النتائج 1 إلى 5 من 5

الموضوع: استفسار عن f150 fx4

  1. #1
    Drake غير متصل عضو جديد
    تاريخ التسجيل
    Apr 2014
    المشاركات
    12

    افتراضي استفسار عن f150 fx4

    السلام عليكم..
    يا إخوان انا بإذن الله ناوي على f150 fx4 .. بس خايف ومحتار
    الي عندهم السيارة ابغى اعرف انطباعهم عن السيارة إجابيات + سلبيات

    الوالدة الله يطول بعمرها وأعمار والدينكم عاجبها الإدج وتبغاني أخذه
    وكارهة (الونيت):d على قولتها .. وانا العكس عاجبني وداخل مزاجي

    نبغى مشورتكم الله يرضى عليكم .. ما خاب من استشار
    والي عنده فكرة عن سيارات غيرهم اهم شي تكون جيب يفيدنا ..

    ملاحظة:لاحد يذكر لي الإف جي

    وشككرا

  2. #2
    مالك الحزين غير متصل عضو جديد
    تاريخ التسجيل
    Mar 2014
    المشاركات
    7

    افتراضي رد: استفسار عن f150 fx4

    نصيحتي لك
    ارضي الوالدة ولو على حساب نفسك فقد يبارك الله لك فيما رغبت أمك ويحقق لك ما لا تتتوقعه أبدا

  3. #3
    Drake غير متصل عضو جديد
    تاريخ التسجيل
    Apr 2014
    المشاركات
    12

    افتراضي رد: استفسار عن f150 fx4

    وهو كذالك

    استخرت ونفسي كانت مقبلة على الإيدج
    الله يختار الي فيه الخير
    دعواتك

  4. #4
    Northstar غير متصل عضو جديد
    تاريخ التسجيل
    Jun 2013
    المشاركات
    14

    افتراضي رد: استفسار عن f150 fx4

    وعليكم السلام

    أنا امتلكت السيارة لمدة 6 اشهر.

    النوع: F150 FX4, 6.2L (فل اوبشن) - غمارتين

    صراحة سيارة تستاهل كل ريال يندفع فيها, قوة, شكل, مساحة تخزين, راحة ومساحة شاسعه للركاب, مواصفات وتقنية جدا ممتازة, رياضي, ينفع للبر وللمدينة ولكل شي عادي اذا تبي تروح القمر ما يقول لا.

    العيوب: الحجم.

    إلى الآن ما واجهت ولا مشكلة مع السيارة ما عدى الحجم في الأماكن الضيقة والمواقف فقط (عندك كاميرا وحساسات), عزمها ماشاء الله تبارك الله جدا قوي وبالنسبة للوزن والحجم اكثر من رائع, الرساوة (كل يوم امشي فيه 70 كيلو ولا مرة شعرت بانحراف السيارة او شي مقلق)

    لكن! هذا ونيت. مهما تطور وصار مريح يبقى ونيت يعني ممكن يكون فيه قساوة بسيطة بحكم ان الجنط مقاس 20 و يايات نوعا ما رياضية. وسافرت فيه ورحت وجيت ولا قال لأ, عائلي وشبابي وتقدر تحمل فيه وتطلع البر. الصراحة السيارة المثالية بالنسبة لي.

    طبعا فيه نوعين (غماريتن):
    1- 158,000 ريال
    2- 172,000 ريال

    الفرق ان اللي بـ 172,000 يجي فيه الآتي
    - عدسات + زينون
    - كراسي كهرباء بالكامل + تبريد وتسخين
    - شاشة 8 انش مع نافجيشن وسماعات سوني
    - فتحة سقف
    - القزازة الخلفية تنفتح + ازالة ضباب
    - اشارة LED في المرايات الجانبية
    - تعتيم اوتاميتك لمراية السائق
    - مرايات جانبية قابلة للطي الكهربائي
    - مكيف منفصل للراكب والسائق (Two zone)

    هذا جميع ما يحضرني من فروق وأنا ولله الحمد امتلك الفئة الثانية وفعلا تستاهل الفرق وتستاهل اكثر على الفروق.

    السيارة فيها مميزات كثيرة يميزها عن غيرها من فئات F150:

    - دف لوك
    - نظام نزول منحدرات
    - نظام المرتفعات (لما تفك رجلك من البريك السيارة ما ترجع شعره للخلف)
    - كراسي أسود واحمر جلد وبالنص شامواه (أحلى شي بالسيارة)
    - جنوط سوداء مطفي مقاس 20
    - خطوط جانبية سوداء وعلى الكبوت

    بعض الصور:






    (ماشاء الله)


    بالنسبة للـ FX4 والرابتر صراحة الفرق جدا ما يسوى

    الرابتر ب 240,000 ريال (70,000 ريال فرق)
    نفس السيارة بالضبط والفروق هي:
    - نظام التعليق
    - بودي عريض (الرفارف)
    -الجنوط
    - حماية سفلية
    -كاميرا أمامية

    جميع هذي الأشياء تقدر تسويها بالـFX4 بربع القيمة وفوق هذا كله داخلية الـFX4 احلى بالنسبة لي, هذا لا يعني ان الرابتر سيء! ابدا لكن انا اقول انه حرام تدفع 70,000 على هذي الفروق لكن الكل حر بحلاله.

    و أي استفسار انا حاضر
    التعديل الأخير تم بواسطة Northstar ; 04-11-2014 الساعة 07:43 PM

  5. #5
    برهوم العلي غير متصل عضو جديد
    تاريخ التسجيل
    Sep 2014
    المشاركات
    2

    افتراضي رد: استفسار عن f150 fx4

    اخوي كل عام ونت بخير
    استفسار الله يحفظك . انا معي فورد fx4 موديل 2013 غمارتين في مطب ( مناقز ) علما ان الجنوط والكفرات شد بلده جنط 20
    وشرايك وش حل المطب الي فيه يعني باظبط مهب راحة فورد

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن فورد العربية
منتديات فورد العربية هي لمالكي ومحبي سيارات فورد ولا يمثل الموقع شركة فورد المالك الرئيسي لعلامة FORD ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر