تجي ليه ما تجي وبا النسبه للقطع شوف Fahad_H

لانه هو مبرمج ومعدل فورد معتمد من شركة SCT

وصار المشرف على منتى تعديل وتزويد السيارات

وبا النسبه لتوفير القطع اعتقد انه يجيب قطع لك اذا تبي طلبيه

ياخي الشكامين وش تبي تغير من السياره

ركب تباريز وخلاص ماحد يبي يناظر تحت الموتر

مجرد نصيحه بدال التكاليف

^^^^^^^
التوصيله يالغالي اذا كانت قصدك اللي تكون مايله مشكلتها مع اي مطبه راح تطيح
واذا كانت مثبته زين ماتتقارن بشكامين المارودر

والشكامين انا شايف واحد قبل فتره عارض الشكامين بــ150 ريال
والتركيب في الصناعية القديمه فيه اكثر من ورشه وشغلهم واحد

وطبعا كلامي اذا كنت بتركبهم شكل بس

مشكــورين أخواني على تفاعلكم معي بالموضوع ..


والشكـامين انا قصـدي شكل وصـوت يعني مو مظهر بس
لإن لو ابيها مظهر بحط لها توصيله وإنتهى وبتصير مثل الميرادور ...

فأتمنى إذا تعرفون أحد يقدر يوفرها لي أو تدلوني على محل بمدينة جدهـ
أكون شــــــــــــــاكر لكم ,,,

وعليكم السلام ورحمه الله وبركاته

الظاهر تقصد تغيير دبات السياره لميركوري ميرادور وهذا تقريباً شبه مستحيل لأن مالها قطع فما أدري لو تطلب تجيك . ؟

طيب ليه ما تنزل أخر وأكبر دبه بالسياره وتركب بدالها ماصورة وتخلي الدبه الثانيه لو سيارتك شكمانين

يجيك صوت حلو وقريب من الميرادور وبعدها ركب الوصلات الطويلة الشبيهه بوصلات الميرادور

وبكذا حصلت على صوت وحصلت على شكل مقارب لشكل وصوت الميرادور :icon30:

وبالتوفيق ,,,

انا اقول ان كلامه صحيح

يعني بدال التكاليف

< وانت وش دخلك بتدفع من جيبك

لا بس اقصد تكاليف واجده علشان صوت

والله مـادري بس اخـــاف إني أشيـل دبـه وأركب ماصـوره والشكمـان الثـاني زي ماهو على كلامك
ويطـلع الصـوت مزعج ويخـليني أتندم إني سـويته ....

إذا كـان الصـوت بيكون حلو وهادي فأكيـد ماودي بالخسـاير بس وشلون اعرف الصوت كيف بيجي

اخوي الماركيز حقي مركب له شكمان ثاني ومركب دبة تجاري مصنوعة بالسعودية اللي هو مصنع العتيبي ولا تدور غيره اي دبه منتج غيره يقولك هذي سعودي وكلام ثاني ابعد عنه لان راح تطلع صوت ماهو طرب بل مزعج وزيز واصوات تكسر حديد
الطريقة عندي مسويها الدبات اللي تحت الثنتين الاولات لاتشيلها إلا اذا تبي صوت اكثر فشيلها تخليه يشيل الشكمان من بعد الدبات بحرف الـــ y ويركب محله شكمان بحرف H وبعدها تجيب معك وصلات او تسمى في بعض المحلات النياكل
ويقص من حد ماتبي ويركب النهايات طبعا اذا فك الشكمان لازم تدق سلف وتعطيه كم دعسه حتى تصفي الدبات وبعض الشباب اذا سوى الطريقة هذي يطلع دخان اسود وبعدها يروح وتسمع صوت قوي طربُ وبتنتهي السالفة خلال ساعه إلا ربع بس مشكلتي ماركبت الشكامين اللي تجي على حد الشكمان ركبت اطول شوي والسيارة نازله شويه شد بلد وكل مطب تسمع طق
بس الصراحه اول مره تركبه تحس الصوت مرتفع ومتغير عليك بعد فترة تتعود عليه بس الله يعينك على كثر الدعس حتى تسمع الصوت وهو حلو ورايق واي استفسار حاضرين واسفين على الاطالة
ملاحظة:

فيه جالس ادور على نهايات الموستنج وهي نفسها من حيث القطع تجي راكبه بحد الصدام
وبالنسبة للمارودر يجي على شكل x هذا طلبية حتى اذا استوى هنا ماراح يجي شد بلد ممكن يسويه لك واحد وهو مصنع العتيبي بالشرقية
واي شئ حاضرين للغالين
ترى الصوت طرب :40:
كل ماطلعت مشورا لازم ادز :40:

يعطيك العـافيه أخوي ملكـ صراحه كلام يستفــاد منه

بس أنا ابغى صوت الميرادور والمشكله إني بجدهـ
يعني مافيه لامعرض تمام بيزبطها لك ولا هم يحزنون

بتكون كلها ضربة حظ