النتائج 1 إلى 7 من 7

الموضوع: صيانة ما بعد الصيانة

  1. #1
    abouzen غير متصل عضو نشيط
    تاريخ التسجيل
    Nov 2012
    المشاركات
    79

    افتراضي صيانة ما بعد الصيانة

    السلام عليكم و رحمة الله و بركاته
    سبق و نزلت موضوع منذ عدة أيام ( كرهت الإيدج و السبب معاناتي مع الصيانة ) سيارتي 2013 و ماشية 16000 و كانت الصيانة الثانية لها
    طبعاً الموضوع كان عن معاناتي من لحظة دخولي صيانة الوكالة و حتى استلام السيارة و سوء الخدمة من موظفي الصيانة و اليوم بكمل لكم معاناتي بعد ما استلمت السيارة
    طلعت من الصيانة و السيارة طبعاً غير مغسولة ( فقط تم تنظيف الماكينة ) و عداد عمر الزيت على حاله فتوقفت و قمت بتصفيره ( يعني عملته 100% ) بعد ما مسكت طريق خريص حسيت السيارة فيها شي و كانت تخطف لليمين و صوت المحرك عالي قلت لنفسي أكمل و أشوف المهم المسا بعد الدوام طلعت مقياس ضغط الكفرات ( و عندي واحد ديجيتال و واحد ساعة لأني موسوس ههههه ) و شيكت و لقيت كل كفر ضغطه شكل من 28 و 34 و 36 و 40 تخيلوا !!!!!! و رحت للبنشر و ضبطتها كلها على 35
    و لا تزال الخطفة موجودة و طبعاً أصوات الأبواب اللي المفروض إنهم شحموها صارت أعلى و لما ننزل من السيارة أنا و العائلة كأنك تسمع سمفونية حزينة
    صوت المحرك أحسه صار عالي مو طبيعي و خصوصاً عند القومة كأنها قومة جيمس قديم صوت عالي و ثقيلة و لما أكون واقف على الإشارة أحس عداد الدوران يطلع و ينزل و جربت و حطيت القير على n و نفس المشكلة
    ما أعرف إيش أسوي و وين أودي السيارة إذا الوكالة عملت فيها كذا معناها الورش إيش تسوي
    اللي عنده نصيحة لا يبخل علي و جزاكم الله خير

  2. #2
    sanad81 غير متصل عضو مجتهد
    تاريخ التسجيل
    Mar 2013
    المشاركات
    138

    افتراضي رد: صيانة ما بعد الصيانة

    أخوي النصيحه أرجعلهم قط السياره بوجههم وأطلب مقابله مدير الصيانه وأشرحله الموضوع

    أنا والله أدخلها صيانه في الجبيل وأحسن وأروع من كذا وكاله ما شفت

    أشياء ما أقولهم عنها وأطلع السياره ألاقيهم مغيرينها وحده منهم كان ربل الفتحه منفك طرفه ونسيت أقولهم يوم أستلمت السياره وقولي الموظف ترا لقينا الربل فيه مشكله وغيرناه لك

    بس فرع عن فرع يختلف ويعتمد هذا على مدير الصيانه وأن في فرع في الرياض غير ألي وديت السياره عليه روح له

  3. #3
    abouzen غير متصل عضو نشيط
    تاريخ التسجيل
    Nov 2012
    المشاركات
    79

    افتراضي رد: صيانة ما بعد الصيانة

    أشكرك أخي سند على تفاعلك بس المشكلة مدير الصيانة بالفرع اللي رحت له كان الأسوأ و يوم قلت له عندي ملاحظات بسيطة على السيارة و أبغى تشوفونها بالصيانة قال خذ لك موعد و تعال بوقت ثاني و بعد جدال و أصوات عالية قلت له هي شغلة بسيطة أصوات بسيطة بأحد الأبواب قال خلاص هي الصيانة فيها تشحيم للأبواب و للأسف بعد الصيانة صارت الأصوات عالية و من كل الأبواب غير قصة صوت المحرك العالي و وزنية الدركسيون
    قسم بالله لو ما أعرف سيارتي و فرشها من الداخل كنت قلت لنفسي غيروها بالصيانة و عطوني وحدة ثانية
    و الله كأني أسوق سيارة ثانية
    حسبي الله و نعم الوكيل عليهم

  4. #4
    F.T.SEL 2013 غير متصل عضو مجتهد
    تاريخ التسجيل
    Sep 2013
    المشاركات
    175

    افتراضي رد: صيانة ما بعد الصيانة

    المفروض تدخل عليه منفعل اذا شافك تقول عندي ملاحظة ,, بيقول بخاطره توكل بس

    ادخل عليه منفعل وقوله المشكله على طول بدون مقدمات علشان يحس ان الحق معك

    لان الاشكال هذه لو تتعامل معهم كذا يستخفون بالشخص اللي يحترمهم

    المفروض من البداية قبل ما تستلمها تشيك عليها من الصدام الى الصدام مع حرصك ان تكون السياره مثل ما سلمتهم ايها ( نظافة داخليه خارجيه اصوات انوار مكيف فرامل قياس كفر )

    حاول قبل ما تستلم الموتر ابثر ابهم علشان ترضي ضميرك اولا وثاني شي لو طلع شي **** شكله

    والله يكون بعونك

    نصيحة اخيره حاول انك تنشب لهم , ترى النشبه بعض الاحيان تفيد

  5. #5
    الصورة الرمزية TalalKG
    TalalKG غير متصل عضو جديد
    تاريخ التسجيل
    Oct 2013
    المشاركات
    7

    افتراضي رد: صيانة ما بعد الصيانة

    عفوا أخوي بس إنت تروح أي فرع بالضبط؟

  6. #6
    الصورة الرمزية _ALwALeeD
    _ALwALeeD غير متصل عضو مبدع
    تاريخ التسجيل
    Jul 2013
    المشاركات
    213

    افتراضي رد: صيانة ما بعد الصيانة

    اقتباس المشاركة الأصلية كتبت بواسطة talalkg مشاهدة المشاركة
    عفوا أخوي بس إنت تروح أي فرع بالضبط؟
    +1
    ..........

  7. #7
    abouzen غير متصل عضو نشيط
    تاريخ التسجيل
    Nov 2012
    المشاركات
    79

    افتراضي رد: صيانة ما بعد الصيانة

    أنا ما جربت غير فرع طريق خريص لأنه قريب من البيت و العمل

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر