التميز خلال 24 ساعة
العضو المميز الموضوع المميز المشرف المميز
ali1020 ياشباب دينموا بوليسي
بقلم : shadi2099
قريبا

العودة   فورد العربية > منتدى سيارات السيدان فورد / ميركوري / لينكون Mercury / Ford / Lincoln Sedans > توروس / ام كي اس / مونتيجو Montego /Mks / Taurus

إضافة رد
 
LinkBack أدوات الموضوع انواع عرض الموضوع
  #1  
قديم 03-27-2014, 07:58 PM
مشرف قسم التورس
 
تاريخ التسجيل: May 2012
المشاركات: 793
افتراضي كم ماشيه سيارتك التورس وكيف توصفها ... تفضلوا معنا


السلام عليكم ورحمة الله وبركاته ,,,,

ودنا نخلي هالموضوع مثل الدردشه ولكن على شكل نقاط علشان يستفيد الجميع واللي حاب يشتري السياره او يفكر في التورس لما يدخل الموضوع يشوف بعض الخبرات وبعض من المعلومات اللي يضعها ملاك ومستخدمي التورس ,,,

لا اخفيكم اني افكر جديا في افتتاح قناة على اليوتيوب اخصصها للفورد تورس وبعض المعلومات عنها وشرح بعض مايتعلق بالسياره ,,,,


النقاط اللي حابين نناقشها معكم احبتي هي التاليه ...


- موديل سيارتك التورس ؟

- كم ماشيه ؟

- هل التشييكات في الوكاله او خارج الوكاله ؟


- هل هناك قطع غيرتها على الضمان او بدون الضمان ؟


- هل تشوف ان السياره مناسبه اكثر لكبار السن او للشباب ؟


- وش اللي شدك للسياره وخلاك تشتريها هي بالذات ؟


- انطباعك عن السياره بشكل عام ؟



..::اضغط زر الاعجاب اذا اعجبك موضوعي::..

رد مع اقتباس
  #2  
قديم 03-27-2014, 08:13 PM
مشرف قسم التورس
 
تاريخ التسجيل: May 2012
المشاركات: 793
افتراضي رد: كم ماشيه سيارتك التورس وكيف توصفها ... تفضلوا معنا

ابدأ بنفسي


بسم الله على بركة الله ....




- موديل سيارتك التورس ؟

موديل السياره 2013 من الدفعات الاولى اعتقد لانه تقريبا قبل منتصف 2012 اخذتها

- كم ماشيه ؟

الممشى قارب على 70 الف كيلو ولله الحمد

- هل التشييكات في الوكاله او خارج الوكاله ؟

التشييكات في الوكاله وكثير اتردد في هالموضوع واتمنى ان اوقف الوكاله الا في حالات تغيير زيت القير او البواجي مثلا

- هل هناك قطع غيرتها على الضمان او بدون الضمان ؟

الحقيقه فيه قطع تم تغييرها على الضمان مثل طرمبة البنزين وسببت لي قلق هالمشكله واخذت وقت طويل وتم التغيير ولله الحمد اما غير الطرمبة فيه الديكور اللي امام الراكب الامامي دائما تكون بارزه شوي وطالعه من مكانها وكثير يتم تثبيتها من الوكاله وترجع من الشمس ولكن شددت على هالموضوع وان شاء الله انها تكون تمام

وفيه قزازة السائق تعطلت مره وتم حل المشكله عند الوكاله هذا اللي اذكر

طبعا بدون الضمان غيرت المساحات والبطاريه

- هل تشوف ان السياره مناسبه اكثر لكبار السن او للشباب ؟

شخصيا اشوف كبار السن مناسب لهم الجيوب هذي نظرتي مع ان التورس تعتبر للاعمار الكبيره فوق 45 ممكن لكن شخصيا اشوفها مناسبه للشباب ولكبار السن واشوفها رسميه

- وش اللي شدك للسياره وخلاك تشتريها هي بالذات ؟

الحقيقه ماقد جربت فورد قبل التورس ابدا ولا فكرت فيها ولا كنت اعرف التورس وكانت نادره بالشوارع
اللي شدني لفورد قبل التورس هو تغيير الزيت لانهم يغيرونه على 8 الاف كيلو هالنقطه هي اللي جذبتني لشركة فورد بشكل عام بعدها اخترت التورس بسبب البدي الخارجي اعجبني شكليا وسمعت فورد طاغيه
لا اخفيكم اني كنت ساقتني القراند ماركيز لو كانت مستمره بسبب سمعت فورد القويه جدا ولكن الحمدلله اني اقتنيت التورس لانه بالاساس كانت متوقفه الماركيز

- انطباعك عن السياره بشكل عام ؟

ماشاء الله تبارك الله سياره عمليه تحتاج الى وقت لتثبت جدارتها وتفوقها ودائما اقول سعرها مناسب بالمقارنة مع امكانياتها وبالمقارنة مع نفس النوع من الشركات الثانية


رد مع اقتباس
  #3  
قديم 03-27-2014, 09:28 PM
عضو نشيط
 
تاريخ التسجيل: Dec 2012
المشاركات: 58
افتراضي رد: كم ماشيه سيارتك التورس وكيف توصفها ... تفضلوا معنا

- موديل سيارتك التورس ؟

2013 طلعتها من الوكاله بتاريخ 1-1-2013

- كم ماشيه ؟

54 الف كيلو

- هل التشييكات في الوكاله او خارج الوكاله ؟

اول ثلاث تشييكات في الوكاله بعدين سحبت اشتري الزيت من الوكاله واغير برا وزيت القير بغيره على 64 لانها نصبه تغيره على 32 الف ما امداه وافكر اتركه لصيانة 96 الف


- هل هناك قطع غيرتها على الضمان او بدون الضمان ؟

على موتري استدعاء لتغيير طرمبة البنزين بس مااشم ريحه بنزين فبتركها لين قبل ينتهي الضمان واغيرها علشان احلل الطرمبه اللي فيها ^_^ وغيرت قزازه اماميه خارج الوكاله في السالم والسياره مامشت الف وقتها وعال العال ماتفرقها عن الوكاله الي ب 2500 ريال

- هل تشوف ان السياره مناسبه اكثر لكبار السن او للشباب ؟

اتوقع السياره مناسبه من عمر 25 الى 50

- وش اللي شدك للسياره وخلاك تشتريها هي بالذات ؟

عام 2010 طلعت اكسبلولر ووقتها التورس 2011 توها نازله وطلعت الجيب ومعي واحد مطلع تورس ووقتها ماجازت لي حتى اني ركبتها وكل شي بس الحين التوتو رقم واحد عندي بعد التغيير ي 2013

- انطباعك عن السياره بشكل عام ؟

اعتماديه - رساوه - متعه في القياده ناقصها الخرائط بس


رد مع اقتباس
  #4  
قديم 03-27-2014, 11:56 PM
الصورة الرمزية Ford or nothing
مشرف قسم التورس
 
تاريخ التسجيل: Jul 2009
الدولة: الرياض
المشاركات: 1,336
افتراضي رد: كم ماشيه سيارتك التورس وكيف توصفها ... تفضلوا معنا

- موديل سيارتك التورس ؟

2013 من الدفعات الاخيرة " اللي كان عليها العرض "

- كم ماشيه ؟

5800

- هل التشييكات في الوكاله او خارج الوكاله ؟

للحين ماسويت لها ، بس غالباً راح اشتري العقد اللي في الوكالة

- هل هناك قطع غيرتها على الضمان او بدون الضمان ؟

اول ماطلعت السيارة من الوكالة من بعد يومين كان فيه صوت مع المطبات في المساعد الامامي الايسر ، وغيرت المساعد عالضمان

- هل تشوف ان السياره مناسبه اكثر لكبار السن او للشباب ؟

اشوف ان السيارة مناسبة للأثنين كلهم ، على عكس التشارجر مثلا ماتصلح للكبار

- وش اللي شدك للسياره وخلاك تشتريها هي بالذات ؟

العرض اللي كان عليها ، شكلها جميل، فيها المميزات اللي كنت ابيها في السيارة اللي راح اشتريها ، عملية السيارة بشهادة الاغلبية، تعامل الوكيل يعتبر من افضل السيئ في السعودية

- انطباعك عن السياره بشكل عام ؟

راضي بنسبة 80٪ ، المشكلة الوحيدة هي ان الديكور الداخلي اغلبة بلاستيك ويطلع اصوات مع الطرق الوعرة ، السيارة راسية في الخطوط ماشاء الله تبارك الله ، العزل فيها ممتاز ،فورد عملت تغيير قوي في العزل مقارنة بسيارتي السابقة الكراون فيكتوريا


__________________
رد مع اقتباس
  #5  
قديم 03-28-2014, 12:21 AM
عضو مبدع
 
تاريخ التسجيل: Dec 2012
الدولة: Saudi Arabia
المشاركات: 264
افتراضي رد: كم ماشيه سيارتك التورس وكيف توصفها ... تفضلوا معنا

- موديل سيارتك التورس ؟
2013 مطلعها بتاريخ 21-7-1432 ه
- كم ماشيه ؟
57.000 كم

- هل التشييكات في الوكاله او خارج الوكاله ؟
جميعها في الوكالة وقريبا بتركهم

- هل هناك قطع غيرتها على الضمان او بدون الضمان ؟
1- اصبع البطارية
2- طرمبة البانزين
3- البطارية
4-كراسي المساعد
5- مساعد خلفي
6- مراية الداخلية

- هل تشوف ان السياره مناسبه اكثر لكبار السن او للشباب ؟
الشكل الجديد عكس القديم صار شبابي اكثر

- وش اللي شدك للسياره وخلاك تشتريها هي بالذات ؟
الشكل
انها من فورد
6 سلندر
سعرها

- انطباعك عن السياره بشكل عام ؟
السيارة ممتازه من ناحية الرفاهية والامان

بس ماهي عملية زي الماركيز والفكتوريا


رد مع اقتباس
  #6  
قديم 03-28-2014, 09:55 PM
عضو مميز
 
تاريخ التسجيل: Jan 2014
المشاركات: 357
افتراضي رد: كم ماشيه سيارتك التورس وكيف توصفها ... تفضلوا معنا

موديل السياره

2013

نوعها

sel

ماشيه

*18000

التشيكات :

مرتين في الوكاله

قطع تم تغيرها علي الضمان :

طرمبة البنزين خلال يوم واستلموا السياره بدون موعد ،

الزنبرك الي جوا ايد الباب الي جنب السواق والي ورا خرب غيروه على الضمان طبعا في نفس اليوم سلمتها الصبح اخذتها العصر طبعا حجزتلها موعد بعد اسبوعين عشان الموضوع هادا بس ، عشان عندهم زحمه

هل تشوف السياره مناسبه للشباب :

لا، ابدا ما احس انها شبابيه ، احس انها حقت شياب ،

ايش الي شدك للسياره ،:

السياره مع الوالد مو معي كان حيتهور ويشتري جراند ماركيز موديل 2010 فتحت الجريده لقيتها في وجهي التورس ولا كان عمري سمعت عنها لقيت شكلها مقبول قلتله روح خذ هااذي وبس راح دفع الفلوس من غير ما يشوفها اعتقد شافها في الوكاله على السريع معروضه

انطباعي عن السياره ٬:

انا شخصيا بعد ما جربت السياره ، لو كنت جربتها قبل ما الوالد يشتريها ما كنت نصحته فيها ما عجبتني الرؤيه الداخليه فقط ما عجبني فيها لكن هيه ممتازه السياره بس احس وانا جوا مو متمكن من الشارع ومو شايف يعني ماشي بالبركه ،

انطباع الوالد ، نصح نص جده انهم يشتروها وسعيد جدا فيها ودايما يقلي التورس احسن من المرسيدس وانا انجلط لما اسمع انها احسن من المرسيدس بس اهم شي الحمد الله انه راضي عنها



رد مع اقتباس
  #7  
قديم 03-29-2014, 02:11 PM
عضو مجتهد
 
تاريخ التسجيل: Sep 2011
المشاركات: 127
افتراضي رد: كم ماشيه سيارتك التورس وكيف توصفها ... تفضلوا معنا

السلام عليكم

- موديل سيارتك التورس ؟
2011 دفع رباعي .

- كم ماشيه ؟
الان ماشيه 110 وعليها

- هل التشييكات في الوكاله او خارج الوكاله ؟
في الوكاله ماعدى تشييكتين

- هل هناك قطع غيرتها على الضمان او بدون الضمان ؟
المساعدات الامامية على الضمان

- هل تشوف ان السياره مناسبه اكثر لكبار السن او للشباب ؟
مناسبة للشباب . وايضا لكبار السن خصوصا من هم اقل وزنا .

- وش اللي شدك للسياره وخلاك تشتريها هي بالذات ؟
لما قرأت عن شعبيتها الكبيره وفخامتها العالية .

- انطباعك عن السياره بشكل عام ؟
السيارة راسية جدا مع الطريق . ومتماسكة خصوصا الدفع الرباعي منها ولا رأيت فيها اي اشكاليات الا البسيطة

منها : المرتبة ضيقة جدا برغم كبر حجم السيارة والابواب تحتل مساكة اكثر من اللازم

وايضا الرؤية الخلفية سيئة او تكاد تكون معدومه لمن ليس لهم كاميرا خلفية .

والانارة ايضا سيرة ( يتم استبدالها بزنون وتنحل المشكلة )

اما السيارة فهي سيارة العمر وقدر الله علي بحادث مع جيب ربع ، الجيب انعدم وانقلب اما التورس لم يتضرر منها الا الجانب الايمن الخارجي حتى الديكور الداخلي والمراتب لم تتأثر والسيارة شغاله تمام ( مطلعها على السطحه مشي مع ان الجانب الايمن معدوم من الباب الامامي الى الشنطه . ( خارجيا فقط )
وهذا يدل على الامان العالي بعد ارادة الله السيارة حديدها قوي جدا ولا تتأثر بالصدمات الخفيفة . ( وجهة نظر عن تجربة ) .

تحياتي لكم


رد مع اقتباس
  #8  
قديم 03-29-2014, 05:06 PM
عضو ملَكي
 
تاريخ التسجيل: Jul 2012
المشاركات: 716
افتراضي رد: كم ماشيه سيارتك التورس وكيف توصفها ... تفضلوا معنا

اقتباس:
المشاركة الأصلية كتبت بواسطة bandar_kha مشاهدة المشاركة
السلام عليكم ورحمة الله وبركاته ,,,,

ودنا نخلي هالموضوع مثل الدردشه ولكن على شكل نقاط علشان يستفيد الجميع واللي حاب يشتري السياره او يفكر في التورس لما يدخل الموضوع يشوف بعض الخبرات وبعض من المعلومات اللي يضعها ملاك ومستخدمي التورس ,,,

لا اخفيكم اني افكر جديا في افتتاح قناة على اليوتيوب اخصصها للفورد تورس وبعض المعلومات عنها وشرح بعض مايتعلق بالسياره ,,,,


النقاط اللي حابين نناقشها معكم احبتي هي التاليه ...


- موديل سيارتك التورس ؟
2013 SEL1

- كم ماشيه ؟
38 الف
- هل التشييكات في الوكاله او خارج الوكاله ؟
الوكالة الحمدلله

- هل هناك قطع غيرتها على الضمان او بدون الضمان ؟

البطارية

- هل تشوف ان السياره مناسبه اكثر لكبار السن او للشباب ؟

للجميع والله بالنسبة كشاب عمري

- وش اللي شدك للسياره وخلاك تشتريها هي بالذات ؟

والله الشكل بس الوالد هو الي حببني اكثر .

- انطباعك عن السياره بشكل عام ؟
ممتازة بس

السلبيات
دفع امامي
و الابعاد حقتها صعبة في التوقيف بدون حساسات
بدون كاميرا
بدون حساسات امامية
ايجابيات

عزم
ثبات
راحة
المراية مال الزاوية العميا تمام ف التجاوزات
الشاشات الي بالطبلون
اللون احمر
الوكيل ممتاز
الضمان ممتاز

كان خيار موفق


رد مع اقتباس
  #9  
قديم 03-29-2014, 05:40 PM
عضو جديد
 
تاريخ التسجيل: Oct 2013
المشاركات: 3
افتراضي رد: كم ماشيه سيارتك التورس وكيف توصفها ... تفضلوا معنا

- موديل سيارتك التورس ؟
2013 وارد امريكا
- كم ماشيه ؟
65 الف كيلو
- هل التشييكات في الوكاله او خارج الوكاله ؟
في الوكالة طبعاً

- هل هناك قطع غيرتها على الضمان او بدون الضمان ؟

طرمبة البنزين
- هل تشوف ان السياره مناسبه اكثر لكبار السن او للشباب ؟

اعتقد ان السياره شبابية..
- وش اللي شدك للسياره وخلاك تشتريها هي بالذات ؟
عدة اسباب.. منها سمعت الوكيل الجيده، ادخل السياره الوكالة من دون موعد ويخلصونها بسرعه والقطع متوفره، قطع غيار باسعار معقولة، تاريخ فورد معروف بتصنيعها لسيارات اعتمادية
اول سبب هو الامان في السياره جبار جداً وفوق المتوقع ، ولا يقارن بمنافساتها مثل الافلون والامبالا

- انطباعك عن السياره بشكل عام ؟
بشكل عام السياره ممتازه جدا في الخطوط. لكن اي سياره لا تخلو من العيوب من عيوب السياره فيه صوت خفيف في الديكور ، مكان وضع الاكواب،لكن ما يطلع اللا في الطرق الوعره جدا،
انصح اي واحد مقبل على شراء سياره ان يجمع النقاط اللي يريدها في السياره ثم يشوف اي سياره مناسبة له، وليحط في باله ان السياره لا تخلو من العيوب.
السياره عمليه في رأيي وسلامتكم


رد مع اقتباس
  #10  
قديم 03-30-2014, 08:57 AM
الصورة الرمزية Mutasem
عضو مجتهد
 
تاريخ التسجيل: Dec 2013
المشاركات: 122
افتراضي رد: كم ماشيه سيارتك التورس وكيف توصفها ... تفضلوا معنا

أسعد الله صباحكم بكل خير


- موديل سيارتك التورس ؟

2013 sel - الدفعة الاخيرة استلمتها بتاريخ 19 - 12 - 2013

- كم ماشيه ؟

16.000 كيلو متر

- هل التشييكات في الوكاله او خارج الوكاله ؟

داخل الوكالة .. بس الاسعار عندهم تذبح


- هل هناك قطع غيرتها على الضمان او بدون الضمان ؟

لا ابدا .. الحمدلله الى الان ماشيه معي زي العسل - ما شاء الله


- هل تشوف ان السياره مناسبه اكثر لكبار السن او للشباب ؟

للكبار افضل .. اما للشباب بصراحة اي تهور تصير خطيرة بسبب قوة العزم الي فيها

- وش اللي شدك للسياره وخلاك تشتريها هي بالذات ؟

شركة فورد شركة عريقة ولها تاريخها .. ومن التجربة من ماركيز و اكسبديشن .. وبصراحة افضل سيارة من وجهة نظري بفئتها .. واقلهم سعر


- انطباعك عن السياره بشكل عام ؟

السيارة جميلة جدا .. من الخارج ماخذه وضعها واحترامها بالشارع .. ومن الداخل ولو على ضيق البسيط من ديكورها الكبير .. بس فخامه وتحس انك ممتلكها ..

والمشكلة الوحيدة الي فيها .. انها حساسة .. يعني اذا بتزعل الله لا يوريك هههههه تتوحش التوتو

والحمدلله على كل حال


رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Untitled 2
الساعة الآن 03:51 AM


Powered by vBulletin® Copyright ©2000 - 2017, Jelsoft Enterprises Ltd.
Content Relevant URLs by vBSEO 3.6.0 TranZ By Almuhajir
Ads Management Version 3.0.1 by Saeed Al-Atwi