفيد قبل ما نشتري اما انا الى الان ٩٠٪ ايدج سبورت والباقي الى الرنج روفر ايفوك لان السعر غالي شويتين

  3. #3
    MGhamdi غير متصل عضو جديد
    تاريخ التسجيل
    Mar 2012
    المشاركات
    8

    افتراضي رد: Mkx 2013 فل أوبشن ب 177 ألف ، هل يستحق ؟

    مشكور عثمان على ردك

    الايفوك مادخل لي مزاج ان بشتري رنج باخذ اسبورت والا بلاش هالسياره اللي تملي العين من الرنج روفر لكن العين بصيره واليد قصيره

    هذا غير صيانته وقطع غياره الغاليه وانا بدفع حول الميتين الف ماودي بسياره اصرفلها راتب شهري غير قيمتها .

    والله ياخوك الحيره ذبحتني والسيارات كثير واسعارها متقاربه

    لكن عسى أعضاء هالمنتدي الرائع يعطونا النصيحه اللي تريح الخاطر ..

  4. #4
    6 edge sport غير متصل عضو مجتهد
    تاريخ التسجيل
    May 2012
    المشاركات
    158

    افتراضي

    اذا تفكر في الايدج. .خذ السبورت بيرضيك جدا. .

  5. #5
    6 edge sport غير متصل عضو مجتهد
    تاريخ التسجيل
    May 2012
    المشاركات
    158

    افتراضي

    سعر بيع لنكون ماحيكون مرضي مثل فورد ايدج...

    الشاشه يجيها تعليق نادر. .ولاتشيل همها لانه تسوي لها ريست بنفسك وتحدثها. .

    بصفه عامه اللنكون خيار ممتاز. . لكني فضلت السبورت بخصوص الشكل واسم فورد.

  6. #6
    gonegan غير متصل عضو جديد
    تاريخ التسجيل
    Apr 2013
    المشاركات
    1

    افتراضي رد: Mkx 2013 فل أوبشن ب 177 ألف ، هل يستحق ؟

    انا من اسبوع شريت mkx فل اوبشن عندنا في ابوظبي عليها عرض 157000 مع التامين شامل وضمان خمس سنين او 100الف كم وثلاث كوبونات سحب على سيارات موستنج وام كي اكس هي سيارة ناعمة رياضية تصلح لعائلة صغيرة اما اذا تفكر في البيع مستقبلا غير اللاند كروزر لاتدور
    الصور المرفقة الصور المرفقة

  7. #7
    MGhamdi غير متصل عضو جديد
    تاريخ التسجيل
    Mar 2012
    المشاركات
    8

    افتراضي رد: Mkx 2013 فل أوبشن ب 177 ألف ، هل يستحق ؟

    الايدج سبورت جميل كشكل بس أحسه ماينفع لعائله ، واللينكولن هي الجناح الفخم من الفورد فمن الأولي تكون كأسم أفضل من الفورد

  8. #8
    MGhamdi غير متصل عضو جديد
    تاريخ التسجيل
    Mar 2012
    المشاركات
    8

    افتراضي رد: Mkx 2013 فل أوبشن ب 177 ألف ، هل يستحق ؟

    أخوي gonegan

    والله العرض مغري لو عندنا أشتريه بدون تفكير ، ١٥٧ الف لسياره بهالمواصفات وباستخدمها سته سنوات ماهي خساره فيها حتى لو بعتها برخص بعدين ..

  9. #9
    LeGeNd SnAkEs غير متصل متخصص لنكولن
    تاريخ التسجيل
    Feb 2009
    الدولة
    الريــاض
    المشاركات
    1,351

    افتراضي رد: Mkx 2013 فل أوبشن ب 177 ألف ، هل يستحق ؟

    السيارة ممتازه وتستاهل قيمتها

    افضل من الايدج من ناحية عزل الهواء و العزل الارضي و النظام الصوتي افضل ايضا

    معي موديل 2012 مااشتكيت من شي الحمدلله
    مميزاتها
    تميز السيارة وملفته للنظر
    الهدوء داخل السيارة
    مواصفاتها العاليه ينقصها النافيقيشن
    صيانه مجانية الى 60 الف وتقدر تدفع 4 الاف زياده و تكون صيانه مجانيه الى 120 الف يعني اذا شريتها انسى قطع الغيار لمدة 5 سنوات بالنسبة لإستخدامك

    عيوبها
    نزول سعرها لو بغيت تبيع محصل وحده مستعمل ماشيه 6 الاف ب 150 الف وسعرها جديده 192 الف مع نافيقيشن

    موديلات 2008 تنباع الحين على 75 الف و 80 الف
    موديلات 2011 على 120 الى 130

    وبالنسبة للشباب اللي يقارنونها مع الايدج فرق كبير من ناحية المركب
    هيبة اسم اللنكون و فخامة المواد الداخليه والعزل ممتاز بعكس الايدج يشكتي منه بعض الناس

    السعر اللي ذكرته اذا كان لفئة الفل كامل بسقف بانوراما بصراحه مايتفوت ابد
    لان اذكر سعر 2013 ب 191 سقف بانوراما و نافيقيشن غريبه الموظف قال لك بدون نافيقيشن
    وفيه اللينكون mks اشوفها ممتازه بعد

    ماشاء الله تبارك الله
    Lincoln


    instagram: mo3ttaaz

  10. #10
    MGhamdi غير متصل عضو جديد
    تاريخ التسجيل
    Mar 2012
    المشاركات
    8

    افتراضي رد: Mkx 2013 فل أوبشن ب 177 ألف ، هل يستحق ؟

    صبحكم الله بكل خير

    أخوي ليجيند ،

    الفئه المعروضه بسقف بانوراما وكامل المواصفات بس يقول بدون نافيقشن وانا شفت السياره بنفسي

    وعلى كلام الموظف ان الدفعات الجديده حتكون فئه وحده بسقف بانوراما و نافيقيشن وحيرجع سعرها ل ١٩٢ الف ..

    اما بخصوص سعرها فوالله انها تطيح طيحه جامده علي حسب كلامك ، وبالنسبه لي ماافكر في البيع قبل اقل من خمس الي ست سنوات بس في حالة لا سمح الله صار شي يجبرني للبيع هنا الخوف ، لكن العوض من الله

    انا بستخير وبشوف اللي يكتبه الله

    مشكورين جميعا علي ردودكم وإهتمامكم

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر