مشاهدة نتائج الإستطلاع: موقع التجمع القادم في الرياض

المصوتون
20. أنت لم تصوت في هذا الإستطلاع
  • ميدان ديراب

    16 80.00%
  • براحات 16

    2 10.00%
  • منتجع او شاليه

    2 10.00%
صفحة 1 من 4 123 ... الأخيرةالأخيرة
النتائج 1 إلى 10 من 37

الموضوع: هام تصويت موقع التجمع القادم بالرياض

  1. #1
    الصورة الرمزية Grand Marquis95
    Grand Marquis95 غير متصل التصميم والجرافكس و التغطيات الرسميه
    تاريخ التسجيل
    Feb 2009
    الدولة
    الرياض
    المشاركات
    922

    Exclamation هام تصويت موقع التجمع القادم بالرياض

    بسم الله الرحمن الرحيم

    السلام عليكم ورحمة الله وبركاته

    ناقشنا في موضوع سابق عن موقع التجمع القادم في منطقة الرياض
    وتوصلنا الى 3 مواقع بامكاننا اقامة التجمع فيها راح اتكلم عنها بالتفصيل

    الموقع الاول : ميدان ديراب
    في ميدان ديراب التجمع يكون رسمي ومافي اي مشاكل مع الشرطة او المرور
    يعني بامكانك تجي مضلل تركب لوحات امريكية داخل الميدان ماعندك مشكلة
    وسهولة التنظيم والترتيب .

    الموقع طريق ديراب قبل تفتيش ديراب في طريق سيد واحد مكتوب طريق مكة لف معه
    يكون الميدان على يسارك





    الموقع الثاني : براحات مخرج 16
    الموقع تقريبا مكان يجلسون في اغلب سكان هذيك المنقطة يعني نقدر نقول انه امن
    لكن يعيبة انه براحة يعني اللي مستب بيروح فيها:d ايضا ذيك المنطقة منورة وتشوف الدائري وهذا يميزها .

    الموقع مخرج 16 وانت جاي من جنوب ومتجه شمال لف يمين وتجيك البراحات على يمينك (الجهة المقابلة لايكيا )

    الموقع الثالث : منتجع او شاليهات
    طبعا هذا الموقع من اقتراح اخونا d 7 m e
    طبعا الموقع لحد الان ماحددنا المنتجع او الشاليه اللي راح نتفق مع ادارته والموضوع تحت يد اخونا d 7 m e
    يعني مو اكيد يكون بشاليه او منتجع يا بديراب او براحات 16
    كذا انتهينا من المواقع وارجو منكم التصويت (مدة التصويت 5 ايام)

    بالنسبة لموعد التجمع راح اطرح موضوع اخر فيه مواعيد يتم التصويت عليها ولامانع انكم تقترحون في هذا الموضوع مواعيد.
    التعديل الأخير تم بواسطة Black King ; 07-31-2013 الساعة 04:39 AM
    Instagram @bandar_Z71

  2. #2
    الصورة الرمزية D 7 M E
    D 7 M E غير متصل عضو مجتهد
    تاريخ التسجيل
    Nov 2012
    الدولة
    الرياض
    المشاركات
    124

    افتراضي رد: هام تصويت موقع التجمع القادم بالرياض

    اهلييييين وسهليين

    وصباح الخير

    يالبى قلبك يا Grand Marquis95 ويشرفني اكون اول من يرد يابعدي

    وولبى رووحك ع الموضوع

    وبنسبة للمنتجع او الشالية ... الخ

    لازم يحدد وقت معين لان انت تعرف يالغالي اسعار الاستراحات والشاليهات وغيرها

    يوم مرتفعة ويوم نازلة لازم يحدد يوم معين ويحجز المكان وتكون بمبلغ رمزي للاعضاء

    والله يكتب اللي فية الخير

    ----
    ملاحضة بخصوص ميدان ديراب !!

    # حبيبي التفتيش حق ديراب اسقعااد وربي يعني اكثر الاعضاء بيجون مواترهم مضلله وزي كذا والله يعينهم .

    والف شكر لك يالغالي على اهتمامك

    تحياتي لك اخوك / عبد الرحمن .

  3. #3
    الصورة الرمزية GT
    GT
    GT غير متصل عضو مبدع
    تاريخ التسجيل
    Aug 2008
    المشاركات
    229

    افتراضي رد: هام تصويت موقع التجمع القادم بالرياض

    افضل شي ميدان ديراب مب مقروشتك الدوريات ولا شي

    ومنها نتقاوم على مضمار الدراق

  4. #4
    الصورة الرمزية nasSER77
    nasSER77 غير متصل عضو ملَكي
    تاريخ التسجيل
    Oct 2010
    الدولة
    السعودية <<<< الرياض
    المشاركات
    726

    افتراضي رد: هام تصويت موقع التجمع القادم بالرياض

    ديراب لان اخر مره سوينا فيها تجمع لملاك كرايسلر كومبني .. والله ترتيب وتصور على كيفك وفيه مضمار دراق ريس ومساحه ولا دوريات ولا كلام على سالفه التفتيش ما عليك ما يدققوا الا على الشاحنات اكثر الاحيان .. بس نبي الناس تجي وتتجمع .. وشكرا الله يوفق الجميع ...

  5. #5
    الصورة الرمزية HOT DX
    HOT DX غير متصل عضو مميز
    تاريخ التسجيل
    May 2013
    الدولة
    Riyadh
    المشاركات
    476

    افتراضي رد: هام تصويت موقع التجمع القادم بالرياض

    السلام عليكم

    ان اشوف ميدان ديراب افضل مافيه تفيش لانه قبل التفتيش تخش يمين

    واذا تبي ترجع روح سيده ينزل على طريق مكه قبل تفتيش طريق مكه

    ولا اخوي بندر

  6. #6
    الصورة الرمزية Grand Marquis95
    Grand Marquis95 غير متصل التصميم والجرافكس و التغطيات الرسميه
    تاريخ التسجيل
    Feb 2009
    الدولة
    الرياض
    المشاركات
    922

    افتراضي رد: هام تصويت موقع التجمع القادم بالرياض

    اخوي عبدالرحمن بالنسبة لليوم راح يكون جمعة او سبت على حسب رغبة الاعضاء يعني راح يكون في نهاية الاسبوع وانت جبلنا سعر تقريبا قبل الدراسة او ثاني اسبوع من الدراسة يعني انت شف السعر التقريبي

    بالنسبة للتفتيش انا رحت للميدان ٤ مرات التفتيش مفتووح مايوقف احد
    وانت جاي مافي تفتيش لكن الرجعة اذا بترجع مع طريق ديراب فمثل ماقلت لك التفتيش مايدققون
    وبالنسبة لطريق مكة مادري اذا فيه تفتيش والا لكن على حسب ماسمعت من اللي سياراتهم معدله انه مافي تفتيش
    واذا طلعت انا اشوف اغلب اللي سياراتهم معدلة دبات وجنوط وتجاليد يرجعون من طريق مكة

    بالنسبة للدراق اتوقع لازم تكون مركب كفرات سلك وتذكرة للدرق
    Instagram @bandar_Z71

  7. #7
    الصورة الرمزية Black King
    Black King غير متصل مراقب عام / رئيس التغطيات
    تاريخ التسجيل
    May 2009
    الدولة
    K.S.A AND FORD
    المشاركات
    13,064

    افتراضي رد: هام تصويت موقع التجمع القادم بالرياض

    السلام عليكم

    انا طلعت موقع حلبة ديراب الموقع قبل تفتيش بنسبه للي رايح للمكان يعني قبل تفتيش بكيلو يجيك ملف يمين تدخل معه بتجي الحلبة بعدها مسافة على اليسار

    واللي بيرجع مثلا للرياض مره ثانيه

    عندها

    طريقينا

    الطريق الاول انه يرجع مع نفس الطريق بس بيكون قدام تفتيش ديراب يدور من عندها

    والطريقة الثاني انه يخلي الحلبة على يسارها ويروح سيدها لين ينزلك على طريق مكه تروح يسار بيجيك تفتيش

    لكن تروح يمين راجع للرياض مافيه تفتيش يعني على جسر المعلق على طول

    وترك لكم الراي
    اخوكم عبدالعزيز بن محمد

    KING OF THE ROAD



  8. #8
    الصورة الرمزية D 7 M E
    D 7 M E غير متصل عضو مجتهد
    تاريخ التسجيل
    Nov 2012
    الدولة
    الرياض
    المشاركات
    124

    افتراضي رد: هام تصويت موقع التجمع القادم بالرياض

    اقتباس المشاركة الأصلية كتبت بواسطة grand marquis95 مشاهدة المشاركة
    اخوي عبدالرحمن بالنسبة لليوم راح يكون جمعة او سبت على حسب رغبة الاعضاء يعني راح يكون في نهاية الاسبوع وانت جبلنا سعر تقريبا قبل الدراسة او ثاني اسبوع من الدراسة يعني انت شف السعر التقريبي

    بالنسبة للتفتيش انا رحت للميدان 4 مرات التفتيش مفتووح مايوقف احد
    وانت جاي مافي تفتيش لكن الرجعة اذا بترجع مع طريق ديراب فمثل ماقلت لك التفتيش مايدققون
    وبالنسبة لطريق مكة مادري اذا فيه تفتيش والا لكن على حسب ماسمعت من اللي سياراتهم معدله انه مافي تفتيش
    واذا طلعت انا اشوف اغلب اللي سياراتهم معدلة دبات وجنوط وتجاليد يرجعون من طريق مكة

    بالنسبة للدراق اتوقع لازم تكون مركب كفرات سلك وتذكرة للدرق
    هلابك حبيبي انا اشوف انة لو نخليها ديراب افضل بما انة العدد كثير ولا اتوقع ان الاعضاء كلهم يدفعون

    انا اشوف ديراب واذا انتم صالملين تبون المنتجع انا اكلمة

  9. #9
    تاريخ التسجيل
    Jan 2012
    المشاركات
    692

    افتراضي رد: هام تصويت موقع التجمع القادم بالرياض

    وش رايكم بالمهديه...!
    ماشاء الله تباركـ الله لاقوة الا بالله



    ماشاء الله تباركـ الله لاقوة الا بالله

  10. #10
    الصورة الرمزية Black King
    Black King غير متصل مراقب عام / رئيس التغطيات
    تاريخ التسجيل
    May 2009
    الدولة
    K.S.A AND FORD
    المشاركات
    13,064

    افتراضي رد: هام تصويت موقع التجمع القادم بالرياض

    اقتباس المشاركة الأصلية كتبت بواسطة عاااااشق الفورد مشاهدة المشاركة
    وش رايكم بالمهديه...!
    المهدية

    ملغم حكومه وبوليس سري
    اخوكم عبدالعزيز بن محمد

    KING OF THE ROAD



صفحة 1 من 4 123 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر