صفحة 1 من 7 123 ... الأخيرةالأخيرة
النتائج 1 إلى 10 من 66

الموضوع: تركيب عدسات على سيارتي بشغل ايدي ،،،

  1. #1
    العاشق الحزين غير متصل عضو مجتهد
    تاريخ التسجيل
    Apr 2009
    المشاركات
    185

    افتراضي تركيب عدسات على سيارتي بشغل ايدي ،،،

    السلام عليكم

    كيفكم جميع

    اولا نبي نتكلم عن العدسات وكان مر عليكم هذا الاسم في عالم العدسات

    او نبي نقول من الاوائل الي ركبو العدسات على سيارتي الفكتوريا

    نزلت موضوع بمنتدى السيارات العربي في شهر 8\2008 او شهر 9

    وكانكم شفتو الموضوع وكانت صفحاته كثيره

    اولا فصلت العدسات في المره الاولى في محل التمران في نفس الشهر والسنه بقيمة

    350 ريال سعودي مع ضمان شهر على الشغل

    لكن للاسف انا ما ودي اسئ للمحل ولا اعرف صاحبه ولا شئ ولا يمد لي بأي صله

    لكن شغله مو ذاك الزود للاسف الي يقول وزن والي يقول احتراف معليش لا احتراف ولا شي

    تبي الاحتراف اوريك وينه تبي الفن اوريك وينه تبي الشغل السنع والمحترم جدا والي يستاهل تحط ع

    عليه 1000 ريال وفوق اوريك الحين في مقطع باليوتيوب وانا استنبطت الفكره منه وهو الي شجعني

    شوفو المقطع الاول
    http://www.youtube.com/watch?v=imIiglkq7HA
    المقطع الثاني
    http://www.youtube.com/watch?v=qExaA...eature=related
    المقطع الثالث
    http://www.youtube.com/watch?v=mg_C_...eature=related
    المقطع الرابع
    http://www.youtube.com/watch?v=tQ1re...eature=related

    وفي بعض المواقع الامريكيه او المنتديات مصورين بعض الاعمال بأيدهم تقريبا مثلي

    لكن بكل اسف ما صورت الشغل لان محد معي ولكن صورت لكم بعد

    نبي نجي لموضوع التمران او العامل الي يشتغل (برنس) اعرفه من ايام ما اشتغل على سيارتي

    الان ياخذون على شغل اليد فقط 500 ريال على ايش يا اخوان لا اعلم

    هل يستحق هذا المبلغ المرتفع لا يستحق وبشده لاني انا اشغلت على الانوار

    اخواني الي يشتغل بمحل التمران (برنس) بأختصار شغلته وشي وتعرفون 500 كبيره عليه

    دام ان عنده العده كامله يا اخوان مثل منشار كهربائي واستشوار فقط هذي تفي تقريبا بالغرض

    1- يقوم العامل (برنس) بفك الغطاء الخارجي الشفاف البلاستك بالاستشوار ولعلمكم الاستشوار تبع الشعر يفي بالغرض وبقوه

    2- بعد الفك الغطاء يقوم بقص مكان ادخال الشمعه بمقدار اخر ربع بالعدسته تقريبا

    3- بعد القطع الشمعه يقوم بأدخال الدريل لاربع زوايا من العدسه عشان يقطع بعدها يقوم

    بتركيب اربع مسامير في اربع زوايا وانتهى الاموضوع

    4- يقوم بتنضيف العدسه والشمعه من اثار القص ويقوم بوضع اللحام البارد عليه من الخلف

    وسد الفتحات لكي لايتم تحرك العدسه داخل الشمعه وايضا يضع اللحام البارد على المسامير الاربع

    ويرجع الغطاء الشفاف البلاستيكي ويعطيه استشوار وانتهى الموضوع

    هذي الشغله بسيطه جدا جدا

    انا اتكلم فقط عن شغل العدسه وتوليفها وليس عمليه الكهرب

    وحتى عملية الوزن بكيفه ومزاجه ويوزنها بعد تركيب الشمعه بالزراديه ويضبط الوضع ويطلع لك عليه نوعا

    انتهينا من شغل (برنس)
    --------------------------------------------------

    نأتي لشغتلي انا

    اولا تم طلب القطع كامله من امريكا من موقع متخصص لهذه العدسات والاناره

    الطلبيات هي كالتالي

    1- عدسات مصنوعه للموقع اسمها FX-R السعر 170 دولار وليس حقت انفنتي علما حقت انفنتي سعرها 165 دولار الفرق 5 دولار
    2- لمبات 4300 فليبس اصليه بقيمة 100 دولار وعلما يوجد صينيه 45 دولار زي الي بالسعوديه
    3- محولات ميستوبيشي اصليه Mitsubishi Electric Gen 4 OEM Ballasts مستخدمه
    اشتخدام بسيط بسعر 145 دولار وجديد 240 دولار وعلما لا يوجد جديد وهي مأخوذه من هوندا اكيورا موديل 2008 او 2009 كما هو مبين بالموقع وتجي مقاس السلك على اللمبه الزنون D2S
    وشكلها يختلف عن الي عندنا التجاري بشكل ثاني
    4- فريم او ايطار للعدسه 50 دولار
    5- اسلاك زينون تركب على شمعة الفكتوريا 9007 ،،، 30 دولار

    كلفتني للرياض مع المبالغ السابقه حوالي 2200 ريال سعودي

    الشغل يا طويلين العمر تقريبا نفس الي بالمقطع سويته

    --------------------------


    دخلت السياره داخل البيت وضعت طاوله وكرسي قمت تشغيل النور مع الشمعه الجديده

    تايواني ديبو ودخلت اللمبه وشغلتها طبعا بعد فك الغطاء بالاستشوار العادي

    ووجهتها على الكراج وحطيتها على الطاوله قمت بتشغيل النور بعدها عرفت اتجاه النور

    ووضعت صفيحه بيضاء شاريها من مكتبه على الكراج ولزقتها وضربت النور الواطي عليها

    واخذت القلم والمسطره وعرفت مسار الضوء على الصفيحه

    بعدها طفيت النور وبداء العمل العده تقريبا عندي

    والي عندي عدة للنحت وليس منشار يباع في عالم ساكون تقريبا 250 ريال عدت نحت كامله

    وهي متواجده من صغري بالبيت عشان كذا ما كلف علي شي ويوجد منشار كهربائى بعالم ساكو بقيمة 210 ريال

    بعد ما خطتت بالقلم الخطاط اتجاه القص

    قصيت الربع الاخير من مقاس العدسه وبعدها بردت المنطقه الي هي منطقة القص عشان يصير ناعم

    منطقة القص بعدها تم تركيب العدسه في الشمعه

    وتشغيل الزنون على الجدار وتثبيته بأيدي بدون اي شي

    بعدها قمت برسم اربع مسامير في الزوايا تبع العدسه

    ويكون الوزن على الصفيحه على مسار الضوء السابق

    وتكون مثبت زين زين وبعد ما ترسم اربع نقاط في الزوايا تشيل العدسه

    وبالدريل يا طويل العمر اربع فتحات عشان المسامير

    بعدها تقوم تثبت العدسه والمسامير وترجع تشغل الزنون وتوزنه زين

    على نفس الصفيحه ومسار الضوء

    بعد كذا ما يضبط الوزن للاسف لازم تجيب اللحام البارد الي سعره 10 ريال تجيب حوالي 2 او ثلاث عشان الشمعه الاخرى والشغل الثاني

    بعد ما تضيف اللحام البارد وتكون وازن صح بأيدك وتصيف اللحام البارد على العدسه من الخلف وتسكر الفراغات وتكون مشغل الزنون ووازن صح

    وتحط اللحام ايضا على المسامير من الخلف طبعا بعدها تكون مثبت عشان ما تجيب العيد

    لين ما ينشف بعد 10 دقايق تقريبا خلاص هنا روق وابدا بالشمعه الاخرء نفس الشي

    وتخلص وتركب الفريم ولازم تلزقه بالاحام البارد او اي لزق على العدسه

    وبعدها تركب الغطاء البلاستيكي وانتهى الموضوع

    ويبقى وزن المشعه بعد الانتهاء عشان تضبط شوي لكن الاهم الوزن الي فوق

    -------------------------------

    نأتي لانواع العدسات

    بكل اسف عدسات البي ام والمرسيدس فاشله واسئل مجرب لاني جربت حقت البي ام

    شوف حقت االبي ام




    شوفو الفتحات الي تخلي مسار ضوء الزنون يخرج من هذها الفتحات الجانبيه

    هذي الي تخلي تقريبا النور مش ولابد في الاناره

    غير كذا العاكس الداخلي المخروطي تبع العدسه والي ينشر منه الضوء ليس نيكل لكن العدسه الي طلبتها نيكل لتعطي عملية عكس وانتشار

    شوفو العداست الي جبتها من امريكا

    كيف مغلقه




    -------------------

    هذي بعض صور لسيارتي بعد العمليه التركيب في السياره



























    قولو

    ما شاء الله تبارك الله ،،،،، لان العين حق

    وهذا كل ما عندي والي حاب يستفسر

    وهذا جهد شخصي مني في كل كلمه كتبتها

    واتمنى لكم التوفيق واذا ناقص شي من كلامي بضيفه

    والي يبي شي يقولي ان شاء الله بفيده او بيحتاج شي


    تحياتي لكم
    الصور المرفقة الصور المرفقة
    • نوع الملف: jpg 0001.JPG‏ (18.7 كيلوبايت, 269 مشاهدات)
    • نوع الملف: jpg 0003.JPG‏ (19.8 كيلوبايت, 220 مشاهدات)
    • نوع الملف: jpg 0006.JPG‏ (37.2 كيلوبايت, 220 مشاهدات)
    • نوع الملف: jpg 0008.JPG‏ (44.2 كيلوبايت, 208 مشاهدات)
    • نوع الملف: jpg 0010.JPG‏ (60.5 كيلوبايت, 219 مشاهدات)
    • نوع الملف: jpg 0014.JPG‏ (44.8 كيلوبايت, 214 مشاهدات)
    • نوع الملف: jpg 0017.JPG‏ (17.4 كيلوبايت, 212 مشاهدات)
    • نوع الملف: jpg 0019.JPG‏ (19.1 كيلوبايت, 220 مشاهدات)
    • نوع الملف: jpg 0026.JPG‏ (22.1 كيلوبايت, 224 مشاهدات)
    • نوع الملف: jpg 0027.JPG‏ (23.4 كيلوبايت, 241 مشاهدات)

  2. #2
    الصورة الرمزية ابو جوري
    ابو جوري غير متصل مشرف متقاعد
    تاريخ التسجيل
    Aug 2009
    المشاركات
    3,903

    افتراضي رد: تركيب عدسات على سيارتي بشغل ايدي ،،،

    ماشاء الله تبارك الله
    الله يعطيك خيره ويكفيك شرا
    شغال حلو


    مشكووور يا كرون 2928

  3. #3
    العاشق الحزين غير متصل عضو مجتهد
    تاريخ التسجيل
    Apr 2009
    المشاركات
    185

    افتراضي رد: تركيب عدسات على سيارتي بشغل ايدي ،،،

    اقتباس المشاركة الأصلية كتبت بواسطة ابو جوري مشاهدة المشاركة
    ماشاء الله تبارك الله
    الله يعطيك خيره ويكفيك شرا
    شغال حلو
    الله يسلمك ويخليك يارب

    وشكرا على ردك وتواجدك

    تحياتي لك عزيزي

  4. #4
    الصورة الرمزية RAMBO
    RAMBO غير متصل عضو ملَكي
    تاريخ التسجيل
    Aug 2009
    المشاركات
    1,906

    افتراضي رد: تركيب عدسات على سيارتي بشغل ايدي ،،،

    والله كبير والله كبير

    ماشاء الله هذا الشغل يا بطل ... يعجبني اللي يدرس الشغله قبل لا يسويها

    ما قصرت بس اللي كان ينقصك تصوير شغلك يا بعدي ....

    والصورة هذي غنية عن الكلام ماشاء الله تبارك الله





    أتمنى لك التوفيق وإلى الأمام إن شاء الله

  5. #5
    العاشق الحزين غير متصل عضو مجتهد
    تاريخ التسجيل
    Apr 2009
    المشاركات
    185

    افتراضي رد: تركيب عدسات على سيارتي بشغل ايدي ،،،

    اقتباس المشاركة الأصلية كتبت بواسطة rambo مشاهدة المشاركة
    والله كبير والله كبير

    ماشاء الله هذا الشغل يا بطل ... يعجبني اللي يدرس الشغله قبل لا يسويها

    ما قصرت بس اللي كان ينقصك تصوير شغلك يا بعدي ....

    والصورة هذي غنية عن الكلام ماشاء الله تبارك الله





    أتمنى لك التوفيق وإلى الأمام إن شاء الله


    الله يسلمك ويطول بعمرك يالغالي

    اي والله هذا الي قاهرني لاني اشتغلت لحالي محد يقدر يصور

    كلك ذوق يالغالي

    تحياتي لك

  6. #6
    الحوت غير متصل عضو مجتهد
    تاريخ التسجيل
    Sep 2009
    المشاركات
    147

    افتراضي رد: تركيب عدسات على سيارتي بشغل ايدي ،،،

    شغلك ممتاز جداً ولا يعلى عليه

  7. #7
    الصورة الرمزية sunny_480
    sunny_480 غير متصل عضو مبدع
    تاريخ التسجيل
    Dec 2008
    المشاركات
    260

    افتراضي رد: تركيب عدسات على سيارتي بشغل ايدي ،،،

    ماشاء الله تبارك الله

    أهنئك من كل قلبي على عملك المتقن وأفتخر بكل شاب مثلك يعمل بيده

    بارك الله فيك

  8. #8
    تاريخ التسجيل
    Jul 2009
    الدولة
    الرياض
    المشاركات
    389

    افتراضي رد: تركيب عدسات على سيارتي بشغل ايدي ،،،

    اشكرك وابدعت في الشرح وتركيب العدسه ويعجبني الي يعتمد على نفسه
    لكن عندي سؤال انت تقول عدسة البي ام او المرسدس فاشله طيب انا ابي اشتري عدسة من التشليح
    وش افضل عدسة سيارة اقدر احصلها
    وتحياتي لك واحلى تقيم..

  9. #9
    العاشق الحزين غير متصل عضو مجتهد
    تاريخ التسجيل
    Apr 2009
    المشاركات
    185

    افتراضي رد: تركيب عدسات على سيارتي بشغل ايدي ،،،

    اقتباس المشاركة الأصلية كتبت بواسطة الحوت مشاهدة المشاركة
    شغلك ممتاز جداً ولا يعلى عليه
    الله يسلمك ويخليك

    يسلم على الرد


    اقتباس المشاركة الأصلية كتبت بواسطة sunny_480 مشاهدة المشاركة
    ماشاء الله تبارك الله

    أهنئك من كل قلبي على عملك المتقن وأفتخر بكل شاب مثلك يعمل بيده

    بارك الله فيك
    الله يطول بعمرك وما تقصر يالغالي على الكلام الرائع

    تحياتي لك عزيزي


    اقتباس المشاركة الأصلية كتبت بواسطة فورد إلى الأبد مشاهدة المشاركة
    اشكرك وابدعت في الشرح وتركيب العدسه ويعجبني الي يعتمد على نفسه
    لكن عندي سؤال انت تقول عدسة البي ام او المرسدس فاشله طيب انا ابي اشتري عدسة من التشليح
    وش افضل عدسة سيارة اقدر احصلها
    وتحياتي لك واحلى تقيم..

    العفووو اخوي والله يسلمك

    اخوي شوف عدسة البي ام قستها بمقياس عدستي هذي لان فعلا فاشله ولا شي صراحه

    هي حليوه يعني ازين من الاصفر الوكاله بس يختلف والسبب ذكرته فوق

    شوف انا بملاحضي في السيارات بي ام الفئه السابعه موديل ٢٠٠٩ الشكل الجديد تغيرت تراها

    ملاحظ هذا الشي وصارت افضل من السابق وايضا البانوراما ٢٠١٠ الجديده ممكن تكون افضل

    ولكن تبي افضل شي بكل صراحه وانصحك فيه بقوه عداست انفنتي fx بجميع موديلاته

    بتحصله مثل الي شريته فيه شبه ويكون مغلق وعدسات ايضا انفنتي G35 موديل ٢٠٠٧ وفوق

    لو تحصله لا يروح عليك هذي النصيحه يعني عدسات انفنتي المغلقه افضل شي

    وتحياتي لك عزيزي

    واتمنى اني افدتك

    وان بغيت شي قلي

  10. #10
    راعي الفورد 2000 غير متصل عضو جديد
    تاريخ التسجيل
    Jul 2009
    المشاركات
    29

    افتراضي رد: تركيب عدسات على سيارتي بشغل ايدي ،،،

    ماشاء الله تبارك الله

صفحة 1 من 7 123 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. تركيب عدسات fxr على الفورد من أ الى ي
    بواسطة هواه خليجي في المنتدى قسم الإكسسوارات والعنايه بالسيارات
    مشاركات: 37
    آخر مشاركة: 05-16-2013, 01:35 AM
  2. تركيب عدسات بي ام ( Bi Xenon ) على سيارتي بالصور
    بواسطة يارب عفوك في المنتدى قسم الإكسسوارات والعنايه بالسيارات
    مشاركات: 36
    آخر مشاركة: 07-15-2012, 02:30 PM
  3. أنوار سيارتي تشغل نفسها ؟
    بواسطة WOLF9 في المنتدى قسم ورشة فورد
    مشاركات: 13
    آخر مشاركة: 02-05-2011, 04:13 AM
  4. تركيب عدسات على موتري
    بواسطة ابو جوري في المنتدى قسم الإكسسوارات والعنايه بالسيارات
    مشاركات: 74
    آخر مشاركة: 02-12-2010, 08:26 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر