صفحة 1 من 2 12 الأخيرةالأخيرة
النتائج 1 إلى 10 من 16

الموضوع: إستفسار عن ( لمبات led + سيتكرات على السيارة )

  1. #1
    تاريخ التسجيل
    Jun 2009
    المشاركات
    844

    افتراضي إستفسار عن ( لمبات led + سيتكرات على السيارة )

    اهلين شباب شلونكم ؟

    عندي استفسارين واعذروني ادري استفسارات باااااايخه تدل على فهاوه منقطعة النظير <***** بدأ يذب على روحه لكن والله ياشباب ما سألتكم إلا لني ما روح للغرابي ولمحلات الزينه


    سؤالي الأول .. شرايكم بتركيب لمبات LED من داخل بالسيارة علشان تنور بشكل لطيف على حاملة الأكواب ..



    خصوصاً بالليل يكون ظلام دامس واخاف يطلع لي قطو

    ابي ليد بدون اي توصيلات او تحفير او تقطيع اسلاك .. بس اثبته بالطبلون حتى لو بعلك وسلك الكهرب من ولاعة الدخان .. هل فيه زي كذا ؟ وهل يأثر على كهرب السيارة ؟
    وين القها بالرياض ؟


    -------------

    السؤال الثاني :

    اشوف فيه شباب يركبون ستيكر اعلام ~إيطاليا ورومانيا على شنطة السيارة وبعضهم على سقف السيارة
    الاستيكرات هذي كم اسعارها اذا بركبها ع الشنطة ؟ وكم تاخذ وقت للتركيب ؟

    هل تعرفون محل اعطيه ستيكر بفلاش وهو يطبعه لي ويلصقه ع الموتر ؟

    الاسعار والمكان الزين تكفون .. ومن الحين .. بوسة على خشم كل من يساعدني مع إمكانية بوستين على الخدود .. مو مني .. من نانسي عجرم

  2. #2
    الصورة الرمزية مغرور
    مغرور غير متصل عضو ملَكي
    تاريخ التسجيل
    May 2009
    الدولة
    السعوديه
    المشاركات
    2,065

    افتراضي رد: إستفسار عن ( لمبات led + سيتكرات على السيارة )

    بالنسبه لليدات فانا الي اعرفه ان اخونا فارس منزل موضوع كامل وشرح وافي للشي هذا انت ادخل
    قسم الاكسسوارات والعنايه بالسيارات وبتلقا الي يسرك ان شاء الله.....
    اما الاستيكرات فانا من ابها ولا اعرف لك اي محل بالرياض لكن الي اعرفه انك تقدر تحمل الاستيكر
    على فلاش ويطبعه لك في الزينه....تحياتي..

  3. #3
    الصورة الرمزية عشقي ماركيز
    عشقي ماركيز غير متصل عضو ملَكي
    تاريخ التسجيل
    Nov 2008
    المشاركات
    687

    افتراضي رد: إستفسار عن ( لمبات led + سيتكرات على السيارة )

    اتوقع انت تبي تسوي زي حركة فورد فلكس ممكن تسويها عند اي محل في الغرابي

    بالنسبة للستكرات ما ادري والله ...
    م

  4. #4
    الصورة الرمزية ماركيز2000
    ماركيز2000 غير متصل عضو ملَكي
    تاريخ التسجيل
    Jul 2009
    الدولة
    السعوديه اكيد.. يعني سيرلانكا مثلا؟
    المشاركات
    886

    افتراضي رد: إستفسار عن ( لمبات led + سيتكرات على السيارة )

    سلالالام

    اجل تبي تنور الطفايه ههههههههههههههههه

    اشتر لك مرايا فيها لمبه مثل مرايا البيوك رود ماستر

    هذا موضوعي شوف كيف النور على الطفايه بالضبط

    http://ford4arab.net/vb/showthread.php?t=7483

    وفي بمنتدى تويوتا لقيت واحد مركب لمبه ليد تنور على الطفايه بلون برتقالي مثل البي ام

    لكن مالقيت الصوره


    -----------



    وفي لمبات تنباع تشتغل بالطفايه

    لكن مو زينه لاني جربت نوع من قبل ماكملت عندي اسبوعين الا احترقت

    وسعرها 20 ريال

    وفي نوع ينباع في ساكو لكن ماجربته تقدر تروح وتشوفه وتجربه بنفسك





    طيب

    وبالنسبه للاستكر محلات الخطاطين اتوقع يقدرون يسوونها لك

    او عند محلات الزينه تلقا محلات متخصصين استكرات يقدرون يفصلون لك الي تبي

    لكن ترا غااااليه اسعارهم من 200 ريال وانت طالع ((للتفصيل))


    ان شاءالله افدتك

    ماشاء الله تبارك الله

  5. #5
    الصورة الرمزية تحدوه البشر
    تحدوه البشر غير متصل عضو نشيط
    تاريخ التسجيل
    Nov 2009
    المشاركات
    39

    افتراضي رد: إستفسار عن ( لمبات led + سيتكرات على السيارة )

    السلام عليكم
    ياحبيبي من قاال الاستكراات 200 رياال
    واحد من العيال مفصل كلمه كاتب فيها \حمودي\ والله الكلمه كبيره ما عليها
    ومفصلها بـ15 رياال اتمنىني افدتك
    مسويها فمحل زينه فالخرج
    اخوكم وحبيبcom ::تحدوه البشر

  6. #6
    الصورة الرمزية الزعيم2000
    الزعيم2000 غير متصل عضو نشيط
    تاريخ التسجيل
    Jul 2009
    المشاركات
    78

    افتراضي رد: إستفسار عن ( لمبات led + سيتكرات على السيارة )

    فية زي المبات الي يستخدمها الأخ mars الي يسوي الطبلون
    المبات الي يستخدمها هي ليد تباع بالمتر في محلات الزينات
    تاخذ متر ب75 بدون شغل يد وب100 بشغل اليد وركب زي ماتبي لك متر
    فية 20 قطعة ركبها في اي مكان تبي ركبتها انا في الطبلون بيدي في البيت وطلعت نفس شغل mars
    انت ركب في العداد نص متر والباقي ركبة في حقت الأكواب و الشنطة وفي طرف كل باب ركب وحدة بس اذا ماتعرفلها ودها عند واحد شغلة تمام والله يوفقك

  7. #7
    الصورة الرمزية FORDMONSTER
    FORDMONSTER غير متصل عضو ملَكي
    تاريخ التسجيل
    Aug 2009
    المشاركات
    699

    افتراضي رد: إستفسار عن ( لمبات led + سيتكرات على السيارة )

    راجع موضوعي

    http://ford4arab.com/vb/showthread.php?t=5330

    اللمبات الليد بريالين للمبة الواحده الحجم الكبير تجي لون وتجي لونين مزدوج

    والمشغل هو ام بي ثري لوصلة الولاعه

  8. #8
    الصورة الرمزية ماركيز2000
    ماركيز2000 غير متصل عضو ملَكي
    تاريخ التسجيل
    Jul 2009
    الدولة
    السعوديه اكيد.. يعني سيرلانكا مثلا؟
    المشاركات
    886

    افتراضي رد: إستفسار عن ( لمبات led + سيتكرات على السيارة )

    اقتباس المشاركة الأصلية كتبت بواسطة تحدوه البشر مشاهدة المشاركة
    السلام عليكم
    ياحبيبي من قاال الاستكراات 200 رياال
    واحد من العيال مفصل كلمه كاتب فيها \حمودي\ والله الكلمه كبيره ما عليها
    ومفصلها بـ15 رياال اتمنىني افدتك
    مسويها فمحل زينه فالخرج
    اخوكم وحبيبcom ::تحدوه البشر
    اقصد ب 200 ريال الصور الكبيره على القزاز الخلفيه للتفصيل

    هذا اسعارها بالشرقيه
    ماشاء الله تبارك الله

  9. #9
    الصورة الرمزية alolhan
    alolhan غير متصل عضو مبدع
    تاريخ التسجيل
    Jun 2009
    الدولة
    المملكة العربية
    المشاركات
    279

    افتراضي رد: إستفسار عن ( لمبات led + سيتكرات على السيارة )

    اخوي رح للعليان عنده لمبه تنشبك في الولعه بدون اسلاك واقوه من

    لمبة السكن
    عااااااااااااااشق الماركيــــــــــــــــــــــــز

  10. #10
    تاريخ التسجيل
    Jun 2009
    المشاركات
    844

    افتراضي رد: إستفسار عن ( لمبات led + سيتكرات على السيارة )

    مغرور ...... شكراً الف شكر عزيزي الله يعطيك العافية

    عشقي ماركيز ...... والله مدري عن الفلكس ,,, وشهي حركتها ؟ <***** اقول لكم شااااااايب يبيله كابرس 85

    ماركيز 2000 .. والله فكره رااايقة خصوصاً التعتيم حق البيوك والكابرس اقوى من الفورد .. لكن السؤال هل اللمبه على طول تشتغل ؟ لانه بيجي ساعات لازم اطفيها علشان ماتصرف كهرب خصوصاً بالنهار ؟
    الله يعطيك العوافي وبمر ساكو ان شاء الله .. من القلب شكككككككررررررررراً

    تحدوه البشر .. لا اللي اقصده ويقصدونه الشباب استيكر تفصيل يكون متعوب عليه مو كلمه عاديه ، يعني شغل فوتوشوب وورق طباعه مايتأثر بالمويه والشمس .. شاكر لك مرورك

    الزعيم .. على كذا والله بيصير الموتر مرقص هههههههههه الله يعطيك العافية والله استفدت منكم الكثير الله لا يخلينا منكم .. تحيييااااااااااتي

    FORDMONSTER .. فكرة راايقه الله يعطيك العوافي يالغالي

    alolhan .. العليان مشكلته بالأجهزة من جنبها مب زي جودة ساكو .. ساكو يجيبون بضايع بمواصفات امريكية والمواصفات الامريكية ارقد وآمن لا يمكن تسبب مشاكل ، لكن العليان يروح يخم رجيع مصانع اليابان والصين وتايبوان ويجيبهن لنا .. الظاهر ساكو هو الافضل .. عموما ماقصرت عسى عمرك طويل مشكور

    ومشكورين كلكم ياشباب .. يامال العافية والله الله يزوجكم حريم صواريخ مثل اليسا وهيفا .. ويزوج اعدائكم حريم مثل زكية زكريا

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. جديد: تغيير لمبات مسجل السيارة من اللون الأخضر إلى الأبيض (led)
    بواسطة فـــــارس في المنتدى قسم الإكسسوارات والعنايه بالسيارات
    مشاركات: 42
    آخر مشاركة: 01-27-2013, 11:02 PM
  2. لمبات الطبلون ؟؟؟
    بواسطة احساس حساس في المنتدى قسم ورشة فورد
    مشاركات: 27
    آخر مشاركة: 04-04-2010, 01:27 AM
  3. لمبات اللوحـه
    بواسطة baderalgnob في المنتدى قسم ورشة فورد
    مشاركات: 4
    آخر مشاركة: 03-21-2010, 09:32 PM
  4. إستفسار عن زيادة كهرباء السيارة
    بواسطة الحوت في المنتدى قسم تعديل وتزويد السيارات
    مشاركات: 5
    آخر مشاركة: 01-06-2010, 04:25 PM
  5. الي جرب لمبات 9007
    بواسطة BOBO13.8 في المنتدى قسم ورشة فورد
    مشاركات: 12
    آخر مشاركة: 07-15-2009, 07:26 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر