النتائج 1 إلى 6 من 6

الموضوع: نحتاج رأيكم يا اخوان (( صدمة ايدج 2013 ))

  1. #1
    المدفون غير متصل عضو جديد
    تاريخ التسجيل
    May 2013
    المشاركات
    3

    افتراضي نحتاج رأيكم يا اخوان (( صدمة ايدج 2013 ))

    السلام عليكم ورحمة الله وبركاته

    قدر الله علي اليوم وصار علي حادث

    صدمت (( كلب )) بالطريق السريع

    واعدم لي على الصدام مع الجهة اليمنى لكن النور والشبك الأمامي كله سليم

    فا محتاج رايكم بحكم ان السيارة مأمن عليها شامل

    كم تكلفة القطع وتنصحوني ادخلها وكالة و لا لا

    وكم قيمة الصدام الأمامي مع الأكسسورات حقته اللي هي لمبة الأصطب البيضاء

    والحامي اللي تحت

    ونقطة اخيرة

    هل شغل الوكالة يتاخر وهل لي الحق انهم يعوضوني بسيارة بحكم ان التامين شامل من التعاونية

    ومحتاج كل المرئيات منكم لأني مو فاهم الا نقطة وحده

    السيارة عليها تامين شامل بقيمة 7000 سنوي

  2. #2
    ايدج2011 غير متصل عضو مبدع
    تاريخ التسجيل
    Jul 2011
    المشاركات
    230

    افتراضي رد: نحتاج رأيكم يا اخوان (( صدمة ايدج 2013 ))

    هلا اخوي اول شي تسويه انك تروح لي اي مكان وتكلم نجم تقولهم صاير حادث لي طبعا بيقولك مين الطرف الثاني قلهم كلب وانحاش وانا معي تامين شامل طبعا راح يجونك وبحكم انك مامن بملبغ 7000 فاكيد راح تشمل اصلاح وكالة وراح تشمل سيارة بديله يعطيكياها التعاونية وماتدفع ولاريال طبعا بعد ماتاخذ الاوراق من نجم تروح للوكالة دايركت وتعطيهم الاوراق وهم راح يشوفون وش الي راح يتغير وكم القيمة وكم اجور اليد ويبلغون التعاونية عشان يعتمدون المبلغ ويصرفون الشيك باسم الوكالة طبعا انت كل الي عليك تسويه تروح للوكالة وتعطيهم الاوراق وهم يتفاهمون مع التعاونية بدون ماتروح للتقديرات السيارات ولا المرور هذي كل المرئيات الي تحتاجها ذكرتها لك واذا كنت ناسي شي اتمنى من الاعضاء يذكرونها
    التعديل الأخير تم بواسطة ايدج2011 ; 06-16-2013 الساعة 11:23 AM

  3. #3
    المدفون غير متصل عضو جديد
    تاريخ التسجيل
    May 2013
    المشاركات
    3

    افتراضي رد: نحتاج رأيكم يا اخوان (( صدمة ايدج 2013 ))

    اليوم رحت خلصت اوراقي لأن مكان الحادث ماكان يغطيه نجم

    وخلصت اوراقي من المرور وسحبت تقرير وكروكي للحادث واخذته للتعاونية

    بس بكل امانة انصدمت بكل ماتعنية الكلمة

    يعني تأمين شامل بمبلغ وقدره واخر شي يقولي الموظف توكيلات الجزيرة فرع حائل غير معتمدة انها وكالة

    قلت اذا التوكيلات اللي عندنا مو وكالة من الوكالة بالضبط

    قالي الوكالة الموجودة ببريدة وجدة والرياض فقط

    انصدمت من كلامه

    وقالي لو تبي اسوي لك تعميد مو مشكلة بس لاتلومن لو تاخرت اوراقك

    يعني بالمنطق هذا كلام موظف

    ياليت الأخوان يفيدوني بالموضوع

    حتى على كلامه ان الأوراق ترسل للرياض تعاين الصور ولازم انا اجيب لهم التسعيرة بنفسي مع صور للحادث

    ويشوف الشخص اللي يقيم بالرياض ويقارنها بالتسعيرة اللي عندهم ويوافق ولا يخفض السعر وادفع الباقي

    من وجهة نظركم وش اسوي بهالحالة

    هل اشكي فرع تعاونية مدينة حائل على الفرع الرئيسي ولا وش اسوي بالضبط

    لأني حاس بيعطلني تعطيلة نصه يكفي

  4. #4
    ايدج2011 غير متصل عضو مبدع
    تاريخ التسجيل
    Jul 2011
    المشاركات
    230

    افتراضي رد: نحتاج رأيكم يا اخوان (( صدمة ايدج 2013 ))

    هذا واحد فاضي مايدري وين الله حاطه فيه اذا كان فرع حائل مو وكالة اجل وش يصير ورشة مثلا كلم مديره ماعليك منه ولاترسل شي انا مثل ماقلتلك الوكاله هي الي تخلص امورك مع التعاونيه وماتدفع ولاريال وهي الي ترسل التسعيره للتعاونيه مثل ماقلتلك بردي السابق وواضح من كلامه انه يبي يصرفك ومايبي يراسل التعاونيه او يشتغل ولاتدفع ولاريال مع تامين وتدفع وش الفايده وبعدين حبيت اقولك معلومه التوكيلات تعاونها مع التعاونيه توب يعني بمجرد ماترسل خطاب بقيمة اصلاح السياره دايركت يردون عليها التعاونيه بالموافقه يبدون يشتغلون في سيارتك ولاينتظرون الشيك لي انهم عارفين انهم راح يدفعون المبلغ بعكس شركات التامين الثانيه

  5. #5
    خيآل غير متصل عضو نشيط
    تاريخ التسجيل
    Apr 2013
    المشاركات
    37

    افتراضي رد: نحتاج رأيكم يا اخوان (( صدمة ايدج 2013 ))

    معوض خير أخوي .. لو عندي اي تجربة مع شركة التأمين كآن افدتك بس إن شاءالله الشباب مايقصرون ..وبالتوفيق إن شاءالله

  6. #6
    expato غير متصل عضو جديد
    تاريخ التسجيل
    Jun 2013
    المشاركات
    5

    افتراضي

    والله فوضه صدق!! حبيبي لاتسكت وابدا شغلك بالايميلات ، اعرف واحد من الشباب صارت له مشكله ماتسوئ مع الوكيل وراح ارسل ايميل لفرعهم الرئيسي بدبي والله المدير الاقليمي اتصل عليه يعتذر منه، يومين اتصل عليه مدير الفرع مربووووش يقوله تعال نسويلك اللي تبي بس احسب شكواك ، ياخي ايام اللعب راحت الحين اطلع لفوووق علئ طول ، واسف ع الاطاله

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر