النتائج 1 إلى 10 من 10

الموضوع: لدي مشكلة في فيوجن2011 عند تشغيل السيارة بعد تعبيئة البنزين .. تكفون الحل يا جماعة

  1. #1
    عبدالعزيز381 غير متصل عضو جديد
    تاريخ التسجيل
    Sep 2013
    المشاركات
    5

    Unhappy لدي مشكلة في فيوجن2011 عند تشغيل السيارة بعد تعبيئة البنزين .. تكفون الحل يا جماعة

    السلام عليكم ورحمة الله وبركاته ،،
    انا توني شاري سيارة فورد فيوجن 2011 مالي اسبوع ..
    المهم اول مرة عبيتها فل بنزين وجيت اشغل السيارة عيت تشتغل وحاولت ثانيه اشتغلت وتفتفت وطفت وشغلتها الثالثة وقعدت تترتر ومشيت والحمد لله ضبطت ..
    توقعت بسبه اني عبيتها فل على الاخير ..
    واتظح لي انه كل مرة اطفيها واعبي بنزين تصير المشكلة وما ادري ليه حتى مرة كان فيها الربع وعبيتها 10 وصارت لي نفس المشكلة اول ما اشغلها تتفتف تقل بتطفي ..
    تكفون ياجماعة الخير اللي له خبرة يبلغني وش السبب والله انها ضيقت صدري ذا السيارة ..
    وانا طالب ما يمديني اوديها الوكالة ونصبهم وخرابيطهم ويلطعونك وقت ابي اللي يعرف لها حل او نبذة وش المشكلة عشان على الاقل اعرف وش المشكلة ..
    والله يعطيكم العافية ويسلمكم من كل شر ويكفيكم مشاكل هالمواتر وغثاها ..
    التعديل الأخير تم بواسطة عبدالعزيز381 ; 09-20-2013 الساعة 12:05 PM سبب آخر: توضيح الموضوع

  2. #2
    الصورة الرمزية david
    david غير متصل عضو نشيط
    تاريخ التسجيل
    Jan 2013
    المشاركات
    62

    افتراضي رد: لدي مشكلة في فيوجن2011 عند تشغيل السيارة بعد تعبيئة البنزين .. تكفون الحل يا جماع

    وعليكم السلام
    اخوي اذا السياره ماخذها جديده ودها الوكاله يصلحونها على الضمان
    واذا مستعمله تأكد من صاحبها الأول وش البنزين اللى كان يعبيها
    اخضر ولا احمر
    وما تشوف شر ان شالله

  3. #3
    hsoooony غير متصل عضو جديد
    تاريخ التسجيل
    May 2013
    المشاركات
    22

    افتراضي رد: لدي مشكلة في فيوجن2011 عند تشغيل السيارة بعد تعبيئة البنزين .. تكفون الحل يا جماع

    صارت لي نفس المشكله تقريبا وديتها الوكاله قالو اتركها اسبوع وكنت مضطر استخدم السياره وهي خربانه لاني لااملك غيرها ولظروف الدوام بعدها مريت بنشري شيكت على جميع الحساسات والفيوز انها سليمه ومشبوكه غيرت فلتر الهوا جديد ونظفت الغبار اللي حول المكينه ومشيت عل البنزين الاول حتا فضى التانكي وقلبته احمر المهم ثلاث ايام وسلكت السياره والحمدلله ولا وكاله ولا جدتي وتاكد معك من البواجي وان شاء الله تزين امورك لاتستعجل بس
    التعديل الأخير تم بواسطة hsoooony ; 09-20-2013 الساعة 05:52 PM

  4. #4
    عبدالعزيز381 غير متصل عضو جديد
    تاريخ التسجيل
    Sep 2013
    المشاركات
    5

    افتراضي رد: لدي مشكلة في فيوجن2011 عند تشغيل السيارة بعد تعبيئة البنزين .. تكفون الحل يا جماع

    اقتباس المشاركة الأصلية كتبت بواسطة hsoooony مشاهدة المشاركة
    صارت لي نفس المشكله تقريبا وديتها الوكاله قالو اتركها اسبوع وكنت مضطر استخدم السياره وهي خربانه لاني لااملك غيرها ولظروف الدوام بعدها مريت بنشري شيكت على جميع الحساسات والفيوز انها سليمه ومشبوكه غيرت فلتر الهوا جديد ونظفت الغبار اللي حول المكينه ومشيت عل البنزين الاول حتا فضى التانكي وقلبته احمر المهم ثلاث ايام وسلكت السياره والحمدلله ولا وكاله ولا جدتي وتاكد معك من البواجي وان شاء الله تزين امورك لاتستعجل بس

    حسون تأكدت من الحساسات وكل شي تمام الحمد لله والمشكلة متأكد انها مو من نوع البنزين لان اقولكم ما تصير لي الا بعد تعبيئة البنزين ..
    الله يعطيك العافية ما قصرت

  5. #5
    الصورة الرمزية فورد فيوجن sel
    فورد فيوجن sel غير متصل مشرف قسم فيوجن
    تاريخ التسجيل
    Feb 2012
    الدولة
    المدينة المنورة
    المشاركات
    644

    افتراضي رد: لدي مشكلة في فيوجن2011 عند تشغيل السيارة بعد تعبيئة البنزين .. تكفون الحل يا جماع

    السيارة اذا كان ممشاها اقل من ٦٠ الف بيصلحونها على الضمان ولا راح تدفع ريال
    بالنسبة اذا السيارة بتطول عندهم من حقك تطلبهم سيارة بديلة الى ان تخلص سيارتك اذا ما عندهم بيقولون لك استاجر سيارة وجيب الفاتورة ويعوضونك

  6. #6
    عبدالعزيز381 غير متصل عضو جديد
    تاريخ التسجيل
    Sep 2013
    المشاركات
    5

    افتراضي رد: لدي مشكلة في فيوجن2011 عند تشغيل السيارة بعد تعبيئة البنزين .. تكفون الحل يا جماع

    للمعلومية انا بدولة كندا ..
    المهم رح اليوم للوكالة وقلت لهم عن المشكلة وقالوا تحجز موعد وعاد اقرب موعد بعد 10 ايام ..
    وسألتهم عن السيارة البديلة قالوا اذا عندنا سيارات بنعطيك اما اذا ما كان فيه سيارات فعندنا سواق الوكالة (( معه ايدج 2012 :d )) يصير تحت امرك متى ما تبي ووين ما تبي تتصل عليه كانه تاكسي يجي ياخذك ويوديك للجامعة ويرجعك ..
    قالوا التشيك تجيب السيارة الصباح الباكر ونرد عليك بنفس اليوم عن المشكلة وكم تاخذ يوم وزي كذا ..
    عاد انا لي مواقف سئية مع توكيلات الجزيرة يوم كنت بالرياض الله يستر عساهم يكونون احسن واطيب منهم ..
    ان شاء الله ابلغكم بكل جديد ووش صار على المشكلة ...

  7. #7
    Mr.Fusion غير متصل مشرف قسم فيوجن
    تاريخ التسجيل
    Mar 2010
    المشاركات
    891

    افتراضي رد: لدي مشكلة في فيوجن2011 عند تشغيل السيارة بعد تعبيئة البنزين .. تكفون الحل يا جماع

    اقتباس المشاركة الأصلية كتبت بواسطة عبدالعزيز381 مشاهدة المشاركة
    للمعلومية انا بدولة كندا ..
    المهم رح اليوم للوكالة وقلت لهم عن المشكلة وقالوا تحجز موعد وعاد اقرب موعد بعد 10 ايام ..
    وسألتهم عن السيارة البديلة قالوا اذا عندنا سيارات بنعطيك اما اذا ما كان فيه سيارات فعندنا سواق الوكالة (( معه ايدج 2012 :d )) يصير تحت امرك متى ما تبي ووين ما تبي تتصل عليه كانه تاكسي يجي ياخذك ويوديك للجامعة ويرجعك ..
    قالوا التشيك تجيب السيارة الصباح الباكر ونرد عليك بنفس اليوم عن المشكلة وكم تاخذ يوم وزي كذا ..
    عاد انا لي مواقف سئية مع توكيلات الجزيرة يوم كنت بالرياض الله يستر عساهم يكونون احسن واطيب منهم ..
    ان شاء الله ابلغكم بكل جديد ووش صار على المشكلة ...

    بما انك بكندا خلك على الوكيل والضمان اريح لك .

    واذا مايوفر سيارة بديلة , حلوة حركة السواق . وان شاءالله المشكلة تنحل بأسرع وقت ممكن .


    والله يعينك و يوفقك بغربتك اخي العزيز




    American Muscle

    سـبـحـان الـلــه وبــحـمــده ,.,,., سـبحـان الـلـه الــعــظــيــم

  8. #8
    ساس غير متصل عضو جديد
    تاريخ التسجيل
    Oct 2013
    المشاركات
    5

    افتراضي رد: لدي مشكلة في فيوجن2011 عند تشغيل السيارة بعد تعبيئة البنزين .. تكفون الحل يا جماع

    انا اعاني من نفس المشكلة في العراق ... كنت اتخيل بسبب البنزين الرديء الموجود عدنا

  9. #9
    om1amri غير متصل عضو جديد
    تاريخ التسجيل
    Apr 2009
    المشاركات
    14

    افتراضي رد: لدي مشكلة في فيوجن2011 عند تشغيل السيارة بعد تعبيئة البنزين .. تكفون الحل يا جماع

    مشكلتك زي اللي صارت معي في مونديو ٢٠٠٨ عبيت من محطه وصارت لي المشكلة السيارة ما تشتغل الا بعد فتره وبصعوبة ، وديتها الوكالة وغيرو طرمبة البنزين والبواجي والبطاريه ولا زالت المشكله موجوده وكل ما أرجعها ماهم عارفين لها. بحثت في النت الي ان لقيت واحد خبير في منتدي اخر ساعدني وعلمني باسم القطعه اللي تسبب المشكلة واسمها نسيته وبحثت لك عن الفاتورة اللي فيها اسم القطعه لكن للأسف ما لقيتها ، القطعه وظيفتها تسحب الأبخره من التانكي حق البنزين هي سبب المشكلة وحاول تشرح لهم عن القطعه وهم أكيد بيعرفونها

  10. #10
    om1amri غير متصل عضو جديد
    تاريخ التسجيل
    Apr 2009
    المشاركات
    14

    افتراضي رد: لدي مشكلة في فيوجن2011 عند تشغيل السيارة بعد تعبيئة البنزين .. تكفون الحل يا جماع

    لقيت اسم القطعه evap canister

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر