النتائج 1 إلى 9 من 9

الموضوع: تقرير عن الفورد فوكس 2012 .. (عن تجربة) حتى 11000 كيلومتر

  1. #1
    ابواياد غير متصل عضو نشيط
    تاريخ التسجيل
    Jun 2011
    الدولة
    المدينة المنورة
    المشاركات
    32

    Thumbs up تقرير عن الفورد فوكس 2012 .. (عن تجربة) حتى 11000 كيلومتر

    السلام عليكم أخواني .. كل عام وأنتم بخير تقبل الله منا ومنكم الصيام والقيام

    الموضوع واضح من العنوان ,, تجربتي للفورد فوكس 2012



    إشتريت السياره مع عروض العام الماضي لفورد فوكس 2012 كان سعر الستاندرد 53 ألف قير أوتو .. العادي ب 50 ألف
    شدني في السياره رخص السعر مع متانة التصنيع وجودة الداخليه والخارجيه .. يعني لما تمسك الباب فيه ثقل خلاف منافسيها بمرااااحل تحس الباب مصبوب سمنت !! ما شاء الله تبارك الله ,, ولا ننسى إنها تقنية ومواصفات ألمانيه !!

    المنافسين : تويوتا كورولا (لا يكثر !!) , كيا سيراتو , هونداي إلانترا , هوندا سيتي أو سيفيك , شفروليه كروز, نيسان صني , فولكس فاقن جيتا, وسيارات أخرى

    سبب إختيار الفوكس هو السعر التنافسي والجودة مع توفر مواصفات أمان لا تقارن مع منافسيها (أمريكي وكوري وياباني فقط .. الأوروبي معروف من ناحية مواصفات الأمان)

    طبعا شريت الاستاندر لعدم حاجتي لجميع المواصفات بسبب وجود سياره أخرى عائلية .. وهذي أخذتها للمشاوير والكرف

    السيارة من الخارج :

    من أروع السيارات (من وجهة نظري) من ناحية الشكل الخارجي بالذات الهاتش باك ,, قد يكون الهونداي إلانترا والكيا سيراتو 2014 متقاربه من ناحية الشكل الخارجي فقط

    السيارة من الداخل:

    رائعة .. مريحة .. متينه .. الخامات ممتازه .. أكثر شي عجبني هو مسجلها ,, صراحه لو مافي السياره غير مسجلها أنا بكون راضي لأنه سريع الإستجابه, الصوت عااالي جدا , وواااضح , وسهل التعامل والتشغيل مع وجود فتحة usb
    لكن عيبه مافيه زر mute لازم تقفل المسجل أو تخفض الصوت بيدك

    العيب الثاني هو زر قفل الباب .. اذا قفلت الابواب بالزر اول ما تفك الباب من الداخل ينفتح .. يعني بالله وش فايدته ؟؟!! لا قدر الله فتح الطفل الباب من الداخل ما راح يفيده انك مقفل الابواو بالزر .. راح ينفتح معه ,, راح تقولي في زر عند الباب يمنع فتح الباب من الداخل .. اقولك ايوه بس ترا بتنحرج اذا ركب خويك ولا رجال او شخص كبير يعني .. وجربتها, موقف جدا بايخ تنزل وتفتح له الباب !

    العيب الثالث هو ضيق الكراسي الخلفيه جدا .. لكن الأمامية بحررر ما شاء الله

    العيب الرابع مافي مكان للنظارات !! (فئة الاستاندر)

    المكينة:
    المكينة ممتازه حقيقه .. سريعة الإستجابه ونشيطه جدا

    الجيربوكس:

    هنا الكلام بيطوووول ويطوووول ويطوووووول :

    السياره مزوده بقير ثنائي الكلتش يعني فيها كلتشين (dualcluch)
    النوع هذا من الجيربوكسات موجود فقط في السيارات الأداء العالي والغاليه بورشات وفراري ولامبرقيني .. الخ

    فكرته باختصار شديييد الكلتش الأول يتحكم في القير 1,3,5 ... والكلتش الثاني يتحكم في القير 2,4,6 (السياره سته نمر)
    الكلتش الأول يعشق القير1 .. في نفس الوقت الكلتش الثاني يكون عشق القير2 وجاهز للتبديل .. بحيث أول ماينتهي القير1 يكون التبديل في اقل من الجزء من الثانيه للقير الثاني ... وهكذا
    النتيجه سرعه عالية في التغيير وأداء رياضي أفضل .. طبعا عمر اطول للقير باذن الله مع قطع أقل وبالتالي وزن أقل وأرخص في التصنيع

    صراحه من وجهة نظري مدري ليه حاطينه في الفوكس,, يعني السياره مكينتها عاديه جدا لا اداء رياضي ولا يحزنون .. يعني هياااط فقط من فورد !!

    القير من هذا النوع في السواقه مختلف عن القير التقليدي يحتاج إلى تعود وومارسه .. لأن بالطريقه الخاطئة بتنتع مع السياره وشكلك يصير بايخ خخخخ
    أشبهها كثيير بالشخص اللي ماتعود يسوق عادي ... نفس الاحساس ,, لكن بالتعود بيضبط معك

    الكثير يحسبه عيب مصنعي ولا عطل في القير .. لا يا جماعة الخير الأصوات والتنتيع والخضخضه .. الخ ,, كلها طبيعية جدا مع النوع ذا من الجيربوكسات

    عيوبه : يتعب شويه في السواقه داخل المدن (في البدايه طبعا) تحس السياره تبغا تهج ماتبغى الوقوف المتكرر والزحمه والسرعات البطيئة ,, تحس الموتر يبغا يطيييير !!:a120(115): ,, طبعا مع الاستعمال اليومي راح تتعود

    مميزاته : خووورااافي في التبديل على سرعات عاليه .. يعني التجاوز والغرز والقياده الجنونيه !! .. اقسم بالله ما ودك الدايري يخلص ههههههه

    كذا انتهينا من الجيربوكس اللي هو اكثر شيء اشتكت منه الناس وأكثر شي مشوه سمعة الفوكس 2012

    طبعا اعيد واقول .. سيارات ذات الكلتشين لها طريقه معينه في السواقه تضبط معك مع الاستعمال اليومي .. بالضبط مثل القير العادي ,, اول مره راح تجيب العيد بعدين تمشي رجولك على الجير ..

    ايضا فيها تبترونك .. ووضع رياضي S ... كلها ممتازه لكن عيب التبترونك مايخليك تحرق هو يبدل لما يوصل الRPM لمستوى معيد .. يعني وش فايدته ؟؟!!!


    الأمان :

    السياره رااااسيه جدا بسم الله ما شاء الله ... أنا من المدينة أخذتها كم مره لجدة .. في الخط السرعه ما تقل عن 180 الا طبعا عند اماكن تواجد ساهر (من كثرة السفر حفظتها!!) .. مشيت 210 كثير ,, ما شاء الله تقل BMW !!
    بس العزل ماهو ذاك الشي ...
    السياره فيها مانع انزلاق وفرامل ABS وانذار عند نزول الثلج (مدري وش فايدته)

    واكياس هواء أمامية وجانبيه .. يعني في الأمان خذ وأنت مغمض ,, والأمان بيد الله عز وجل سبحانه أولا وأخيرا

    الوكيل : خله يرقد !!! الله يخلي الورش !!

    بنزينها 95 ... وسلامتكم
    التعديل الأخير تم بواسطة ابواياد ; 07-10-2013 الساعة 09:03 AM

  2. #2
    الصورة الرمزية ابوعلـي
    ابوعلـي غير متصل متخصص فوكس
    تاريخ التسجيل
    Nov 2010
    الدولة
    السعودية
    المشاركات
    279

    افتراضي رد: تقرير عن الفورد فوكس 2012 .. (عن تجربة) حتى 11000 كيلومتر

    #

    الله يجزاك خير يا ابو اياد , وضحت نقاط كثيرة كنا نعاني منها انا وغيري كي نشرحها للناس وهي القير , الي مازالوا الى الناس يعتبرون فيه خطأ مصنعي

    يعطيك الف عافية وياليت بالمستقبل القريب تكلمنا عن صيانة السيارة وقطعها ووين تركب القطع , ولماذا تستعمل بنزين 95 ؟

  3. #3
    تاريخ التسجيل
    Oct 2008
    المشاركات
    275

    افتراضي رد: تقرير عن الفورد فوكس 2012 .. (عن تجربة) حتى 11000 كيلومتر

    ماشاء الله تبارك الله .. تقرير جدا رائع

    الله يعطيك الف عافية ..
    واحلى شي انك بينت للشعب خاصية الكلتش الثنائي اللي الشعب يفكرها خلل مصنعي بالسيارة
    قروب ford 4 ever




    my pin: 25FF1D7B

  4. #4
    ابواياد غير متصل عضو نشيط
    تاريخ التسجيل
    Jun 2011
    الدولة
    المدينة المنورة
    المشاركات
    32

    افتراضي رد: تقرير عن الفورد فوكس 2012 .. (عن تجربة) حتى 11000 كيلومتر

    اقتباس المشاركة الأصلية كتبت بواسطة ابوعلـي مشاهدة المشاركة
    #

    الله يجزاك خير يا ابو اياد , وضحت نقاط كثيرة كنا نعاني منها انا وغيري كي نشرحها للناس وهي القير , الي مازالوا الى الناس يعتبرون فيه خطأ مصنعي

    يعطيك الف عافية وياليت بالمستقبل القريب تكلمنا عن صيانة السيارة وقطعها ووين تركب القطع , ولماذا تستعمل بنزين 95 ؟

    واياك اخوي ...

    بالنسبه للصيانة ... قررت اني ما اسويها في الوكاله , ماتستاهل يعني اول صيانه ب500 ريال على زيت وفلتر !! ما تستاهل, بدخلها في الصيانات الاساسية فقط
    بالنسبه للزيت والفلتر كله من الوكاله السياره تاخذ 4 علب مع الفلتر تقريبا ب 190 ريال وغيرت الزيت عند اقرب ورشه

    وبالنسبة للبنزين 95 ... والله مدري ياخوك
    كذا من راسي ,, موظف المبيعات قالي بشكل عام بنزين 95 افضل للسيارات الجديده .. فقررت اعبي 95

    تحياااتي لك اخوي

  5. #5
    ابواياد غير متصل عضو نشيط
    تاريخ التسجيل
    Jun 2011
    الدولة
    المدينة المنورة
    المشاركات
    32

    افتراضي رد: تقرير عن الفورد فوكس 2012 .. (عن تجربة) حتى 11000 كيلومتر

    اقتباس المشاركة الأصلية كتبت بواسطة الشياطين الحمر مشاهدة المشاركة
    ماشاء الله تبارك الله .. تقرير جدا رائع

    الله يعطيك الف عافية ..
    واحلى شي انك بينت للشعب خاصية الكلتش الثنائي اللي الشعب يفكرها خلل مصنعي بالسيارة

    سررت بمرورك اخوي ..

    الحمد لله .. هدفي ان تعم الفايده ويعرف الناس السيارات اللي تستاهل , لان الدنيا الله موسعها !! فيه غير الكورولا سيارات كثير

    تحياتي لك

  6. #6
    7abib alkol غير متصل عضو نشيط
    تاريخ التسجيل
    Jul 2012
    المشاركات
    44

    افتراضي رد: تقرير عن الفورد فوكس 2012 .. (عن تجربة) حتى 11000 كيلومتر

    مشكور عزيزي أبو اياد على طرح التجربه
    والسياره مثل ماقلت بالحرف الواحد ماعليها كلام وانا نفسك ماخذ ستاندر السياره حلوه ولها الان معي تقريبا سنه مشيتها 48 الف ماشاء الله داخل على ال 50 بس صراحه في شي مضايقني فيها جدا جدا مثل ماقلت داخل المدينه صوت القير اللي كأنه مو مبدل صح بالقير العادي مع انها اوتو بس بشكل عام مش بطاله السياره لو قارنتها بمثيلاتها
    وحبيت أضيف لتقريرك الجميل ان السياره من المصنع 95 ماتقبل 91 ولا باقي سيارات فورد كلها مافيها مشكله 95 و 91 بس انا شخصيا عني عن تجربه في سيارتي السابقه أن ال 95 أفضل يطول بالسياره ولسيارات ال 4 سلندر يخفف النفضه المعتاده في أغلب المكاين الصغار
    وعلى التشيكات سحبت عليهم عملت اول 3 تشيكات والباقي لما توصل 64 و 128 علشان اغير زيت القير والشغلات هذي واكون متطمن اجل يغيرون زيت القير ب 32 وهي السياره مامشت شي
    وهيك شي
    وأسف اذا طولت عليكم وأي شي تحتاجونه أنا بالخدمه وأسمح لي بو اياد على الاضافه

  7. #7
    الصورة الرمزية سيد الطريق$BUICK$
    سيد الطريق$BUICK$ غير متصل مشرف قسم السيارات الاخرى
    تاريخ التسجيل
    Aug 2011
    الدولة
    الاحساء سيتى
    المشاركات
    2,916

    افتراضي رد: تقرير عن الفورد فوكس 2012 .. (عن تجربة) حتى 11000 كيلومتر

    شكرا لطرح تجربتك للاعضاء ... يعطيك العافية
    Instgram+snap : tbutrika


    http://instagram.com/p/o5qvsaJCpT/

    سبحان الله وبحمده عدد خلقه ورضا نفسه وزنه عرشه ومداد كلماته

    http://www.ford4arab.com/vb/t75947.html
    كيفيه تفعيل خاصية كاميرات ساهر خرائط (ايقو)
    http://www.ford4arab.com/vb/t75669.html
    كيفيه تنزيل خرائط (igo)^..
    http://ww
    w.ford4arab.com/vb/t75028.html

    تركيب بروجكتر للنكن^
    http://www.ford4arab.com/vb/t82805.html#post797334
    طريقه تنظيف فتحه التهويه^
    http://www.ford4arab.com/vb/t77019.html
    تفصيل غطاء شفاف للواجهيه^
    http://www.ford4arab.com/vb/t94766.html
    لأول مرة تركيب عدسات عاللنكن^

  8. #8
    yousef4 غير متصل عضو نشيط
    تاريخ التسجيل
    Sep 2012
    المشاركات
    43

    افتراضي رد: تقرير عن الفورد فوكس 2012 .. (عن تجربة) حتى 11000 كيلومتر

    يعطيك العافي أخي ..

    وبالنسبة لمحفظة النظارة أنا عندي التيتانيوم موجودة فيها ..

    وبالنسبة للتبترونك أو السبورت .. لما تعشق عليه التعشيقات تصير أسرع
    يصلح حق قومات مثلا ..

    وعلى كلامك يعشق بنفسه فصحيح .. لكن مجرد انك تنزل او ترفع نمرة راح يكون انت اللي لازم تتحكم وماراح يعشق بنفسه ..

    وفعلا السيارة رشيقة وقوية
    المكينة عندي 2.0 قوية ماشاء الله
    والمواصفات أحسن من مثيلاتها كلها

    اذكروا الله ياجماعة
    وبالتوفيق ..

  9. #9
    scary_one غير متصل عضو جديد
    تاريخ التسجيل
    May 2013
    المشاركات
    25

    افتراضي رد: تقرير عن الفورد فوكس 2012 .. (عن تجربة) حتى 11000 كيلومتر

    السلام عليكم ورحمة الله بركاته

    اشكر صاحب الموضوع على الطرح الرائع

    وبالنسبه للبنزين موجود في غطاء التانكي والكتيب نوع البنزين الصالح للسياره وهو 95

    والله الموفق

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر